Abenduko albisteak 2021
2020.URTEKO ARGAZKIA
|
Urte garai honek badu berezitasun bat biztanleen artean, herri gehienak ospatzen dutelako alegia, erlijioarekin lotura izan edo ez. Aizarnan garai hau ospatzeko argi bereziak ikusi ditut aspaldiko urtetan, egia esan ez ziren hain bitxiak, baina urte garai hau bereizi egiten zuten behintzat. Baserri eta balkoi batzuetan ikusten dira argi edo ikur bereziak, baina herriko kaskoan ez dago ezer bereizten duenik. Herri gehienak apaintzen dituzte bere kale edo kaskoak eta Aizarnan ez dakit zergatik ez den bereizi urte garai hau. Dena den berez dauka xarma kasko honek, baina bereiztea ere ez zen gaizki etorriko nire ustez.
|
Iritsi da Olentzero Aizarnara. Haurrak zain zituen herrira sartzerakoan, ilusioz betetako eguna berauentzat. Argazkia Danbolin orri digitaletik jasota.
|
2004.URTEKO ARGAZKI BATEN OROITZAPENA.
|
Beti entzun genion gure amari bere anai bat gerran zendu zela eta ez zutela bere gorputza non lurperatu zuten jakiterik izan.. Orain memoria historikoaren legea dela eta, artxiboetan irakurrita jakin dugu non lurperatu zuten, Morellako hobi komun batean omen daude bere gorpuzkiak lurperatuta. Errezilgo Eperzelaita baserrikoa zen, 18 urterekin alistatu zuten gerra madarikatu horretarako eta Teruel aldean hil zen 19 urte zituela. Jakin-mina genuen eta berau ase ondoren bertara hurbildu gara lekua ezagutu eta oroigarria bat jartzera. Amak ez zuen egiterik izan eta orain urte batzuk geroago ondorengoak egin dugu, berak egin nahi zuena. G.B. ( Esan behar Morella hiria Castellongo mendi tontor batean kokatzen dela eta Teruelekin muga egiten duela.)
|
Azaroa aspaldiko urteetan izan den euritsuena izan omen da eta otza nagusitu da azken egunetan. Aurtengo udazkenak lehen aldiz zuritu ditu mendi gailurrak eta irudi honekin sartu gara Abenduan. (Argazkian Ernio mendia ikusten da elurtuta) 1//12/2021
|
