Iritzia

Orain arteko iritziak

 

Jon Egiguren (2024/02/05 - 20:42)

Santa Ageda bezperan kuadrillak irteten dute koplak kantatuaz baserriz baserri eskean. Aspaldiko ohitura honek jarraitu egiten du oraindik Euskal Herrian. Ni ere haurtzaroan ibilitakoa naiz eta gogoan ditut oraindik egun haiek, baita ere Aizarnan kintoak nola irteten zuten soldadu juteko urtean diru pixka bat poltsikoan sartu nahian. Baita ere urte batean elur galantarekin eta ilunduta nola joan ziren gure baserrira. Sasoiak arazo denak gainditzen ditu nonbait.

Aizarnako eskolako guraso eta haurrak ere ibili dira aurten eskean, badirudi ohitura zahar hau ez dagoela bertan behera uzteko herrian.

======================================================

Jon Egiguren (2023/12/14 - 21:24)

Abenduak 13. bilera irekia deitu zuen Udaletxeak Aizarnako Elkartean. Bertan alkate eta bi zinegotziak Aizarnarako dituen helburuak aurkeztu zituzten, gai asko aipatu ziren eta eztabaidatu ere bai elkartu ziren artean, baina denak ezin aipatu lerro hauetan. Azken urteetan geldirik dagoen dorreko erlojuaren eraberritzea ere aipatu zuen eta udaletxearen helburua ikus leiho edo toki egoki batean kokatzea zela adierazi zuen. Ondare publiko hau elizako dorrean kokatzearen alde ez dagoela ere adierazi zuen eta horretarako ez duela dirurik ipiniko esan zuen. 13/12/2023

=====================================================

Jon Egiguren (2023/06/29 - 09:19)

Zestoako alkate den Mikel Arregi eta Iñaki Odriozolaren eskutik, energia berriztatzaileen kokapenen berri jaso genuen Kultur Elkartean. Berauek azaldu dutenez oraindik ez daude gehiegi zehaztuta, leku egokiak direla horretarako bakarrik erakusten omen dute Eusko jaurlaritzak azaldu dituen kokapen hauek.

Kokapen hauek nahiko zalantzan jarri zituzten eta helegitea aurkeztuko zutela esan zuten Udaletxeko hautetsi hauek. Batean edo bestean trantsizio energetikoa egin nahi badugu ezinbestekoa izango da eguzki-plaka edo eolikoak erabiltzea, beste aukerarik ezean behintzat.

Gaur bizi dugun garapen ekonomikoa lortzeko, energia eta teknologia izan direla oinarri ezin dugu ahaztu, beraz nik iritzi bat eman behar eta atzera ezin dugula egin esango nuke, aurrera baizik. Beti ere garapen jasangarri baten barruan natura ahal den egokien zainduaz.

================================================

Jon Egiguren (2022/09/06 - 17:43)

Juan Sebastian Elkanok, munduari bira eman ondoren Getariara iritsi zen eguna jai eguna ospatzen dugu 2022 urtean.

Gizon honek egin zuen balentria ez du inork zalantzan jartzen, baina bere izaera aztertzerakoan historialariak ez dira ados jartzen. Batzuek gizon zuzena zela diote eta besteak Espainiako Erregearen agindutan indigenen menperatzaile bezala daukate, berauen artean egin zituen hilketak egotzita.

Egia esan, garai haietako testu ingurua eguneratzea ezinezkoa dela esango nuke, beraz bakoitzak hartu dezala bere erabakia.

Itsas ontzi hauek espeziarekin beteta etortzen ziren eta denak erositakoak ez ziren izango, dirurik ez baitzuten eramaten horretarako, janariaz eta armaz beteta joaten baitziren ontzi hauen sotoak.

Egun paregabea gizon honen azken nahiak aipatzeko, Santa Engrazia ermitarako urrezko dukat bat utzi baitzuen. Dena den, Donostian egin omen ziren banaketak eta dukat hau Aizarnara iritsi zen dokumenturik ez da ikusten , beraz bidean galduko zen edo poltsikoren bat berotuko zuen agian.

===============================================

Jon Egiguren (2022/05/23 - 19:30)

Aizarnako eliza eta ermitak irudi erlijioso ugari dituzte eta askotan ikusi arren bakoitzak zein irudikatzen duen ez nekien orain arte. Batzuek nabariak dira, beste batzuek argitu ahal izateko lan batzuk egin behar izan ditut eta hauetako bat ikonografia erlijiosoari eskainita dauden orriak irakurtzea izan da.

Irakurri bakarrik ez, konparaketak ere egin behar izan ditut eta horretarako irudi hauen argazki guztiak lortu behar izan ditut. Bakoitzaren irudiak lortu eta behean azaltzen ditut testo txiki batekin, zein irudikatzen duen argitu eta non kokatuta dauden jakiteko.

Argazki hauek ikusteko joan argazkien atalera.

------------------------------------------------

JON EGIGUREN (2021/12/28 - 21:04)

Urte garai honek badu berezitasun bat biztanleen artean, herri gehienak ospatzen dutelako alegia, erlijioarekin lotura izan edo ez. Aizarnan garai hau ospatzeko argi bereziak ikusi ditut aspaldiko urtetan, egia esan ez ziren hain bitxiak, baina urte garai hau bereizi egiten zuten behintzat. Baserri eta balkoi batzuetan ikusten dira argi edo ikur bereziak, baina herriko kaskoan ez dago ezer bereizten duenik.

Herri gehienak apaintzen dituzte bere kale edo kaskoak eta Aizarnan ez dakit zergatik ez den bereizi urte garai hau. Dena den berez dauka xarma kasko honek, baina bereiztea ere ez zen gaizki etorriko nire ustez.

=================================================

Jon Egiguren (2021/12/03 - 21:45)

Beti entzun genion gure amari bere anai bat gerran zendu zela eta ez zutela bere gorputza non lurperatu zuten jakiterik izan.. Orain memoria historikoaren legea dela eta, artxiboetan irakurrita jakin dugu non lurperatu zuten, Morellako hobi komun batean omen daude bere gorpuzkiak lurperatuta, . Errezilgo Eperzelaita baserrikoa zen, 18 urterekin alistatu zuten gerra madarikatu horretara eta Teruel aldean hil zen 19 urte zituela. Jakin-mina genuen eta berau ase ondoren bertara hurbildu gara lekua ezagutu eta oroigarria bat jartzera. Amak ez zuen egiterik izan eta orain urte batzuk geroago ondorengoak egin dugu, berak egin nahi zuena. G.B. ( Esan behar Morella hiria Castellongo mendi tontor batean kokatzen dela eta Teruelekin muga egiten duela.) Argazkia ikusteko joan hileroko albisteen atalera

==================================================

Jon Egiguren (2021/11/20 - 20:26)

Aizarnako plazak itxura berria du orain. Eserleku berriak jarri ditu udaletxeak eta hesi txiki batzuekin babestu egin du haurren jolas lekua den plaza nagusia, baita ere errepidera zuzenean irteten zuen espaloia ere. Nire iritziz egoki gelditu da, ez du hesi zatar baten itxurarik eta asko babestuta gelditzen gure plaza eta era berean jar leku gehiago ditu atsedena hartzeko. Ni beldur nintzen hesiak asko desitxuratuko zuela gure plaza, baina esan beharra daukak, aldaketa ikusi ondoren asko gustatu zaidala itxura berri hau. Bi helburu lortzen dituela esango nuke plaza babestu eta itxura ere hobea hartu du. (Argazkia ikusteko joan hileroko argazkien atalera)

==================================================

Jon Egiguren (2021/08/02 - 11:26)

Iaz ez genituen ospatu Amabirjinak Aizarnan eta arazoa denok dakigu zein izan zen. Aurten normaltasunik gabe, baina ikuskizunak izango dira herrian,. beti ere koronabirusaren aurrean segurtasun neurriak hartuta jakina. Egitaraua argazkian irakur liteke, beraz indarrean ditugun neurriak hartu ondoren ea ikuskizun hauekin gozatzeko aukera izaten dugun.

Argazkia ikusteko joan hileroko albisteen atalera

===============================================

Jon Egiguren (2021/06/03 - 08:42)

Aizarnako eskola txikien eguna ospatzekoa zuten ekainak 13an. Orain pretnsa ohar baten bidez adierazi dute ez dela ospatu antolatuta zegoen bezala. Baina ospakizun berezi batekin egingo dute Errezildarrei lekukoa ematea.

Jon Egiguren

=============================================

Aizarna 2021ko maiatza

Dakizuenez 2020ko ekainean Gipuzkoako Eskola Txikien jaia ospatzekoak ginen Aizarnan. Festa egunerako ilusio betean geundela eta prestaketa lanak oso aurreratuta genituela harrapatu gintuen pandemia egoerak. Dakizuenez martxoan ezarritako itxialdi orokorrak etxeratzera eta festa bertan behera uztera eraman gintuen. Urtebetera pandemiari begira egoera samurragoan egongo ginen itxaropenak bultzatuta, festa 2021eko ekainera atzeratzeko erabakia hartu genuen jaiaren antolatzaile garen guraso eta eskolako irakasleek. Urtebete geroago, hala ere, egoera ez da asko samurtu eta oraindik ez gaude festa egiteko egoeran. Egoera honetan, 2022ko ekainean hurrengo festa antolatzeko ardura duen eskolari testigua pasa eta Aizarnan bertan ekitaldi xume eta herrira begirako bat egiteko erabakia hartu dugu.

Ohar honen bidez argi utzi nahi dugu 2021ean Gipuzkoako Eskola Txikien jaia ez dela egingo. 2022an ea berriro ere lehengo dinamikari berrekiteko moduan izaten garen, eta eskola txikietako ikasle, irakasle eta gurasoak elkartzeko dinamika honi jarraipena ematen zaion. Baina esan bezala 2021ean ez da festarik ospatuko.

Aizarnarrok, hala ere, gure komunitatean, gure burbuilan, ekitaldi xume bat egingo dugu, egoerak eskatzen dituen segurtasun neurriak beteta. Ekainaren 13an goiz parterako ekitaldi bat egingo dugu. Festaren lekukoa gure mugakide diren errezildarrek hartuko dutenez, Etumetan elkartuko gara eta hantxe, bi herrien arteko mugan, emango diegu testigua hurrengo urtean festa antolatzeko ardura izango duen herriari. Etumetara oinez joateko aukera izango da. Han ekitaldi xume bat egingo dugu eta ondoren eguerdian Aizarnako plazan ekitaldi txiki bat egingo dugu, aizarnarron artean eta aizarnarrontzako.

Ekainaren 13ko ekitaldiaren egitaraua honakoa izango da:

10:00etan testigua ematea hurrengo festaren antolatzaileei, errezildarrei. Etumetan izango da, kruzetik 200 metrora dagoen zelaigunean. Testigua emateko momentua txalapartarekin eta adarrarekin girotuko dugu. Aurkezpen txiki bat egingo du heldu batek, eta ondoren ikasleek hitza hartuko dute. Aizarnako euskal dantzetako ikasleek aurreskua egingo diete errezildarrei. Errezilgo ikasleak trikitia eta panderoarekin etorriko dira eta dantza bat ere prestatzeko asmotan dira.

Etumetako ekitaldira oinez joateko aukera izango da, gainera, auzolanean Santa Engrazira doan herri bidearen zati handiena garbituta dago, eta falta dena garbitzeko asmoa dago. 8:00etan plazatik abiatuta erraz iristen da Etumetara 10:30erako. Plazara buelta ere aukeran, oinezjaisteko denbora badago.

 12:30etan ekitaldia plazan. Oholtza txiki bat muntatuko dugu. Ekitaldian Aizarnako ikasleak izango dira protagonista eta ekitaldia honakoekin girotuko dute: koreografia bat, bertso batzuk… Hitza hartzera gonbidatuko ditugu: ikasleak, ikasle ohi bat, guraso bat eta eskolako zuzendaria. Amaieran musikak girotuta herrian zintzilikatu dugun murala edo horma-irudira joango gara denok. Ander Hormazuri margolariak Aizarnako eskolan ikasleekin lantzen aritu den proiektua azalduko digu.

Eta amaiera emango diogu ekitaldiari.

============================================================

Jon Egiguren (2021/05/20 - 20:17)

TESTOA DANBOLIN ORRI DIGITALETIK JASOTA DAGO

Inguruko sendabelarrak ezagutzeko tailerra antolatu dute Aizarnan

Sendabelar ikastaroak eskainiko ditu Sara Letamendiak ekainean eta uztailean Aizarnan. Saioetan, ukenduak, olioak, lozioak edota kosmetikako produktuak egiteko aukera izango da.

Bi ikastaro mota izango dira: lehena 16 ordukoa izango da. Lau larunbatetan eskainiko ditu saioak: ekainaren 5ean, 12an ,19an eta 26an, goizeko 10:00etatik 14:00etara. Bigarren ikastaroa, aldiz, egun osokoa izango da eta bi egunetan banatuko da, uztailak 10 eta 24, goizeko 10:00etatik arratsaldeko 19:00etara, bazkaria barne.

Ekaineko ikastaroak 140 euroko prezioa du eta uztailekoak 70 eurokoa.

Informazio gehiago 943 148 126 edo 609 861 703 telefono zenbakietan edo ara@saraletamendia.eus helbidean.

Argazkia ikusteko joan hileroko albisteen atalera

===========================================

Jon Egiguren (2021/01/30 - 19:19)

Jaunartze handia deitzen genion doktrina ikasi eta ondoren egiten genuen Jaunartzeari. Argazkian 1950 urtean jaiotakoek egin zutena ikusten da, beraz 1961 urtekoa izango da seguruenik.

Argazkia ikusteko joan aintzinako argazkien atalera.

=============================================

Jon Egiguren (2021/01/26 - 21:13)

Udaletxean jarri du Udalak 1879an kanpandorrerako erosi zuen erloju mekanikoa. Dorrean urte pila bat egin ondoren, Santa Engraziako erlojua zaharberritze lanetan ibili ginen taldekoak, egin ditugu kokapen berrirako egokitze lanak auzo lanean. Esfera berria jarri diogu, transmisio berria orratzak mugitzeko, pisu berriak eta kanpai txiki bat orduak adierazteko, beste konponketa batzuen artean.

Erlojua toki paregabean dago kokatuta, ez dago zailtasunik zahar edo gazte izan altxor dotore honekin gozatzeko, askorentzako zailtasuna dorrera igotzea baita. Ez dut uste altxor hau hemen kokatzearen damurik inork izango duenik Zestoan. Hemendik gonbidapen bat luzatu denari, udaletxera bisita bat egin, erlojua ezagutu eta bere istorio luzeaz jabetzeko.

Argakia ikusteko joan hileroko argazkien atalera.

===========================================

Jon Egiguren (2021/01/22 - 23:01)

Santa Engraziako erlojuaren konponketa lanetan ari ginela, grabaketa ugari egin zituzten Al Borde Films taldeko arduradunek. Helburua, dokumental bat osatzea zen, auzo lanean egiten ari ginen lanen berri jasotzeko.

Dokumentala osatu du taldeak, Lanbroa izenburua duelarik eta orain grabaketak egin zituzten herri edo auzoetan erakustea dute helburu: Zestoa, Zumaia, Usurbil, Aizarna eta abar.

Zestoan proiektatzeko eskaera jaso zuen udalak eta honen ikuspegitik dokumental honek ez du jasotzen auzolaneko izpiriturik, bi pertsonen protagonismoa bakarrik gailentzen delako; esan behar nik ere iritzi bera dudala gai honetaz.

Osoan irakurtzeko joan artikuluen atalera

=============================================

Jon Egiguren (2020/12/30 - 21:58)

Antxieta arkeologi taldeak, koba zulo berri bat aurkitu du Aizarnan, Lizasoeta txiki baserriko Fidel Goenagaren arrastoari jarraituz. Arrasto hau Fidelek bere aitonari entzundakoa dugu, Atsoagureta lur sailean zulo bat itxi zuela eta honen berri jakinarazi diote Antxieta taldeari.

Albiste honen berri jakin ondoren, hurbildu dira Antxieta taldekoak eta kokapena aurkitu ondoren, berriro ireki dute sarrera barrura sartzeko. Lehen miaketak egin eta berriro itxi egin dute, baina oraingoan burdinazko ate sendo batekin, segurtasuna bermatzeko.

Ez dakit zer neurri duen koba zulo honek, ez da ere gizaki aztarnak dituen edo ez, dena den indusketak egin ondoren izango dugu emaitza hauen berri, bitartean itxaron egin behar. Taldea itxaropentsu ikusten da eta sorpresak ere izango direlakoan daude, ea egi bihurtzen diren.

Egia esan sorpresa izango litzateke urteetan zehar itxita egon den koba zulo honetan zerbaiten aztarnak aurkitzea, nahiz eta txikiak izan, altxor bat gehiago Aizarnarako. Eskerrak eman behar taldeari, bailaran egiten ari den lanengatik, merezita baitaukate.

Argazkiak ikusteko egin klik artikuleen eta hileroko argazkien atalean

============================================0

Jon Egiguren (2020/11/30 - 21:08)

Luis Txapartegi bigarren sailkatu da Labastidan egin den txapelketan. Emaitza honek hurrengo urtean lehen mailan lehiatzeko aukera ematen dio. Urteak daramatza kirolari honek goi mailan, adinak ez dio ahalmenik murrizten nonbait Aizarnako kirolari trebe honi. Zorionak¡¡¡

============================================

Jon Egiguren (2020/10/21 - 09:19)

Urriak 20an ospatzen da, ETA erakundeak armak uztea erabaki zuen urtemuga. Urte muga dela eta egunkariek albiste berri bat argitaratu dute, Josu Ternera Frantziako estatuan epaitzen ari diren honetan, Jesus Egiguren lekukotzat izatea eskatzen duela. Denok dakigu Aizarnarra partaide izan zela Josu Ternerarekin batera bake prozesu honetan eta Egigurenen adierazpenak entzun nahiko dituzte nonbait, Ternerak prozesu honetan izan zuen jarrera adierazteko epaileari.

===================================================

Jon Egiguren (2020/10/01 - 18:17)

Udaletxeko ondare eta kultura sailak, Aizarnako ondarea zaintzeko egiten ari den ahaleginetan, dorrean dagoen erlojua zaharberritzeko egitasmoa jarri zuen martxan. Honen arabera, Zestoako erloju zaharra kokatzen ari zen taldeak hartu zituen lan hauek bere gain, zegoen egoera kaxkarretik atera eta itxura berri bat eman nahian.

Taldea lanean ari zelarik, eztabaida sortu zen auzoan. Lan hauek proiektu bat behar zutela alegia, naiz eta Santa Engraziakoa eta Zestoakoa proiekturik gabe zahar berrituak izan.

Honen aurrean ondare eta kultura sailak lanak gelditzea erabaki du eta epe bat jarri, proiektuak aurkezteko. Dena den, lanean ari zen taldeak erlojua zuen egoeratik ateratzea zuen helburu, beraz hau lortzen badugu, era batera edo bestera egin, lanean ari zen taldeak lortu nahi zituen emaitzak lortuko dira azken finean.

Taldea beti aritu da auzo lanean udaletxeko ondare eta kultura sailaren baimenarekin, eta aurrerantz ere, komisio honen konfiantza izaten badu prest egongo da lanean jarraitzeko. Beti ere herriko ondareak zaintzeko helburuarekin.

=============================================

Jon Egiguren (2020/08/02 - 10:47)

Aizarnako ondarea.

Udaletxeko ondare eta kultura sailak, Aizarnako ondarea zaintzeko egiten ari den ahaleginetan, dorrean dagoen erlojua zaharberritzeko egitasmoa jarri du martxan.

Zaharberritze lanak auzolanean egitea da helburua, eta ateak irekita daude proiektu honetan parte hartu nahi duen edonorentzat. Aizarnak aspaldidanik merezi izan duen proeiktua da hau.

Erlojua dorrean dena erdoiltzen ari da, eta orain dugu aukera egoera horretatik ateratzeko. Ea denon artean lortzen dugun, Aizarnak merezi du eta.

================================================

Jon Egiguren (2020/06/09 - 21:39)

Koronabirusa dela eta aurrekontu asko atzera bota dituzte udaletxe batzuetan, baina 2020 urtean Aizarnarako onartuta zeudenak ez dute atzera pausorik egin.

Egia esan oso itxura desegokia zuen herriko urbanizazioak, espaloiko arbelak dena puskatuta, galtzada-harri asko bere lekutik mugituta, ur poltsak sortuaz eta oinezkoak ere nahiko arazo ibiltzeko garaian.

Dena den badirudi egoera honek amaiera duela, ari dira kaleak konpontzen, eta aurrerantz itxura egokiagoa izango dute Aizarnako kaleak. Aizarnak behar zituen konponketak dira hauek eta eskerrak eman behar aurrekontu hauetan diru kopuru hau onartzeko lan egin duten guztiei.

========================================

Jon Egiguren (2020/05/10 - 10:31)

Aizarnako eskola txikien eguna atzeratu egin da hurrengo urtera arte.

2019-2020 ikasturtearen azken zatia erabat ez ohikoa bihurtu zaigu COVID-19ak sortu duen pandemiak eragindako osasun larrialdia dela eta. Konfinamenduan egon gara eta gaude oraindik orain, nahiz eta lehen neurri aringarriak martxan jarriak diren.

Egoera honek, eta gure ardura pertsonal zein kolektiboak, arduraz jokatzera eraman gaitu eta Eskola Txikien Festaren inguruan ere erabakiak hartu beharrean egon gara.

Ate joka baitugu ekainaren 14a, eta etorkizuna zer nolakoa izango den jakin ez arren, erabaki zentzudunena Eskola Txikien Festaren antolaketa lanak etetea izango dela onena pentsatu dugu. Beraz, 2020ko ekainaren 14an Aizarnan ez da Eskola Txikien Festarik ospatuko.

Baina, esan bezala, antolaketa lanak etetea erabaki da, izan ere, Eskola Txikien Festa antolatu behar da Aizarnan, beraz, 2021eko ekainaren 13an izango da hurrengo Eskola Txikien Festa, Aizarnan bertan. Ordurako osasun krisi hau gainditzeko ahaleginean jarraituko dugu guztiok.

Jon Egiguren (2020/04/03 - 15:18)

Apirilean eta konfinatuta, etxean igaro beharko ditugu egun batzuk, martxoan igaro ditugun bezala koroa-birusa saihesteko ahaleginetan. Adituen esanetan badirudi beste aukerarik ez daukagula, birus honekin ez kutsatzeko.

Egia esan nik ez dut ezagutu horrelako salbuespen egoerarik, pelikuletan bakarrik gertatzen zirela horrelakoak esango nuen egun batzuk lehenago esan bazidaten. Baina iritsitakoan sinistu dut, egia dela eta ez fikzioa.

Uste genuen XXIgarren gizaldian birusak jazartzen dizkigun gaitzak erraz gaindituko genituela, baina gizakiak oraindik baditu bere arriskuak, naiz eta gizarte aurrerakoi batean bizi. Mundu globalizatu honetan gehiago oraindik, nahiz onerako edo txarrerako izan.

Kaleak eta pasealekuak hutsik ikusten dira, tristura pixka bat ere ematen du honela ikusteak, baina espero gaindituko dugula epidemia maltzur hau ere. Adituen aholkua etxean gelditzea da, beraz egin diezaiegun kasu, esperientzi honekin ere zerbait ikasiko dugu eta.

==============================================

Jon Egiguren (2020/03/13 - 18:29)

Koronabirusaren aurrean sortu den panorama ikusita, martxoaren 14ko antolatuta zegoen bazkaria bertan behera geratzea erabaki du eskola txikien festaren antolakuntzak.

Ez dakigunez egoera noiz arte luzatuko den, txartela erosita dutenei dirua itzultzea erabaki da. Anbun eta konpittokon dirua itzuliko da txartela aurkeztuta.

Penaz baina horixe hartutako erabakia.Ahalegina egingo da horrelako bazkari bat egiteko aurrerago. Eskerrik asko eta barkatu eragozpenak.

==================================================

Jon Egiguren (2020/02/22 - 22:09)

Eskola txikien eguna antolatzen ari den batzordeak, bazkaria antolatu da herriko pilotalekuan martxoaren 14an. Batzorde honek ahalik eta jende gehien bildu nahi du bazkari honetara, nahiz herrian edo kanpoan bizi.

Bazkarirako txartelak salgai egongo dira Anbun eta Konpitterokon, martxoaren 8ra bitartean, salneurria 20euro helduak eta 12euro haurrak.

Bazkaria alaitzeko bertsolariak, lehengo eta oraingo eskolako argazkiak eta abar egongo dira ikusgai, baita ere festari buruzko informazioa bertan emango da.

Lantaldean parte hartzeko, bete izen emate orria eta ekarri ekitaldira edo eman Ahurra guraso elkarteari. Animatu¡

Antolakuntza Batzordea

==============================================

Jon Egiguren (2020/02/17 - 12:04)

Otsailak 28 Aizarnako Aitzbarna Elkartean mus txapelketa herrikoia ospatuko da eta sariak beti bezala dotoreak izango dira.

Merezi du parte hartzea mus txapelketa herrikoi honetan, xarma berezia duelako batik bat.

Arauak ikusteko joan hileroko argazkien atalera.

==================================================

Jon Egiguren (2020/01/14 - 21:01)

Santaines jaiak Iraetan. urtarrilak 18an hasi eta 25ean amaitu.

Egitarau bikaina auzo txiki baterako, nahi duenak hurbildu eta gozatu dezala jai aberats hauekin. =====================================

Urtarrilak 18, larunbata: Umeen eguna puzgarriak trena txokolatada jaio berriei ongi etorria. ==================================

Urtarrilak 19, igandea: Jubilatuen eguna Urrezko Aizkora.

=======================================

Urtarrilak 21, asteartea: Santa Ines eguna Gure Ordekako bazkideek bazkaria elkartean =======================================

Urtarrilak 24, ostirala: Mus txapelketa Bekoetxe merenderoan 22:00etatik aurrera ==========================================

Urtarrilak 25, larunbata:: Pintxo lehiaketa Gure Ordeka elkartean gauean garagardo feria eta afaria berbena Iratzar taldearekin ========================================

Jon Egiguren (2019/12/09 - 11:46)

Abendua haurrentzako urte garai pozgarria, Olentzero, jaiotza, zuhaitz koloretsuak, oporrak eta kaleak dena argi politekin apainduta ikusten dituzte. Opari faltarik ere ez dute izaten gure lurraldean behintzat, beraz gozatu dezatela, haurrak pozez ikustean gurasoak ere alaitu egiten dira eta.

Badira urte garai hau ez ospatzeko aldarrikatzen ari direnak ere, errespetu osoa beraientzat, baina nire ikuspegitik urte garaia egokia da ospatzeko, beti ere kontsumo arduratsu baten barruan alegia.

==============================================

Jon Egiguren (2019/11/06 - 22:46)

Legealdi honetarako, Udaletxeak Aizarnarako dituen proiektuak eta lanak aurkeztu ditu Mikel Arregi alkateak.

Bere proposamenak gehi biztanleak dituen arazo eta eskaerak ere jaso ditu bertan. Ea legealdi honetan Aizarnako arazoak erantzun egoki bat izaten duten.

Eraberrituta ikusten da Kontzejua, ez du lehengo itxurarik, baina aspaldiko ohitura zaharra da herriko arazoak konpontzeko Udaleko hautetsiak hemen elkartzea.

Argazkia ikusteko joan hileroko albisteen atalera.

=======================================

Jon Egiguren (2019/10/02 - 18:02)

Ezer baino lehen argitu beharra daukat, ermita honen inguruko idatzietan, Alejandrino Iruretaren margoak San Juan de Dios irudikatzen duela idatzi dudala. Gaizki nengoen, San Juan Bautista irudikatzen du. Nire akatsa izan da, ikonografiari hobeto begiratu ondoren, zuzendu ditut akatsak. Barkatu.......

Jarraiasn esan behar, San Juantxo ermita txukuntzen jardun den taldeak argitaratu dituela gastu eta diru sarrerak. Egin diren gastuak hauek izan dira, 3.639,96 Euro eta esku lana auzolanean egin dute.

Gastu hauei aurre egiteko bailarako jendearen diru- ekarpena handiagoa izan da 3.820 euro jaso dituzte, beraz 180euro gelditzen dira ermitarako.

Argazkiak ikusteko joan hileroko albisteen atalera.

===========================================

Jon Egiguren (2019/09/22 - 18:08)

Luis Txapartegi Aizarnako aizkolaria laugarren sailkatu da Azpeitian ospatu den pentatloi txapelketan. Aizkolari trebea dugu, baina beste kirol batzuetan ere maila ona erakutsi duela esan beharra dago.

Kirolari honek 49 urte ditu eta bost kirol hauetan erakutsi duen maila ez du edozeinek erakusten. Kirolean etenik egin gabe ikusi dut aspaldiko urteetan eta zenbat erakustaldi eman dituen Aizarna eta inguruko herrietan, ez daude errazak kontatzen.

Adinean aurrera doa, baina oraindik beste urte batzuetan maila egokia erakutsiko duelakoan nago. Ea Jagoba Otaegi gazteak honen eskukoa hartzen duen eta Aizarnako kirolariak lehiatzen ikusten ditugun.

Zorionak

==============================================

Jon Egiguren (2019/08/05 - 12:04)

Ari zaizkigu hurbiltzen Aizarnako Amabirjinak ere, ez da egun asko falta jai hauei hasiera emateko, abuztuaren 14an hasi eta 18an amitu. Lau egun luze eta denak ekintzaz beteta ikusten dira egitarauan.

Eguraldian laguntzarekin lau egun alaiak igarotzeko aukera paregabea dago bertan, beraz gonbidapen luze bat hemendik Aizarnara hurbildu eta egun hauekin gozatzeko. Egitaraua irakurtzeko joan hileroko albisteen atalera.

===============================================

Jon Egiguren (2019/07/12 - 17:17)

San Juantxo ermita egoera tamalgarrian zegoela eta bailarako biztanleak dei bat egin zuten berau konpontzeko. Badirudi erantzun egokia izan duela deiak eta inguruko biztanleak ari dira auzolanean berau egokitzen. Amaitzean argitaratuko ditut argazki batzuk ermitaren itxura berria ezagutzera emateko.Argazkiak ikusteko joan hileroko albisteen atalera.

================================================

Jon Egiguren (2019/07/04 - 20:15)

Uztailak 7 igande arratsaldeko 8tan Joseba Argiñanok Aizarnan grabatu zuen “historias a bocados” emango dute ETB2an. ==============================================

Jon Egiguren (2019/06/09 - 20:26)

Giro atsegina eta alaia Aizarnako pazko jai egunean ikusi duguna. Ikuskizun ugari eta txahal errea bazkaltzeko salneurri xume baten truke. Argazki batzuek badira ikusgai hileroko albisteen atalean eta espero dut bideo bat osatu bezain azkar, ikusgai jartzea artikuluen zerrendan.

===============================================

Jon Egiguren (2019/05/27 - 14:57)

Gertu da Aizarnan ospatzen dugun Pazko jaia. Ekainak zortzirako dago antolatuta eta eguraldiak laguntzen badu egun borobila igarotzeko aukera paregabea dagoela esango nuke.

Egitarauko argazkiak ondo irudikatzen du eguna, ekintzak bertan irakur litezke eta txahal erre honek botatzen duen usain gozoa jasotzea bakarrik falta zaio, nolako bazkaria izango den jabetzeko.

Artisau postuak, aulki erakusketa, trikiti lehiaketa, txahal errea eta abar. Egun osorako ikusmira dago antolatuta, beraz gonbidapena luzatuta dago egunarekin gozatu nahi duenarentzat.

Argazkia eta egitaraua ikusteko, joan hileko albisteen atalera.

==========================================

Jon Egiguren (2019/05/10 - 21:30)

Maiatzak 9 eskolako ikasleek antolatuta, “Aizarna fantastik zirkua” izenarekin ikuskizun polita eman dute herriko plazan.

Antzerkia, zirkua eta gimnasia denak lotu dituzte egoki eta azpimarratzekoa jende aurrean azaldu duten erraztasuna lanerako. Lan bikaina eta ikuskizun polita haurren adina ikusita, sormena bultzatzeko baliagarria izango delakoan nago. Haurrak beti sortzen dute alaitasuna herrian.

Argazkiak ikusteko joan hileroko albisteen atalera

==============================================

Jon Egiguren (2019/04/16 - 14:33)

Altxor ezkutuak, deituriko bisita gidatuak, oraingoan Aizarna eta Santa Engrazia ezagutzeko aukera eman digu. Bertako paisaiarekin gozatuaz, historia, artea eta eraikuntzak ezagutu ahal izateko.

Aizarnak altxor ugari ditu erakusteko eta horixe egin du Vicente Davilak igande honetan.Goiz zoragarria igaro genuen eta gidari honi esker Aizarnak dituen altxorrak hobeto ezagutzen ditugu orain.

Aurrerantz ere Jarrai dezatela horrelako erakustaldiak 2019/04/14

======================================================

Jon Egiguren (2019/04/04 - 21:42)

Sara Letamendia, aspalditik dabil sendabelarrekin lanean, Aizarnarra izatez eta oso ezagunak egiten ari dira berak egiten dituen olio eta ukenduak, artisau azoka askotan ikusten dut berau produktu hauekin.

Sendabelarrak nola landu erakusteko tailerrak ere egiten ditu, badirudi mundu hau oso ezeguna duela. Egunkari batean irakurri dut aurten irrati saio baten, kolaboratzaile ere egin behar duela, Arraioko hankak lurrean irrati saioan adibidez.

Jarrai dezala orain arte bezala bere jakinduria zabaltzen, bakoitzak dakiena besteei erakustea betidanik izan da gizartearentzako onuragarria eta.

==================================================

Jon Egiguren (2019/02/28 - 20:04)

Inauterien usaiak iritsi dira Aizarnara ere, haur ugari hurbildu da mozorrotu ondoren herriko plazara.

Gero eta errotuagoak ikusten dira jai hauek herri txikietan ere. Nahiz eta gurasoek lan gehiago egin behar izaten duten mozorro hauek prestatzen. Bideo txiki bat dago jasota egin dituzten jolas eta dantzekin. Ikusteko joan helbide honetara

https://youtu.be/qyJ3OKTrKtU.

Sasi koipetsu eguneko argazkiak ikusteko, joan hileroko argazkien atalera.

==================================================

Jon Egiguren (2019/02/19 - 09:13)

Aitzbarna Elkarteak, urteroko ohiturari jarraituz aurten ere antolatu du mus txapelketa azkarra. Ezin dugu ahaztu txapelketa hau Otsaileko morroi feria egunari dagokiola , naiz eta ahaztuta daukagun gaur egun. Aurten Martxoko lehen egunean izango da txapelketa, ostiralean egin ohi delako.

Sariak ez dute haitzakirik, baina urtean zehar txapela buruan izateak ere badu bere xarma, Aizarnakoak garenontzako behintzat.

Beraz, martxoak 1. gaueko 22:30tan Aitzbarna Elkartean izango da ordua. Mus zalea bazara, aukera ederra daukazu, benetako lehiaketa honekin gozatzeko.

Sari eta arauen berri jakiteko joan hileroko argazkien atalera.

==============================================

Jon Egiguren (2019/02/09 - 22:02)

Joxin Iturriozek aurkeztuta,Joxe Arregi teologoak hitzaldia eman zuen Aranburu jatetxean, ostiral ilunabarreko 22:00. Gaur egun zenekin ezin sinistu, zen gaia eta hitzaldia interesgarria izan zela esan beharra daukat, badirudi gai hau jorratzeko interes handia zegoela Aizarnan.

Ondoren egin zen elkarrizketan era askotako galderak eta pentsaerak azaldu ziren bertan, eta denak ez ginen ados jarriko seguruenik, baina elkarrizketaren bitartez lortzen dira adostasunak ere.

===================================================================

Jon Egiguren (2018/12/23 - 20:01)

Ana Belen Garcia organo-joleak, Easo Kapera Gregorianista taldearekin batera, kontzertu bikain bat eskaintzeko asmotan da Aizarnako eliza nagusian.

Urtea ondo erlaxatuta amaitzeko aukera paregabea eta ondo amaitzen badugu hasi ere berdin egingo dugu. Xarma berezia duen organo zahar honekin batera, Gregoriano kantuak ere entzungo ditugu eliza polit honetan.

Eguna: Abenduak 30, eguerdiko 11:30etan.

==============================================

Jon Egiguren (2018/12/11 - 20:48)

Mirari Bereziartua Napar Zuztarrak taldeko kideak, hitzaldia eskainiko du Abenduak 14, Aranburu Landetxean. Eguberriak hurbil ditugunez garai borobila gai hauen gain tertulia polit bat egiteko.

Eguberrietako euskal tradizioei buruz arituko da Mirari Bereziartua, eskainiko duen hitzaldian. Hitzaldia entzun eta parte hartu nahi duenak lehen aipatu dugun landetxera hurbildu besterik ez du, ostiral ilunabarrean.

================================================

Lurdes Elortza (2018/11/26 - 14:12)

Aizarnan kaleak argitzeko zeuden argiak aldatu ditu Zestoako udalak. Benetan tristea ematen du herriak jarri diguten bezala ikusita. Posible alda hau gaur egun?. Nik, nire aldetik kexatu naiz udaletxean eta nahiko jenerala omen da protesta. Diruak garrantzia izango du, baino oraindik pertsonak horren gainetik gaudela iruditzen zait eta errespetu minimo bat merezi dugula ere bai. Gaur igandea ume batzuk kalean linternekin ikusi ditut, penagarria benetan . Espero dut lehenbailehen arazo hau konpontzeko egingo duela zerbait udalak.

Argazkiak ikusteko joan hileroko argazkien atalera.

Lurdes Elortza

============================================================

Jon Egiguren (2018/11/18 - 09:42)

Aizarnako organo zaharrarekin kontzertu berezia dago antolatuta Azaroaren 24an. Organo jolea Loreto Fdez Imaz.

Organo zahar honek doinu paregabea sortzen duela esaten dute adituak eta kokatuta dagoen eraikuntzak ere seguru laguntzen duela horretan. Organo zahar hau 1792 urte ingurukoa dugu, zaharra benetan, gutxi dira Gipuzkoan garai horretakoak, beraz Aizarnan daukagun altxor paregabea dela esan genezake.

Azaroak 24, parrokiko elizan eta eguerdiko 12:30.izango da kontzertua, beraz hurbildu besterik ez dago, nahi duenak doinu berezi honekin gozatu.

==============================================

Jon Egiguren (2018/11/05 - 19:36)

Txapartegi aizarnako aizkolaria, bigarren sailkatu da Euskal Herriko bigarren mailako txapelketan. Sailkapen honekin, hurrengo urtean lehen mailan jokatzea lortzen du, lehen ere jarduna da maila honetan eta orain berriro goi mailako aizkolariekin jokatzeko aukera izango du. Aizkolari beterano izanik, maila egokia erakutsi du aurten ere, gazteen artean bigarren sailkatzea meritu handia dela esango nuke. Hurrengo urtean, ea goi mailakoekin ere finalerako sailkatzen den, merezi du eta mutil honek. Zorionak¡¡

==============================================

Jon Egiguren (2018/11/01 - 19:56)

Gero eta gehiago dira, Euskal Herrian kalabazari aurpegi irudia eman eta barruan kandela sutan zutela kalean ibiltzen zirela esaten dutenak. Behar bada ez zuten jakingo Halloween ospatzen zutenik, aspaldiko ohitura bati jarraitzea besterik ez zuten egingo. Gutxi badira ere adierazpen hauek agerian jartzen dute, Santu Guztien eguna ospatzen hasi aurretik ere ospatzen zela egun hau Euskal Herrian. ================================================

Jon Egiguren (2018/10/08 - 19:54)

Mario Onaindia Burgosko prozesuan epaitu zuten ETAko kidea izateagatik, Euskadiko Ezkerraren sortzailetako bat izan zen, eta P.S.E. alderdiaren barruan sartzeko bultzagileetako bat ere bai.

Gazte gaztetatik zuen politikarako grina eta Euskal Herriko politikorik handienetako bat izan dela esango nuke. Orain bere izena daraman saria Aizarnako Jesus Egiguren politikariak jaso du, bake prozesuan egin duen lan bikaina saritzeko. Merezitako errekonozimendua nire ustez.

============================================

Jon Egiguren (2018/09/22 - 23:46)

Benantxio eta Beñaten oroimenez antolatuta zegoen mendi ibilaldiak, parte hartze ugaria izan duela esan beharra dago. Ibilaldi honetako partaideak giro alaia sortu zuten herrian eta hau dena eguraldi zoragarri baten laguntzarekin gainera. Egun borobila pasa zuten mendi zale hauek Aizarnan eta merezitakoa izango zuten ibilaldi gogor honen ondoren.

===============================================

Jon Egiguren (2018/09/18 - 19:33)

Larunbatean, behean irakur litekeen mendi martxa dago antolatuta Aizarnan, ostiralean Alex-Txikonen hitzaldia diapositiba erakustaldi batekin. Beraz mendi zale bazara aste bukaera polita dago Aizarnan. Hitzaldia iluntzeko 21:00 izango da.

Aizarnatik hasita, 25 kilometro inguruko ibilbidea eta 1.300 metroko malda izango du mendi martxak, eta Komizolatza, Iturriotz eta Altzola igaro ostean, Aizarnan bukatuko dute ibilbidea. Ibilaldi neurtua Aizarnako plazatik abiatuko da, 07:30etik 08:00etara bitartean. Bazkaria, aldiz, 14:30 aldera izatea aurreikusten dute antolatzaileek.

================================================

Jon Egiguren (2018/09/11 - 21:34)

Irailak 6, ekaitz bat dela eta, Santa Engraziako ermita argindarrez hornitzen duen kaxan, kalteak egin ditu tximista batek.Egun batzuetan erlojua geldirik izango da eta ez dugu kanpai hotsik entzungo, espero berehala lehengo egoerara ekartzea.

=================================================

Jon Egiguren (2018/08/17 - 12:32)

Amaitu dira Aizarnako jaiak (2018). Giro atsegina eta ekintza politak ikusteko aukera izan dugula esan behar daukat, eguraldiak ez du gehiegi lagundu, baina alaitasuna nagusitu da herrian.

Hileroko argazkien atalean badira argazki batzuk ikusgai,baina espero dut berandu baino lehen gainbegira txiki bat egin odoren, osatutako bideo baten laguntzaz jai hauen berri zabalago ematea.

==============================================

Jon Egiguren (2018/08/01 - 16:24)

Aurtengo jaiak aurreratuta datoz Aizarnara. Oso gertu dira, beraz hasi prestatzen egun handiak izatea espero da eta.

(Abuztuak 11, larunbata. Oilasko Biltze eguna)

09:00 Oilasko biltzaileen irteera 12:00 Paella lehiaketako prestaketen hasiera 12:30 Txupinazoa. Ustekabe fanfarrea. 14:00 Paella lehiaketako sari-banaketa 15:00 Paella jana 16:00 Ustekabe fanfarrea 22:30 Bide batez taldearen kontzertua

(Abustuak 14, asteartea. Helduen eguna)

12:00 Ijitoen etorrera. Ongietorria eta kalejira. 18:30 Pilota partiduak 21:00 Herri afaria: ijito gaua 23:00 Eromeria taldearen kontzertua

(Abuztuak 15, asteazkena)

10:30-13:30 Puzgarriak 12:30 Meza nagusia. Ondoren hamaiketakoa. 15:00-17:00 Puzgarriak 18:00 Herri kirolak 22:30 Arbeo eta Maltzeta Trikitilariak

(Abuztuak 16, osteguna. Umeen eguna)

12:00 Umeen txupinazoa 12:15 Umeen kross-a Aranburuko zelaietan 13:30 Ur jolasak 14:30 Makarroi jatea 15:30 "Paxkuali"rekin jolasak 16:30 Jinkana. Ondoren txokolatada 19:00 "Mugi boogi" ====================================================

Jon Egiguren (2018/07/13 - 20:50)

Iritsi da bai urtemuga, Santa Engraziako ermitari txukundu bat eman, erlojua berrestrukturatu eta kristalezko kaiola batean lanean jarri ondoren festa txiki batekin inauguratu zen egunarena.

Baina, ez pentsa urtemuga festa batekin ospatzeko hasi naizenik egun hura aipatzen. Badira beste lan batzuk urtemuga iristean egiteko gelditu zirenak eta berauek aipatuko ditut lan talde honen partaide naizen aldetik.

Lan talde honek urte osoan egin dio jarraipena erlojua eta ermitari. Bidea txukun zaintzeaz ere arduratu da, nire ustez egoki gainera, bisitaria arazorik gabe lasai igo dadin mendi tontor honetara……...

Osoa irakurtzeko joan artikuluen atalera.

================================================

Jon Egiguren (2018/06/11 - 10:25)

Palestinako egoera zen gaia, Aranburu landetxean egin den solasaldian . Egun komunikabideetan egoera bortitzak ikusten ditugun lurraldea da berau. Gabirel Ezkurdiak eman zuen hitzaldia, eta esan behar egoki azaldu zuela herri honek historian zehar pairatu duena. Hitzaldi honetan, 40 bat lagunek hartu zuten parte, beraz ekitaldi borobila izan dela esan beharra dago.

=================================================

Jon Egiguren (2018/06/06 - 21:35)

Palestinaren eta Israelen arteko liskarrak eztabaidatzeko solasaldia egingo da ostiralean Aranburu landetxean. Asko eztabaidatzen du gizarteak lurralde horretan gertatzen ari diren bortizkeriaz, beraz zerbait gehiago jakin nahi duenarentzat aukera ederra.

“Palestinak egunero jasaten dituen Gerniken zergatiak” hitzaldi-elkarrizketa izango da datorren ostiralean, ekainak 8, Aranburu jatetxean iluntzeko 22:00etan. Gabriel Ezkurdia nazioarteko analista eta politologoak zuzenduko du saioa—

================================================

Jon Egiguren (2018/06/01 - 20:24)

Aizarnako Herri Elkarteak Zestoako Udalari egin dizkion eskaerak.

====================================================================

Aizarnan, azken urteetan baso ateratzea dela eta pairatzen ari garen arazoaren aurrean,Honakoa adierazi nahi diogu Udalari.

Duela 15 hilabete inguru herritar batek Aizarnako errepidean trailer batekin gurutzatzean izandako susto ikaragarriaren ondoren, Herri Elkarteak bere kezka azaldu zion Alkateari, ibilgailu horiek errepide honetatik ibltzeak sortzen dituen arriskuez. Ordutik herritar askok izan dugu sustoren bat edo beste kamioi horietakoren batekin, eta behin baino gehiagotan adierazi diogu gure kezka Udalari, ahoz nahiz idatziz.

Herri Elkartea ez dago pinudiak ateratzearen aurka, eta ez dago egur zaleen aurka. Baina azkenaldian etengabea da neurri handiko kamioien eta trailerren emana, eta datorren urteetan ere (Udalaren esanetan gutxienez datozten bost urteetan, pinudiak gaitzak jota eta)horrela izango dela jakiteak keskatu egiten gaitu, ez dugulako herritarron(eta , batez ere,umeen) segurtasuna bermaturik ikuste, ez herrigunean, ez errepidean.

Gipuzkoako errepideen ustiapena Foru Aldundiarena izanik, hango arduradunekin bilera bat antolatzekotan gelditu zen Udala aurtengo martxoan.Herri Elkartea ere bilera hartara gonbidetzekoa zen . Gerora jakin dugu, ordea, bilera hori egin zela eta ez ginela deituak izan. Ez dakigu zer hitz egin zen eta zer erabaki hartu ziren.

Herri Elkartea Udalarekin harremanetan jarri zen, berriro ere, garrailoraiei lizentziak zein baldintzetan ematen zaizkien jakiteko. Inolako eragozpenik gabe, Udalak, araudiaren kopia bat eman zigun eta horren azterketari ekin genion.

Errepideen gaineko eskumena Foru Aldundiarena da, berak ematen ditu lizentziak, beti ere, errepidean ezaugarriak kontuan izanda. Iraetatik hasi eta Bentaberri amaitzen den errepidea GI-3730 da eta, errepidearen hasieran 15 tona baino gehiagoko ibilgailuak ezin direla ibili adierazten arren, araudiak,hitzez hitz, honakoa dio lehenengo baldintzan: "Baimena ematen da guztira gehienez 26 tonako pisua eta hiru ardatz dituzten ibilgailuak igarotzeko."

Ikusiz garraiolariek araudia ez dutela betetzen , eta agintariek ez dutela betearazten, Udalaren esku-hartzea eskatu zuen Herri Elkarteak. Ondoren Alkatearekin egindako aste honetako azken bileran,propodsamen hau egin zaigu: beste hilabete eta erdiz, astean bost egunetan eta goizez bakarrik,4 edo bost kamioikada egur ateratzea uztea, horretarako trailerrak erabiliz.

Proposamen honi ezezkoa eman dio Herri Elkarteak. Lotsagarria iruditu zaigu Udalak legez kanpoko proposamena egitea: bost ardatz eta 40 tonako pisua duten ibilgailuei pasatzen uztea, araudiak hiru ardatz eta 26 tonako pisua baimentzen duenean, gehienez.

Azken egunetan trailerrak ez badabiltza ere, araudiak araudia betetzen ez duten beste kamioi batzuk jarraitzen dute garraioa egiten: artikulatuak, erremolkedunak. Hauek ere 5 edo 6 ardatzekoak dira eta pisua ere 26 tonatik gorakoa daramate eta gure ustez, ez dute Aldundiaren baimenik G-3730 errepidean ibiltzeko.

Ezin dugu ahaztu trafiko horrek guztiak arriskuan jartzen duela herritarron segurtasuna, bai errepidean eta zer esanik ez plaza inguruan. Batez ere, gure seme-alaben segurtasuna herrigunean.

Hori guztia esan ondoren, honakoak eskatzen dizkiogu Udalari:

1. -GI3730 errepidean dabiltzan garraiolariei araudia betearaztea.
2. -Herritarron segurtasuna bermatzeko beharrezkoak diren neurriak hartzea errepidean zein herrigunean.
3. - Konponbide bat aurkitzen saiatzea garraio astuna herrigunetik ez igarotzeko.

Herri Elkartea elkarlanerako prest egongo da beti. Eta argi utzi nahi dugu, behin eta berriz, Herri Elkartea ez dagoela basoak ateratzearen aurka, ez dagoela egurzaleen aurka. Herritarron segurtasuna bermatu baino ez dugu nahi.

Gure eskariek berandu baino lehen erantzun baikorra izango dutelakoan, adeitasunez.

AIZARNAKO HERRI ELKARTEA.

================================================================

Jon Egiguren (2018/05/28 - 12:13)

Aizarnako Herri Elkartea kexatu egin da pinu ateratzen dabiltzan kamioiak sortzen duten arazoak direla eta. Irakurri arazo hauei aurre egiteko Udaletxeari egiten dien eskaera. (Argazkia ikusteko joan hileroko albisteen atalera.)

================================================================

Azken urteetan kamioi asko dabil baso-ateraketan, eta hemendik aurrera ere hala izango da itxura denez. Horrek segurtasun arazo asko sortzen dizkigu Aizarnako plazan eta errepidean. Aizarnako herri elkartetik diogu, aizarnar asko arduratuta gaudela ezin dutelako plazan lasai ibili, batez ere umeak daudenean, eta errepidean ibiltzea ere oso arriskutsua gertatzen dela kamioiak dabiltzanean. Udalari konponbideak eskatu izan dizkiogu, baina orain arte ez dugu erantzun argirik jaso. Gainera, aste honetan jakin dugu kamioi asko ez dabiltzala legez… Noiz arte horrela? Zerbait lazgarria gertatu arte? Noiz arte onartu behar dute egoera hau agintari eskudunek?

==============================================================

Jon Egiguren (2018/05/16 - 22:55)

ZIIZ. Zumaiako Industria-ondarearen Informazio Zentroak antolatuta, Aitziber Gorrotxategi Aizarnarrak hitzaldi bat eman du Zumaiko Alondegian. Itzaldiaren izenburua, Aizarnako lignitoak eta Ibañarrietako tupa “iraulika”-ren ekoizpenean.

Aitziberrek gaia ondo menperatzen duelakoan nago,hitzaldi bikaina eman duela esan beharra daukat eta data asko eman zizkigun gainera Aizarnako meategiei buruz.

Historia luze honetan beti azalduko zaigu zerbait berria eta oraindik ez dira ikerketa asko egin gai honi buruz, beraz itxaropenik ez dezagun galdu.

Hiru herri hauek elkarren artean duten historia erne besterik ez du egin, baina handia egingo dela seguru nago. Eskerrak eman behar Zumaiako talde honi ekitaldi aberats hauek antolatzeagatik.

Ekitaldiko argazkiak ikusteko joan hileroko argazki eta albisteen atalera.

===================================================

Jon Egiguren (2018/05/07 - 19:09)

Maiatzak 19, Pazko bigarrenari dagokion jai eguna ospatuko da Aizarnan.

Goiz partean, Aizarnan egin diren indusketen argazkiak ikusteko aukera egongo da Elkartean eta egun osoan entretenigarri faltarik ez da izango. Beraz egun polita igarotzeko aukera dago gure herri polit honetan.

11:00 Erakustazoka herriko plazan.

12:00 Txorimaloak Aizarnan

14:30 Txahal errea

16:00 Ume jolasa

19:00 Kantu poteoa

Egitaraua osoan ikusteko aukera Hileroko argazkian atalean dago.

=====================================================

Jon Egiguren (2018/05/04 - 18:34)

Maiatzak lau, ETA erakunde armatuak amaitutzat eman du bere 40 urteko bidea.

Bide luze honek zauri asko utzi ditu Euskal Herrian , beraz desegite honek denontzako onurak ekarriko dituela seguru nago, orain bakoitzak bere azterketa egin dezala izan duen arduraz. Etapa hau bizi dugunak, ahaztea zail egingo zaigu. Baina kito dena amaitu da.

Erakunde honek bere bidea amaitzeko argitaratu duen idatzia, behean azaltzen dut nahi duenak irakurri.

=========================================================================== ETAk Euskal Herriari, azken adierazpena

ETAk, nazio askapenerako euskal erakunde sozialista iraultzaileak, bere ibilbidearen bukaeraren berri eman nahi dio Euskal Herriari, ETAko kidegoak Erakundearen ziklo historikoa eta funtzioa amaitutzat jotzeko proposamena berretsi ostean. Erabaki horren ondorioz:

– ETAk bere egitura guztiak erabat desegin ditu.

– ETAk bere ekinbide politikoa bukatutzat jo du.

Ez da berriro posizio politikoak adierazten, ekimenak sustatzen eta gainerako aktoreak interpelatzen dituen eragile bat izango. – ETAko militante izandakoek beste eremu batzuetan jarraituko diote Euskal Herri bateratu, independente, sozialista, euskaldun eta ez patriarkalaren aldeko borrokari, norberak egokien irizten dion tokian, betiko arduraz eta zintzotasunaz.

Frankismoaren atzaparretan itota eta Estatu jakobinoak asimilatuta, Euskal Herria hilzorian zegoela jaio zen ETA eta orain, 60 urte geroago, bere buruaren jabe izan nahi duen herri bat bizi da, eremu eta arlo ezberdinetan askok egindako lanari esker, belaunaldi ezberdinek egindako borrokari esker.

Euskal Herriaren eta estatuen arteko gatazkan ETAk ziklo bat itxi nahi du, biolentzia politikoaren erabilerak ezaugarritu duen aroa, hain zuzen ere. Halere, estatuek tematuta segitzen dute gure herria aurreko ziklo horretan kateaturik mantentzeko, konfrontazio politiko soilean duten ahultasunaz jakitun eta gatazkari bere osotasunean konponbidea emateak ekarriko lukeen egoeraren beldur. ETAk, ordea, ez dio egoera demokratiko horri inongo beldurrik, eta horregatik hartu du Erakundeak erabaki historiko hau, askatasunaren eta bakearen aldeko prozesuak beste bide batetik egin dezan aurrera. 2011n borroka armatua behin betiko uzteko hartutako erabakiaren ondoko segida logikoa da.

Indar metaketa, herri aktibazioa eta ezberdinen arteko akordioak ardatz izango dituen herri prozesu bat eraikitzea izango da aurrerantzean erronka nagusia, bai gatazkaren ondorioei aurre egiteko bai gatazkaren muin politikoari eta historikoari heltzeko orduan. Nazio aitorpena lortzeko erabakitzeko eskubidearen egikaritzea izango da gakoa. Ezkerreko independentismoak Euskal Estatua sortzeko norabidean egingo du lan.

Erdietsi nahi dugun fase historiko berri horren mesedetan hartu dugu, beraz, azken erabakia. ETA herritik sortu zen eta orain herrian urtuko da.

GORA EUSKAL HERRIA ASKATUTA! GORA EUSKAL HERRIA SOZIALISTA!

JO TA KE INDEPENDENTZIA ETA SOZIALISMOA LORTU ARTE!

Euskal Herrian, 2018ko maiatzaren 3a

Euskadi Ta Askatasuna

-E.T.A.

=================================================================

Jon Egiguren (2018/04/22 - 20:06)

Aimar Egiguren,Aizarnarekin lotura zuzena duen pilotari gaztea dugu. Mutil honek pilotan egiten ari den bidea jarraitzen dut eta Elizondon ospatu den udaberriko txapelketan, lehen sailkatu da Josu Labaka bikote lagunarekin. Oraindik gaztea dugu mutil hau eta honelako garaipenak, seguru laguntzen diotela aurrera jarraitzeko. Zorionak bikoteari. (Argazkia ikusteko hileroko albisteen atalera joan)

===========================================

Jon Egiguren (2018/04/17 - 20:27)

Apirilak 22, Lagun Onak Mendizale Elkartekoek Santa Engraziara ibilaldia antolatu dute. Urteroko ohitura da Azpeitiarrentzat ermita honetara ibilaldia egitea eta giroak laguntzen badu egun pasa polita daukate antolatuta. Aspaldiko urteetan erlojua geldirik ikusiko zuten mendizale hauek, baina aurten kristalezko kaiola barruan egoki eraberrituta ikusteko aukera izango dute, baita ermita honen historiaz zerbait irakurtzeko aukera ere.Egun polit bat igarotzea opa diet bertara hurbiltzen diren guztiei.

Egun honetako egitaraua irakurtzeko begiratu hileroko albisteen atalean. ===================================================

Jon Egiguren (2018/04/13 - 22:55)

Apirilak 14 errepublika eguna ospatzen dugu Euskal Herrian. Franco hil ondoren trantsizio garaian onartu zen, Konstituzioaren barruan indarrean dagoen Monarkia Demokratikoa. Garai horretan bizi genuen egoerak ez zuen askoz gehiago ematen eta erdaraz esaten den bezala “mal menor” bezala hartu genuen egoera hau.

Demokrazian herriak aukeratu behar ditu bere agintari guztiak eta honi ere iritsiko zaio hortik pasa beharreko eguna. Herriak aukeratzen ez badu errepublika indarrean jarriko den eguna izango da denentzat. Errepublika zaleak iritsi zain gaude eguna alegia.

========================================

Jon Egiguren (2018/04/11 - 21:25)

Jesus Mari Mujika, Korta Fundazioko bozemaileak, Baionan hitzaldi batekin ireki ditu biktimen arteko eztabaidak. Ekintza hauek ETAren armagabetze urtemugan ospatu dira. Hitzaldi honetako esaera interesgarrienak niretzako hauek azan dira: Bakea egiteko bide berezirik ez dagoela esaten du Aizarnar honek, bakea bera dela bidea, eta espetxetik irten ondoren kalean egiten ari diren ongi etorriak etxean egiteko mesedez eskatzen du.

Hitzaldi honetan esan dituenak Diario Vasco egunkariak argitaratu ditu eta nik zuzenean kopiatzen ditut berauek. Dena irakurtzeko joan hileroko argazkien atalera.

==============================================

Jon Egiguren (2018/03/27 - 19:41)

Aizarnako Herri elkarteak, herritarrei bidalitako mezua.

==================================

Egun on, aizarnarra.

Urtero bezala aurten ere iritsi da garaia urteko ekintzen proiektua aurkezteko udalean. Proiektu hori aurkeztea ezinbestekoa da ekintza horiek antolatzeko diru-laguntza jaso nahi badugu. Azken urteetan ekintza asko antolatu ditugu (batzuetan guraso elkartearen eta Aitzbarna elkartearen laguntzarekin), besteak beste:urteroko Pazko jaia, mendi-martxa, kultur etxeko ganbarako erakusketak,bertso-paper eta argazki lehiaketak ,antzerki-emanaldiak, ipuin-kontalariak,hitzaldiak….

Aurten pentsatu dugu aizarnar guztioi eskutitz hau idaztea eta zuen ideiak jasotzea, bestela,beti antzeko gauzak antolatzen ote ditugun iruditzen baitzaigu. Zuen ideiak edo proposamenak guri zuzenean aurkeztea izango litzateke onena, hileko lehenengo asteazkenean ,19:00etan, kultur etxean antolatzen ditugun bilerara etorrita. Ezin baduzue, beste bi modu dauzkazue hori egiteko, Gurutze Santuko gure buzoian utzita edo,bestela, Aizarnakoherrielkartea@hotmail.com helbidera email bat bidalita.

Zuen ideia guztiak jaso ondoren aztertu egingo ditugu, eta gure ustez egin daitezkeenak egiten saiatuko gara. Aurten ez bada, datorren urtean. Baina gogoan izan, hemen lanean gabiltzanok egiten dugun lana boluntarioa dela eta jende gehiago bagina, errazago egingo genukeela eta ideia gehiago izango genituzkeela. Denon laguntza, zahar eta gazte, beharrezkoa da bai ekintza horiek egiteko, bai gure herriak aurrera egiteko. Gure asmoa, Aizarnari bizi pixka bat ematea da, Aizarna bizitzeko toki hobea izatea, eta bizia bizia pertsonek ematen diogu ; beraz, animatu eta etorri zu ere.

Aizarnako Herri elkartea.

======================================================

Jon Egiguren (2018/03/10 - 09:49)

Aranburu Landetxean, Nafarroa eta Gipuzkoaren arteko loturak ezagutzeko Nabarralde fundazioko taldeak eman duen hitzaldia oso atsegina izan dela esan beharra daukat. Bertan historia hau egoki azaldu zuen Beñi Agirrek eta orain gai honi buruz zerbait gehiago dakigu. Gai honi buruz Beñik idatzitako liburua ere salgai zegoen bertan, beraz eskerrak eman behar taldeari.

=============================================

Jon Egiguren (2018/02/24 - 19:17)

Aizarnako Aitzbarna Elkartean ospatu dugu aurten ere otsaileko morroi feria egunari dagokion mus txapelketa, eta esan behar aspaldiko ohitura honek badituela oraindik jarraitzaile leialak.

Irabazleak: Juan Jose Aguirre eta Josu Eizagirre.

Bigarren sailkatuak: Eneritz eta Mikel Lizarralde.

Argazkiak hileroko albisteen atalean.

================================================

Jon Egiguren (2018/02/18 - 18:08)

Otsailak berekin du Zestoako morroi feria eguna,baita ere honekin lotuta dagoen Aizarnako mus txapelketa azkarra ere. Elkarteko kidea izan behar du bikotekide bat gutxienez bertan parte hartzeko, orain arte ohitura hala izan da behintzat. Aitzbarna Elkarteak antolatzen du txapelketa hau eta xarma berezia duen mus txapelketa izanik ea parte hartze ugaria izaten duen aurtengoak ere.Animatu¡¡¡

Eguna: Otsailak 23. Ordua 22:00. Egitaraua otsaileko albisteen atalean.

========================================================

Jon Egiguren (2018/02/10 - 09:20)

Aspaldiko ohitura eraberrituta ospatzen dugu sasikoipetsu egunean Aizarnan. Eraberrituta esaten dut garai batean gu ez ginelako mozorrotzen. Mozorrotuta edo ez makila puntan txingarretan erretako hirugihar eta txorizoa, gozoak izaten jarraitzen dute.

Earra¡¡¡¡

(Argazkiak otsaileko albisteen atalean)

============================================

Jon Egiguren (2018/02/09 - 20:01)

Aizarnatik Santa Engraziara doan errepideak, zati malkartsuak ere baditu, zati hauetan segurtasuna bermatzeko erabiltzen diren “quitamiedos” deitzen diogun burdinazko langarik gabe dago ibilgailuentzako.

Badirudi gauzak aldatzera doazela eta aspalditik behar zituen “guardamiedos” hauek ezartzen ari dira errepidean ,aurrerantz lasaiago gidatzeko moduan izango gara.

Istripuak aurretik saihesteko neurri egokia benetan

==============================================

Jon Egiguren (2018/02/09 - 19:56)

Apategi baserrian jaio ziren 10 senideetatik Jose Miguel Egiguren Zabala bakarrik bizi da gaur egun. 91urte ditu eta sasoian ikusten da oraindik. Honen urtebetetzean omenaldi txiki egiteko bazkari bat antolatu dugu bere ilobak Aizarnan.

Aizarnan jaiotakoa dugu eta ez duela ahaztuta bere jaioterria adierazi zuen egun honetan.Bejondeiola eta jarrai dezala sasoi horrekin beste urte pila batean.

(Argazkiak urtarrileko albisteak argitaratzen ditudan atalean daude ikusgai)

=====================================

Jon Egiguren (2018/01/26 - 22:16)

Santa Engrazia ermitan panel informatiboa jarri dute erlojua zaharberritze lanetan jardun den taldeak. Panel honetan ermita eta erlojuari buruzko informazioa irakur liteke. Informazio gehiago nahi duenarentzat ere, badu lotura Zestoako udaletxeak duen webgunearekin.

=================================

Jon Egiguren (2018/01/24 - 22:18)

Aimar Egiguren aurrera doa pilota munduan. Afizionatu mailako partida garrantzitsuak jokatzen dira Laudion. Urtarrilak 26 ordua 18:30. Hurrengo egunean ETB4 Telebistak emango du eguerdi aldera. Ea partida politak ikusteko aukera izaten dugun.

===========================================

Jon Egiguren (2018/01/10 - 19:47)

Eva Cruz Serna Aizarnakoa izatez eta bertan bizitakoa urte askotan, nahiz eta orain Beizaman bizi familiarekin. Margotzeko zaletasun handia duela irakurri dut Hitza egunkariko elkarrizketa batean, nik lehen ere ezagutzen nuen zaletasun hau, sarean erakusten dituen margoak ikusten bainituen.Orain bere margoekin erakusketa bat jarri du Azpeitiko Aisialdi tabernan, berau plaza nagusian dago kokatuta, beraz egin bisita bat artista honen margoak ikusteak merezi du eta.

===========================================================

Jon Egiguren (2018/01/02 - 11:28)

Bikaina, Josu Narbartek abenduaren 29an Aizarnako Kultur Elkartean bertako historiari buruz eman zuen hitzaldia. Hitzaldi hau arkeologia aldetik begiratuta egin zuen gehienbat, naiz eta bere tesia ez dagoen arlo honekin lotuta.

Egoki eman zuen berak Aizarnan egin dituen indusketa hauen berri, aurkitutako Erromatarren garaiko aztarnak ere erakutsi zituen bertan eta nahiko ziurtatu zuen gainera garai honetan gizakiak bizitako lekua zela Aizarnako kaskoa. Erromatarrak edo Aizarnarrak? Baliteke egunen batean jakitea.

Aztarna hauen artean Erromatarren garaiko txarro pusketa bat zegoen eta suak erretako ikatz pila bat ere bai. Beraren esanetan gizakia bizitako txabola baten aztarnak seguruenik, baina datu gehiago lortu arte ezin zuela zirtatu esan zuen.

Erdi Aroan hasi eta gaur eguneraino Aizarnako zelai eta soroek izan dituzten aldaketei buruz ere aritu zen, zer motatako ongarriak ibili diren eta beste hainbat kontu. Indusketa hauek erakutsi dutenez lur hauek lantzen oso aspalditik ari dira Aizarnan, VII. gizaldian landutako lanen aztarnak ikusten baitira.

Ea emaitza onak jasotzen dituen ikerketa honekin eta eskertu egin behar ikerketa hauek herrian erakusteko izan duen jarrerarengatik.

==============================================

Jon Egiguren (2017/11/05 - 16:50)

Aspaldian baztertuta zegoen Aizarnako proba harria plaza barrenean kokatuta ikusi dut aste bukaera honetan.

Lehen ere urte askotan ezagutu dut harria leku honetan, baina ez dakit zergatik baztertuta bezala zegoen aspaldian Gurutze Donea ermitaren atzean eta esan beharra daukat sekula ez zitzaidala gustatu kokapen hau harri honentzako.

Ikuskizun eta lehia asko egin dira harri honekin Aizarnako plaza barrenean, hemen baitago horretarako bereziki egindako proba lekua.

Ez dakit iniziatiba hau norena izan den eta ez ere nork garraiatu duen kokapen honetara, baina iritzi bat eman behar eta esango dut hau duela harri honek bere leku naturala.

=============================================

Jon Egiguren (2017/10/23 - 18:23)

Aizarnako historia ezagutzen

Foru Aldundiak babestu eta Udaletxean laguntzekin Aizarnako ondareak ezagutzeko antolatu diren bisitaldiak eman ditu lehen pausoak. Ondare hauek Aizarnako meatzaritzaren historia luze bat erakusten dute eta esan behar aztarna hauek desagertzeko ere oso gutxi falta dutela berauen egoera ikusita.

Urteetan zehar, lo zorroan dauden aztarna hauek nire ustez lehen kimuak atera dituzte eta giroak laguntzen badu seguru irtengo dutela lo zorrotik, udaberria artzak irteten duen bezala.

Lehen bisitaldian ez ginen jende multzo handia elkartu, baina elkartu ginen guztiak oso interesatuta geunden historia honekin eta hasi besterik nola ez duen egin espero aurrerantz interesatuak gehitzen joatea.

Aizarnako meategi hauek lotura zuzena izan zuten Zumaia inguruan “hiraulika” egiten zuten lantegiekin, gaur egun desagertzean hauek ere, gehi Ibaiñarrietako harrobiekin, hemendik “hiraulika” egiteko minerala edo marga ateratzen baitzen. Ea lotura duten lantegi hauen historia eta aztarnak agerian jartzeko baliagarri izaten diren jardunaldi hauek.

================================================

Jon Egiguren (2017/10/17 - 21:36)

Aizarnako Herri Elkarteak antolatu duen argazki lehiaketaren arauak eta sariak ============================================================

Udazkenean sartu berriak garela eta, argazki-lehiaketa antolatzea pentsatu dugu Aizamako herri-elkartean. Helburua argazkigintza bultzatzea da baina, batik bat, Aizarma hobeto ezagutzea: bai argazkiak egiterakoan, bai ondorengo erakusketa ikustean.

LEHIAKETAREN OINARRIAK 1.- Parte-hartzaileak

Lehiaketa honetan edozein aizamarrek hartu dezake parte eta ez dago adin mugarik. Bi mailatan banatuko da: 12 urtetik beherakoak eta 12 urtetik gorakoak.

1. - Lanak

Lehiaketa honetako gaia "Aizama udazkenean'' izango da.

Parte-hartzaile bakoitzak gehienez 3 argazki aurkeztu ditzake, koloretan edo zuri-beltzean, baina ez da fotomuntaketarik onartuko.

Argazkiek lehiaketak irauten duen bitartean ateratakoak izan behar dute eta, noski, orijinalak, lehendik argitaratu edota lehiaketetara aurkeztu gabekoak.

Argazkiak aizarnakoherrielkartea@hotmail. com helbidera bidaliko dira edo pendrive edo cd batean aurkeztu beharko dira- azaroaren 5ean; 19!00etatik 20:00etara, kultur etxean. Argazki bakoitzari izenburua jarri beharko zaio eta horretaz gain, nahi izanez gero, non aterata dagoen ikusten den, edota noiz atera den idatzi daiteke.

Emailean edo pendrivean egilearen izen-abizenak, jaioteguna, telefono- zenbakia eta posta elektronikoa idatziko dira.

Argazkiek 20x30 cm-ko neurria izango dute erakusketan.

1. - Epea

Argazkiak 2017ko azaroaren 5a baino lehen aurkeztu beharko dira. Parte hartuko duten argazkiekin erakusketa bat jarriko da Aizarnako kultur etxean, azaroaren 15etik l9ra.

1. - Sariak

Helduentzat. 1. saria: Bi lagunentzako afaria Aranburu landetxean eta oparitxoa.

1. saria: Otarra eder bat

   Umeentzat. l. saria: Argazki-kamera digitala.

   1. saria: Mp4a

Parte-hartzaile bakoitzak sari bat besterik ezingo du jaso.

1. - Epaimahaia

Ez da epaimahairik izango. Aizarnako herritarrek, botoen bidez, aukeratuko dituzte argazki irabazleak. Azaroaren 15, 16 eta 17an, 16:00etatik 20:00etara, kultur etxean ikusi ahal izango dira argazki guztiak, eta henitarrek bertan izango dute botoa emateko aukera.

Larunbat goizez ere lO:OOetatik 13:00etara botoa emateko aukera izango da eta jarraian saridunen izenak jakinaraziko ditugu.

1. - Sari-banaketa

2017ko azaroaren 18an eguerdiko 13:OOetan izango d Aizamako kultur etx.ean.

1. - Lanen jabetza

Aurkeztutako lanen .jabetza Aizamako herri-elkartearena izango da eta lan horiek argitaratzeko eskubidea iz.ango du, beti ere egilearen izena aipatuta.

Jasotako edo saritutako lanekin erakusketa luzeago bat edota liburuxka bat (edo egutegi bat) egiteko asmoa daukagu.

1. - Bestelakoak

Lehiaketa honetan parte hartzeak oinarri horiek oso-osorik onartzea dakar. ==============================================

Jon Egiguren (2017/10/11 - 21:37)

Europak babestu eta Udaletxeen laguntzekin hasi dira Urola Kosta aldean ditugun ondareaz jabetzeko jardunaldiak. Ondare hauen historia ezagutu eta zaindu beharrean dauden ondareaz jabetzeko ere balio dutela esango nuke bisita hauek.

Igandean urriaren 8an Aizarnan egin da jardunaldi hauetako bat Yeregi Elkarteak antolatuta. Izenburua: "erlojugintza eta paisaia". Santa Engraziako erlojua ezagutu eta bertatik ikusten den paisaiarekin gozatuaz egin zen bisita.

Bestea Aizarnan dago antolatuta urriaren 21 eta 28an. Bisita gidatu hauek Ertxiña mendiko lignito meatzaritza ondareak ezagutzeko egingo dira. XIX. mendean Ertxiña mendiko lignito ikatz zainen ustiaketari ekin zitzaion. Inguruan sortzen joan ziren zementu hidraulikoa egiteko lantegietako labeentzat erregai aproposa zelako egin zen ustiaketa hau.

XX. mendean zehar meategi horiek ixten joan ziren eta beraien aztarna materialak galtzen; putzuak berriz sasiak ezkutatu ditu. Herrian ditugun ondareak ezagutu eta berauen historia ezagutzea beti da baliagarri, beraz animatu.

Izen ematea: kultura@zestoa.eus

Jon Egiguren (2017/09/12 - 19:47)

Irailak 17 Akuako jaiak.

9:30. Idiakaitz Txistulari Taldea baserriz baserri.

10:30. Akuako XII. Bira. 7.800 metro. Izena ematea, Zestoako kiroldegian edo herrikrossa.com web gunean. Inskripzioa, 5 euro. Egunean bertan dortsala jasotzerakoan bueltatuko da dirua.

Ondoren, asto lasterketa hasi aurretik, “Akua Txikia”, 6 eta 12 urteko umeentzat lasterketa. Asto lasterketa egiten den ibilbideari buelta bat eman beharko diote.

Asto lasterketa auzotarren parte-hartzearekin. Hamaiketakoa bertaratzen diren guztientzat. ==================================================

Jon Egiguren (2017/08/04 - 16:34)

Hurbildu dira 2017 urteko Amabirjinak. Aurtengoan ere egitarau polita ikusten da, lau egunean jarraian daude ekintzak antolatuta, ea eguraldiak ere laguntzen duen eta jai alaiak pasatzeko aukera izaten dugun.

Hemen lau egunetako jaien egitaraua.

ABUSTUAK 12, LARUNBATA, OILASKO BILTZAILEEN EGUNA

7:30 - Oilasko biltzaileen irteera.

12:00- Txupinazua festei hasiera emateko.

12:30- Paella lehiaketaren prestaketa.

14:30-Oilasko biltzaileen dantza.

15:00-Paellada.

ARRATSALDEAN Oilasko biltzaileak kalean zehar.

22:30-Dantzaldia EROMERI taldearekin.

00:30-LGHBT erromeri punkiya ondoren KANUT.DJ.

ABUZTUAK 13, IGANDEA, UMEEN EGUNA.

00:30-Txupinazo koloretsua, buru haundi eta guzti. JARRAIAN altxorraren bila eta ur jolasak.

11:30-Jubilatuentzat hamaiketakoa Konpttekon.

13:30-Umeentzat makarroi jana.

15:30-Umeen ekitaldia EKAIN-TXOU.

17:00-Ginkana-oztopo lasterketa, ondoren txokolata.

1. 30- ELIZAGOIEN-AHIZPEKIN erromeria.

ABUZTUAK 14, ASTELEHENA HELDUEN EGUNA.

12:00-Aspaldiko jolasak.

18:00-Pelota partiduak.

23:00-TXIMELETA taldearekin erromeri alaia.OHARRA:HIPIE gaua izango denez animatu mozorrotzera.

ABUZTUAK 15, ASTEARTEA, AMABIRJIN EGUNA.

11:00-Meza nagusia.

11:00etatik 13:00etara puzgarriak.

15:00etatik 17:00etara puzgarriak.

18:00-Apar festa.

Herri kirolak:HARRI JASOTZAILEAK Jagoba Otaegi eta Izeta II.

AIZKOLARIAK: Txapartegi eta Jesus Mari Mujika.

22:30-GOZO-GOZO taldearekin erromeri taldea festei bukaera emateko.

==============================================================

Jon Egiguren (2017/07/23 - 10:48)

Azpeitiak hirugarren aldiz irabazi du herriarteko Euskal Herriko txapelketa. Ilunpeko pilotarien artean Aimar Egiguren”Bikutze” ere berauekin jokatzen duenez aurrera jarraitzeko animo ederra jaso duela esango nuke. Animo eta aurrera¡¡¡ ======================================================================00

Jon Egiguren (2017/06/28 - 18:35)

Santa Engraziako erlojua zaharberritzea ospatzeko ekitaldia.

Uztailak 2, igandea, 10:30ean

Egitaraua

10:30. Jendeari ongi etorria txalaparta, txistulari eta trikitilariekin. 11:00. Meza, Aizarnako koruarekin. * Ondoren, zaharberritzearen sustatzaileen hitzak: Xabier Alvarez Yeregui, koordinatzailea. Zestoako alkatea. Elizaren ordezkaria.

Aurreskua.

Erlojua bistaratzea eta martxan jartzea. Bertsolaria. Txistulariak.

Ermita atarian, erlojua zaharberritzearekin batera Santa Engrazian egin diren beste hainbat lanen berri emango da.

Amaitzeko, mokadutxoa, txalaparta, txistulari, trikitilari eta dantzariekin alaituta. ----------------------------------------------

“Auzolana ingurua zaintzeko auzokide bakoitzak egin behar zuen emaitza zen; zerga bat bezala, baina zerga bat baino askoz gehiago. Izan ere, auzolanak herritar bakoitzari ingurua zer den, eta batez ere, guztiena dela erakusten baitio. Eta ondorioz, maitatzen eta aintzat hartzen ere bai (...) Auzolana hirietan eta gaurko bizimoduan berpiztea ez da erraza. Baina helburu zoragarria da, zeren eta auzolana egiten duenak bakarrik ezagutzen eta maitatzen baitu ingurua. Lurra lantzen duenak bestek maitatzen ez duen bezala”.

1. Zabaleta; Administrazioa Euskaraz aldizkaria, 7. alea.

Jon Egiguren (2017/06/24 - 09:34)

Herriarteko pilota txapelketan Azpeitia finalera iritsi da eta kadete mailan Aimar Egiguren (Bikutze) eta Unai Alberdik ordezkatu dute Azpeitia.

Txiki-txikitatik izan du mutil honek pilotarako zaletasuna (Bikutze Aizarna) eta honela jarraitzen badu, berehala igoko ditu eskailera maila ugari kirol honetan.

=================================================

(2017/05/31 - 20:58)

Amabirjin jaiak antolatzeko Aizarnan egin den bilerako partaideek idatzi bat argitaratu dute eta bertan jaiak antolatzeko dauden arazoak agerian jarri dituzte. Beti izan da biztanle gutxi dauden herri txikietako jaiak antolatzeko zailtasuna eta hemen ere arazo berdina daukagu, ea egoki bideratzen den arazoa.

Jon Egiguren

===============================================================

AURTEN AMABIRJIN FESTARIK EZ AIZARNAN¡¡

2017ko Amabirjin festak antolatzen hasteko asmotan, bilera egiteko eguna jarri genuen maiatzak 17rako. Bilerara guraso-elkarteko batzuk eta Aitzbarna elkarteko juntako bat besterik ez ginen azaldu...ez gazterik,ez jubilaturik,ez beste inor. Egoera tristea etsigarria benetan.

Orain arte gazteek antolatu izan dituzte festak, eta azken urteetan guraso-elkarteak umeen eguna. Orain ordea ez dago erreleborik. Horren arrazoiak aztertu beharko dira, baina kontua da ez dagoela festak antolatuko dituen gazte- talderik. Hala ere, gure ustez, gauzak aldatzeko garaia da, guraso elkartea ez dago prest bera bakarrik Amabirjin festak antolatzeko.Gainera gazte- talderik egon ala ez egon, ezin da herriko festak haien eskuetan bakarrik utzi, denon artean antolatu beharko genituzke. gazteek, gurasoek,jubilatuek...nahi duen edozeinek.

Gure proposamena da talde bakoitzak bere eguna antolatzea: ume eta gurasoek umeen eguna,gazteek gazteen eguna,jubilatuek beraiena eta herri-afaria denon artean.Ezin gara ibili, beti bezala,festak antolatzeko azkeneko orduan korrika eta presaka ibili¡

Festak antolatzeak berez ez du lan handirik eskatzen,lanak askoren artean banatzen badira. Bakoitzak ardura eta konpromiso txiki bat hartuta,eta elkarren artean ondo koordinatuta,festa ederrak antolatu daitezke inor erre gabe.

Egoera ikusita,festetako bilera egiteko beste egun bat jarri dugu: maiatzak 31,asteazkena arratsaldeko 19:00etan.Egoera errepikatzen bada. guraso-elkarteak umeen eguna bakarrik antolatuko du, baina hortik aurrerakorik ez.

Ea ba hurrengo bileran jende gehiago elkartzen garen eta aurten ere Amabirjin festak izaten ditugun Aizarnan¡.

Aizarnan,2017ko maiatzak 18an.

Bilerako partaideak.

Jon Egiguren (2017/01/29 - 13:02)

Argia aldizkariak, euskarazko kazetaritza eta komunikazioaren sariak banatu ditu eta hauetako sari bat Imanol Urbietari eman diote. Aizarnan oso ezaguna izan dugu musikari hau eta bera falta zaigunez, Kontxi Aizarna bere emazteak jaso du saria. Sari banaketako adierazpenak argitaratu ditu Argia aldizkariak, Itsaso Zubiria Etxeberriaren eskutik.

Irakurri Kontxi Aizarna Aizarnakoaren adierazpenak.

=================================================

Jon Braun edo Kalera Kalera! abesti ezagunen egilea bera, sari asko jasoa da Urbieta, baina oraingoan ezin izan du gurekin egon. Kontxi Aizarna emazteak jaso du 2017ko Merezimenduzko Argia Saria, eta hunkituta dagoela adierazi digu, “berezia” dela sari hau jasotzea: “Orain arte jaso dituen errekonozimendu eta sarietan bere alboan izan naiz, eta oraingoan bere izenean jasotzea egokitu zait”.

Aurrezki kutxetako bulegoak utzi eta ikasgeletara egin zuen jauzi, musikarekin uztartuz hezkuntza. Baina Aizarnak azpimarratu digu “sari hau euskalgintzan egin zuen lan guztiaren errekonozimendua” dela, “ez baitzen musika edo psikomotrizitate hutsa; horren atzean euskara eta euskalgintza baitzeuzkan beti presente”.

Samurtasun guztiarekin esan digu aitortza honek gogora dakarkion hitza “polita” dela, “hitzaren goxotasun guztiarekin”. Ondo merezitako saria du Imanol Urbietak, euskalgintzari egindako ekarpen itzelagatik.

Argia aldizkariak argitaratua

=================================================================

Jon Egiguren (2017/01/19 - 16:43)

Aizarnako Herri Elkartearen oharra.

Aizarnako kultur etxean liburutegi bat osatu da, Zestoako liburutegiak utzitakoak dira gehien bat eta Aizarnarrak utzitakoek ere badira bertan.Mota guztietako liburuak eta adin guztietako jendearentzat.

Nahi duenak bertan irakurri edo bestela etxera ere eramateko aukera izango du, gero itzuli egin behar jakina. Horrez gain etxean soberan dituenak ere lagundu lezake liburutegi hau handitzen, herrian liburutegi polit bat izateak denentzako onura ekartzen du eta.

==============================================================

Jon Egiguren (2016/11/30 - 20:03)

https://dantzan.eus/kidea/amaiurariar/aizarnako-oilasko-biltzea-2015.

www.dantza.eus" Webgunean Aizarna eta Elgoibarko aurreskuari buruz idatzita dagoena azaltzen dut behean, Maddi Astigarraga izan da aurten bi herri hauetan aurreskua dantzatu duena eta lehenetako emakumea izanik badu bere garrantzia. Argazkirik ez duen onartzen atal honek eta ikusi nahi dituenak webgunera joan besterik ez du.

2016/09/20 09:50

Orain gutxi arte itxita zituzten ateak irekitzen ari dira dantzan emakumeentzat. Azken aldiko hiru adibide hemen: Aizarnako eta Elgoibarko aurreskuak, eta Durangaldeko ezpata-dantzari eguna.

Aurreskularia Aizarnan

Aizarnako oilasko biltzea eta aurreskua Andra Mari festetan egin ohi dira. Goizean goizetik oilasko biltzean ateratzen dira herriko gazteak, eta zahagi-dantza egiten dute baserri atari bakoitzean. Ikusi hemen iaz Amaiur Aristik egindako kronika. Plazara etorrita aurreskua dantzatu ohi dute. Oilasko biltzea eta zahagi-dantzan badira urteak neska-mutilak elkarrekin aritzen direla, baina aurten aurreskuan, lehen aldiz, neska batek egin ditu aurreskulari lanak. Maddi Astigarraga izan da Aizarnako soka-dantzan aurreskulari lanak egin dituen lehen emakumea.

Elgoibarko San Bartolome Eguneko soka-dantza

Abuztuaren 24an, San Bartolome eguna, aurreskua dantzatu ohi da Elgoibarko Foruen plazan. Aurten lehen aldiz, dantzarien lehen soka emakumeek osatu dute eta emakumeak izan dira aurresku eta atzesku lanetan. Zehazki Maialen Astigarraga izan da aurreskua eta Amaia Loiola atzeskua. Ondoren, gizonezkoak gonbidatu dituzte plazara eta neskek mutilei dantzatu diete agurra.

Jon Egiguren (2016/11/03 - 22:22)

Azaroak 13an, Beñat eta Benantxio mendizaleak oroitzeko ibilaldi neurtua antolatu dute Aizarnan.. Antolatzaileak Aizarnako Herri Elkartea eta Agiromendi Elkartea dira Zestoako Udalaren laguntzarekin.

Ekintza hau, Agiromendi Elkarteak antolatu duen Mendi Astearen barruan sartzen da. 25 kilometro gutxi gora-bera izango ditu ibilaldiak eta amaitutakoan bazkaria izango da pilotalekuan.

Egun bertan eta urtero bezala Aranburu landetxeko atarian, burruntzian erretako txerria jateko aukera izango da gainera. San Martin egunari dagokion festa honek ere baditu jarraitzaileak eta era honetan erretako txerria dastatzen duenak jarraitu egiten du hurbiltzen eta seguru gustura irtengo duela bertatik.

=================================================

Jon Egiguren (2016/10/17 - 21:47)

Beñat Arruek Nepalera egindako espedizioan izan zuen ezbeharra dela eta Hitza egunkariak artikulu bat argitaratu du urte muga gogoratzeko.

Baita ere urte muga honetan bere gurasoak hiru urtetik behin Nepalera bidaiatzen dute Beñatek egin zuen bide bera eginez. Aurten ere bidai antolatu dute eta Urriak hiruan irten zuten Nepalera. Bidaia on bat egin dezatela

Jon Egiguren

==================================================

HITZA EGUNKARIAK ARGITARATUA-2016, irailak 30

Eider Bereziartua

Ezbeharraren bueltan lotutako bizitzak

Badira gerturatzen direnean bihotza estutzen duten egun jakin batzuk. Gorriz markatuta izaten dira egutegian, eta, urteak pasatu arren, denen oroimenean segitzen dute. Horietako bat da urriaren 17a.

-2001. urtea zen, eta Himalaiako Pumori mendiaren (Nepal) gailurrera iristeko lehen ahalegina egitera ilusioz gainezka irten ziren bost mendizale gazte: Iñaki Aiertza (Aizarnazabal) eta Beñat Arrue (Aizarna) gipuzkoarrak, eta Aritz Artieda (Etxarri Aranatz), Javier Arkauz (Lakuntza) eta Cesar Nieto (Iruñea) nafarrak. Bidean zirela, ordea, izotz-jausi batek azpian harrapatu zituen bost euskaldunak, eta bertan hil ziren.

“Espedizioa hamar lagunekoa zen, baina, denek batera igo ezin zutela eta, bi taldetan banatu ziren. Zozketa egin zuten zotz laburrena edo luzeena nork atera. Ez dakit nola izan zen, baina gureei tokatu zitzaien”, azaldu du Arantxa Gurrutxagak (Aizarna, 1953), istripuan hildako Beñat Arrueren amak. “Gogorra izan zen”, adierazi du Mikel Aiertzak (Aizarnazabal, 1975), Iñaki Aiertzaren anaiak: “Egun batetik bestera ematen dizute berria, eta…”

Gainera, ezin izan zituzten gorpuak erreskatatu, eta Pumorirako bidean gelditu ziren bost hilotzak. Hala ere, baikorra da Aiertza: “Nik beti diot: Iñakik mendia maite zuen, eta han baino hobeto ez dago inon”.

Hamabost urte pasatu dira ezbeharra gertatu zenetik, baina Aiertzak dio “oso presente” dutela. Urte guztiotan, “urriaren 17tik gertuen dagoen igandean, Aralarren elkartzen gara hildako guztien familietakoak”, dio. “Omenalditxoa egiten diegu”, gaineratu du Gurrutxagak: “Duela hamabost urte, sei zuhaitz landatu genituen han: bat denen oroimenez, eta beste txiki bana bakoitzari eskainita. Plaka bat ere ipinita daukagu”, esan du Gurrutxagak. Aiertzak dio “harreman oso polita” egin dutela familien artean: “Egun hori denok elkartzeko aitzakiatzat daukagu”. Horrez gain, beste ohitura bat ere badute Beñat Arrueren guraso Arantxa Gurrutxagak eta Pello Arruek. Hiru urtetik behin, Nepalera bidaiatzen dute, eta beren semeak eginiko bidea errepikatzen dute. Datorren astelehenean, urriaren 3an, ekingo diote abenturari. Aizarnako, Zestoako, Zumaiako, Hernialdeko eta Iruñeko beste zazpi lagunekin joango dira hara.

Gurrutxagak gogoan du Benantxio Iruretak —semearen espediziokidea— 2002an nola esan zien “gazteei bisita egitera” zihoala. “Segituan animatu ginen gu ere”, dio Gurrutxagak. Ordutik, hiru urtetik behin saiatu dira bidaia errepikatzen: “Hara noan bosgarren aldia da, eta nire senarra seigarrenez joango da”.

“Hildako guztien familiak joanak gara bisitan”, azaldu du Gurrutxagak. Aiertzak dio bidaia hori “egiteko” daukala: “Nolabaiteko zorra daukadala sentitzen dut barnean. Agian, momentua iritsi zain nago hara joateko. Pena pixka bat emango dit, baina joateko gogoz nago”.

Argazkiko neskatoa, Suka

Nepalen bereziak zaizkion pertsonak eta lekuak ditu Gurrutxagak. 2001ean, ezbeharraren ondoren, “haizeak mugituta” hildakoek zeramatzaten gauza batzuk agertu ziren. Horien artean ziren Beñat Arrueren jaka eta argazki makina bat. “Argazki kamera Iñakirena zen, eta argazki film bat zeukan barruan. Film horretan argazki bat zegoen, oso polita. Neska txiki bat agertzen zen, hiru urte ingurukoa, eta Beñatekin ageri zen”, azaldu du Gurrutxagak.

Hori dela eta, 2002an Nepalera joan zirenean, haur hura aurkitu nahi izan zuten. “Benantxiok —Aneton hil zen 2003an— argazkia eraman zuen. Hark bazuen buruan zein ingurutan ateratako argazkia izango zen. Beraz, espedizioko batzuk hara joan ziren, eta hango haurrei argazkia erakutsi zieten. Ingelesez ezer gutxi zekiten, eta ez zuten elkar ulertu. Hala ere, ‘Suka, Suka’ esaten omen zuten”, dio Gurrutxagak. Azkenean, umeei jarraitu, eta “txabola moduko” etxetxo batean aurkitu zuten neskatoa. “Joaten garen bakoitzean izugarrizko hartu-emana izaten dugu Sukarekin eta haren familiarekin. Aldiro, arropak, eskolako materiala eta abar eramaten dizkiegu. Thame herrikoa da, eta herriko eskolan entregatzen dugu material guztia”, azaldu du. “Sukarentzat ere poltsa berezia eramaten dugu, opariekin”.

Hala ere, ez dakite “zein egoeratan” aurkituko duten oraingoan Suka: “18 urte izango ditu, eta, han, adin horrekin asko ama izaten dira. Gainera, ez dakigu duela urtebete izan zen lurrikarak nola eragin duen beren bailaran”.

-1.000 euroko txekea 2015eko apirilean lurrikara batek astindu zuen Nepal. Zestoako Agiro Mendi Elkarteak 1.000 euroko txekea eman dio espedizioari, han laguntzeko. “Bertan bizi den Mikel Izeaga legazpiarrarekin hitz egin dugu. Berak lagunduko digu dirua bideratzen. Behar den lekura eramango dugu “, dio Gurrutxagak.

================================================================0

LURDES ELORTZA (2016/10/03 - 12:39)

Gaur Urriak 3 irtengo dira Nepalera Pello eta Arantxa beste adiskide batzuekin. Bidai ona izan dezaleta, gozatu dezatela eta berriro senti dezatela bere semearen urruntasuna inoiz ahazten ez dena. Eman dezatela gure adixkidetasuna beraiekin, ondo jun eta ondo etorri berriro Aizarnara.

Talde guztiari agur eta laister arte.

Jon Egiguren (2016/09/15 - 20:55)

Santa Engraziko erlojua berriztatzeko egin zen lehen bilerak eman du bere emaitza, desmuntatu eta jaitsi dute lurrera. orain Lasaoko gela batera garraiatuko dute mekanismoa berriztatu eta martxan jartzeko.

==============================================

Jon Egiguren (2016/09/12 - 21:52)

Yeregi elkarteak bultzatuta, Santa Engraziako erlojua berriztatzeko proiektua jarri da martxan, lanak “auzolanean” egingo dira eta horretarako egin da lehen bilera.

Erloju hau altxorra baita Aizarna, Zestoa eta Gipuzkoa osorako. Ea dena ondo irteten duen. ==============================================================

Lurdes Elorza (2016/09/02 - 16:44)

"AGUR PUERTEKO, GURE DENDA TXIKIA"

Abuztuaren 31 gure betiko denda "puerteko" itxi zuten. Nik bizitza osoan ezagutu dut eta badituk 58 urte, Erreferentzi honekin ziur 100 urte bete dituela irekita. Azkenengo egunen eta azken orduetan zerbait egitea nahi izan genuen eta bertso txiki bat kantatuz, dendako atean, "Juanjo" eta Ixiar aurrean zirela despeditu genituen.

Esker mila benetan eman diguten guztiagatik, denda txiki horrek denetik edukitzen zuen,edozein ordutan beti prest, baserrietara ere astean bi egunez joaten ziren eskatutako enkarguak ematera, beti umil eta irribarrez ikusten nituen.

Ez dut ukatzen izugarrizko nahigabea hartu dudala, hainbeste urtetan ezagututako denda txiki bat ixteak horrelako herri txiki batean, nahigabe bat sortzen du.

Berriro diot, esker mila egindako lanagatik, etapa bat itxi da Aizarnan zuen atea itxita.

Dena dela, bertsoak dion bezala, ate bat itxi eta berri bat ireki zaigu, badugu “Konpittekon “ bere ordezkoa eta horrek ere poz handia eman digu.

Ilusioz ireki dutenari ere zorte handia izan dezatela esango diegu.

AGUR PUERTEKO (Bertsoa)

Eskerrikasko eman beharra
Aizarnarren izenean
zenbat urtetan gure Puerteko.
taberna-denda lanean.
esfortzu asko ixkutatzen da.
irrifar baten atzean.
irrifarra-re malko bihurtu.
maite deguna galtzean.
zorionaren bidean.
gaude azken finean.
bizipen asko gelditzen dira.
herritar danon barnean.
bide berri bat irikitzen da.
edozein ate ixtean.

============================================

Jon Egiguren (2016/07/22 - 20:12)

Badirudi Pedro Agerre Axularrek ere ez zuela gustura ikusten dantzan egitea, gorputzaren plazerretan ibiltzea.denbora galtzea dela esaten du idatzi honetan Interesgarria iruditu eta kopiatu negin dut behean azaltzen den helbidetik.

Jon Egiguren

================================================

WWW.DANTZA.EUS

https://dantzan.eus/kidea/kuarrenta/dantza-axularren-gero-liburuan.

Axular: "Erran behar da, gauza gaixtoa eta okhasinotsua dela dantza"

"Galtzen da denbora gorputzaren plazeretan ibiltzeaz. Erraiten duzu: dezagun denbora iragan, gaitezin ioka, gaitezin dantza eta dosta. Eta etzaitzu gogoratzen bitartean denbora galtzen duzula".

"Haragiaren plazeretan ez ohi da dantzarik, eta irririk baizen; iaterik, edaterik eta amoriorik baizen, eta guztiarekin ere etsai gaixtoak gauza hauk guztiok inprentsuaz bezala bertze aldera itzultzeintu: onherizkoatik gaitzerizkoa: bekekik gerla, irritik nigarra, eta dantzatik (Herodes baithan egin zuen bezala) heriotzea atheratzen du."

"Bada kastitatea begiratu nahi duenak, eztu dantzatu ere behar, eta ez soiñuak diren lekhura ioan. Lehenago ientilen artean, eta denboran, desohore zen dantzatzea: eta hala etzen iende ohorezkorik, eta kontuzkorik dantzètan edireiten. Zizeronen errana da: Nemo fere sobrius saltat (Cicer. pro Murena). Nehor guti dantzatzen da edana eztenean, adimenduan dagoenean."

"Iende gazte arinen, zenzuz baiño zangoz fidago direnen ofizioa da dantza. dantzan ezta okhasino gaixtorik baizen. Hain ahalkea galtzen da; ezagutzatan sartzen da: solhastatzen da, trebatzen da, eskuztatzen da, mandatua egiten da, eta azkenean behar eztena sortzen da."

"Erran behar da, gauza gaixtoa eta okhasinotsua dela dantza, hartzaz dioenean San Agustinek: Melius est in diebus dominicis arare vel fodere quam choreas ducere (August. de decem chordis). Hobe da eta bekhatu gutiago da igande egunetan golde nabarretan eta lur lanetan trabaillatzea, ezen ez dantzan haritzea. Eta haur erraiten du hunela, ez zeren dantzatzea bera hain gauza gaixtoa den, baiña zeren dantzatik anhitz okhasino behar eztenik sortzen den."

Pedro Agerre Axular: Gero (1643). Bertsio informatikoaren egilea: Josu Lavin. Klasikoen

Jon Egiguren (2016/06/20 - 22:06)

Gipuzkoako Sega Txapelketako finalaurrekoen sailkapenak dira jarraian azaltzen ditudanak .

Julen Gabirondo, Arkaitz Arteaga, Igor Esnaola eta Jokin Etxeberria sailkatu dira finalerako.

Lehen taldea

Julen Gabirondo Izeta: 1.687 kilo.

Arkaitz Arteaga Bereziartua: 1.454,5 kilo.

Iban Pardo Andres: 1.452 kilo.

Andoni Urrutia Idigoras: 1.137 kilo

Bigarren taldea

Igor Esnaola Dorronsoro: 1.502,5 kilo.

Jokin Etxeberria Peñagarikano: 1.450,5 kilo.

Iñigo Mercader Soroa 1.315,5 kilo.

Suharri Irazustabarrena Arbelaitz: 1.186 kilo

Jon Egiguren (2016/06/17 - 15:24)

Ekainak 19, Gipuzkoako segalari txapelketako kanporaketa ospatuko da Aizarnan. Aranburu atariko zelaia ospatuko da berau eta 11,30 tan hasiko dira lanean.

Aurtengo lehiaketa honetara aspaldiko talderik ugariena aurkeztu da, zortzi lehiakide izango dira finalerako lekua lortu nahian. Lehiakide asko direnez bi talde osatuko dira eta taldeko bi irabaztunak izango dira finalean.

Lehen taldean hauek izango dira: Iban Pardo, Arkaitz Arteaga, Julen Gabilondo eta Andoni Urrutia.

Bigarrenean:Iñigo Mercader, Suharri Irazusta, Igor Esnaola y Jokin Etxeberria. Segalariak lanerako izango duten denbora ordu-erdikoa izango da.

Eguraldian laguntzarekin eta leku zoragarri honetan ikuskizun politarekin gozatzeko aukera izango dute hurbiltzen diren guztiak.

Jon Egiguren (2016/06/01 - 21:43)

Eskerrik asko nire partetik, Zestoako alkateari eta udaletxeko kultura teknikariari, Placido Navasen familiarekiko izan duten jarreragatik. Famili honekin ditudan artu-emanak direla eta, nik ere egin bahit ditut ahalegin batzuek bidaia honetako ekitaldia ondo irteteko.

Eskerrak baita ere Navas familiari udaletxean esku utzi dituzten idatzi eta argazkiak Aizarnako historia ezagutzeko baliagarriak izango direlakoan nago eta

Jon Egiguren (2016/04/20 - 21:47)

Maiatzak 14 Pazko jaiak ospatzen dira Aizarnan. Aurten beste ekintza batzuekin batera, traste zaharren erakusketa egitea da helburu, horretarako garai bateko ofizio zaharretan erabili ziren tresna edo erremintak behar direnez, dituenak prestatu ditzala egun horretarako.

Erreminta,arropa,liburu,edo dena delako hori, zahartuta edo modaz pasatuta geratu den bitxikeriaren bat.

Erakusketa honek, Aizarnak garai batean zituen ofizio eta bizimodua erakustea du helburu.

Apirilak 30rako jasotzea dute helburu antolatzaileak. Hartu-emanetarako telefonoa: 680805643 (Asier).

Jon Egiguren (2016/02/25 - 19:38)

Gipuzkoa osoko 165 argazkiekin liburuxka berri bat osatu dut. Guipúzkoa sortu eta 1900.urtera arte eraikitako parrokiak dira hemen azaltzen direnak.

Lehen Aizarnako irudiekin egin nuen bezala orain Parroki hauekin osatu dut eta neurri berak ditu oraingoak ere.

Ez da beste munduko gauza, baina ikusteko polita da, eta Guipúzkoa ezagutzeko lagungarria dela esango nuke.

Nahi duenak eskuratu behean azaltzen ditut mobileko zenbaki eta helbideak.

Tlf..636004273 .........................50 Euro

ionegiguren@gmail.com

www.aizarna.com

Jon Egiguren (2016/01/11 - 20:02)

Aizarnako herri-elkartean ahurra guraso elkarteak antolatu zuen bertso paper lehiaketako sariak banatu dira eta behean azaltzen dira irabaztunak.

Lehena------- 12 urtetik gorakoetan -German Elorza.

Bigarrena-----12 urtetik gorakoetan -Tomas Bergara

Lehena -----12 urtetik beherakoetan-Mattin Eizagirre

Bigarrena --12 urtetik beherakoetan -Ekain Tolaretxipi

Egitarauan jartzen duen bezala aurkeztutako bertsoekin liburuxka bat argitaratuko da.

Jon Egiguren (2015/11/13 - 19:57)

Aizarnako herri-elkartean ahurra guraso elkartean eskutik bertso paper lehiaketa antolatu du, lehiaketaren oinarriak behean irakur litezke. Bertso mundua dominatzen duenarentzat hemen aukera.

Jon Egiguren

========================================================================================

Aurtengo udazkenean, Gipuzkoako Bertsolari Txapelketa dela aitzakia hartuta, bertsopaper lehiaketa izango da Aizarnan, bertsozaletasuna indartzeko asmoarekin. Guraso-elkartearen ekimena da eta herri-elkartearen laguntza jaso du.

Lehiaketan bi maila izango dira: 12 urtez azpikoak eta 12 urtetik gorakoak. Bertsoak aurkezteko epea abenduaren 8an amaituko da. Jarraian dituzue bertsopaper lehiaketan parte hartzeko kontuan hartu beharreko oinarriak:

LEHIAKETAREN OINARRIAK

Lehiaketan bi maila izango dira: 12 urtez azpikoak eta 12 urtetik gorakoak.

Bertsoak aurkezteko epea abenduaren 8an amaituko da. Jarraian dituzue bertsopaper lehiaketan parte hartzeko kontuan hartu beharreko oinarriak:

LEHIAKETAREN OINARRIAK

-1.- Parte-hartzaileak Lehiaketa honetan edozein aizarnarrek hartu dezake parte. Bi mailatan banatuko dira: 12 urtetik beherakoak eta 12 urtetik gorakoak.

-2.- Lanak

Helduen kasuan, parte-hartzaile bakoitzak gutxienez 3 bertso egin beharko ditu eta gehienez 6, eta bertso bakoitzak lau edo sei puntu izango ditu. Haurren kasuan, nahikoa izango da bertso bat idaztea.

Lehiaketa honetako gaia “Aizarnako eskola” izango da. Parte-hartzaile bakoitzak nahi adina bertso-sorta bidal ditzake.

Bertso guztiek jatorrizkoak izan beharko dute, hau da, inon argitaratu, aurkeztu eta saritu gabekoak. Ordenagailuz idatzita joan behar dute. Ezizena erabiliko da sinadurarako.

Doinua eta neurria libreak izango dira. Dena den, ezinbestekoa da doinuaren izena eta bertsoen ordena-zenbakia argi adieraztea.

-3.- Epea

-Lanak aurkezteko epea: azaroaren 8tik abenduaren 8 arte.

-4.- Helbideak Bertsoak Aizarnako herri-elkarteak Gurutze Santuan daukan postontzian utziko dira. Bertso-sorta gutun-azal batean bidali beharko da ezizenez sinatuta. Beste gutun-azal batean egilearen izen-abizenak, jaioteguna, helbidea, telefonoa eta e-maila sartuko dira. Bi gutun-azaletan jarri beharko da kanpoaldetik: “Aizarnako bertsopaper lehiaketa” eta egilearen ezizena.

-5.- Sariak Helduentzat.

-1. saria: Bi pertsonentzako afaria Aranburu jatetxean eta 100€.

-2. saria: Bi pertsonentzako afaria Konpitteroko jatetxean.

-Umeentzat.

-1. saria: 50 €-ko balioa duen txartela.

-2. saria: 25 €-ko balioa duen txartela.

-6.- Epaimahaia Bertso-munduan esperientzia duten hiru pertsonak osatuko dute. Epaimahaiaren esku geratzen da sarien banaketa, eta edozein sari eman gabe utz dezake, behar adina kalitatedun lanik ez dagoela ikusten badu.

-7.- Sari-banaketa Sari-banaketa 2015eko abenduaren 20an izango da, Aizarnan San Tomas eguna ospatuko dugun egunean. Ondoren, bertsolari batek abestuko ditu saritutako bertsoak.

-8.- Lanen jabetza Aurkeztutako lanen jabetza Aizarnako herri-elkartearena izango da eta lan horiek argitaratzeko eskubidea izango du.

1. - Argitalpena Jasotako lanekin liburuxka bat argitaratzeko asmoa daukagu, ondoren herritarren artean banatzeko.

-9.- Bestelakoak Lehiaketa honetan parte hartzeak oinarri horiek onartzea dakar.

=================================================================== ·

Jon Egiguren (2015/11/03 - 21:47)

Oier Araolaza antropologoari egindako elkarizketa batean irakurri nuen Arimen bezperako jai honi buruz esaten zuena. Beraren esanetan, gaur egun "Halloveen" ospatzen den erara ospatzen omen zen gure lurretan ere.

Oso gogoan hartu nuen berak esaten zuena eta sinesten diot gainera. Nik ez dut ezagutu horrela ospatzen arimen bezpera , baina gogoan dut Astigarragan Abuztuko egun batean ospatzen genuela era berean.

Kalabazari kandela jarri eta komentu bateko atarira joaten ginen gozokiak jasotzera, egunak ez du bat egiten, baina pentsatzen dut debekuaren eragina izango zela.

Irakurri elkarrizketaren zati txiki hau, jai honi buruz zerbait gehiago jakiteko oso baliagarri da eta.

========================================

Oier Araolaza: «Umetan gure aitona-amonek Halloween ospatzen zuten»

Noiz utzi zitzaion Euskal Herriko herrietan Arimen Gaua ospatzeari?

Horrela esanda, badirudi aspaldiko kontuez hitz egiten ari garela, baina gure aiton-amonekin hitz eginez gero, konturatuko gara eurak ospatzen zutela Haloween. Izan ere, duela 60 urte ohikoa zen Domu Santu Egunaren bezperan kalabazak edo arbiak lapurtu, hustu eta kandelak sartuta Halloween ospatzea.

Zer dela eta uste duzu utzi zitzaiola Euskal Herrian Arimen Gaua ospatzeari?

Gizartea aldatzen ari da, eta horrekin batera festa ospakizun zaharrak alde batera uzten ari dira, eta berriak hartzen. Etengabe gertatzen da hori. Halloween galtzearen arrazoiak asko izan daitezke; agian bere garaian horri eutsi behar zioten gazteek ez zuten interesik izango.

Horretaz gain, uste dut Arimen Gaua nekazari eremuarekin lotutako festa izan zela, eta gizartea hiritartu eta baserri ingurutik urrundu ahala, ohitura horiek arrotzagoak izango ziren gizarte berriarentzat.

=====================================================

Jon Egiguren (2015/10/25 - 21:17)

Amama” filma ikusi berria dut eta nire iritzia oso baikorra izan da filma honekiko. Ondo islatzen du baserriak eredu ekonomiko bezala izan duen porrota, irudietan faltan bota duten bakarra, baserrian behirik ez ikustea izan da niretzako.

Adinean aurrera goazenak eta baserrian bizi izan garenok ondo ezagutzen dugu porrot hau, batzuek penagarria dela esaten dute, baina bizimodu gogor eta etekin kaxkarrak bultza du horretara eta industriak ekarri duen bizimodua arinagoa izanik, normala pasatu dena pasatzea.

Filma ikustean nik baserrian bizi dudana gazte garaian ikusi nuen, dena den nik ez dut hain penagarria ikusten porrot hau, aurrera egiteko bide bat bakarrik, baserriak beste bide bat aurkitu behar du eta bizimodu egoki baten barruan etekin berriak aurkitu,

Irten bidea ez dut hain erraza ikusten eta Euskal Herriko orografiak ere ez du asko laguntzen horretan. Bizilekuak eraberritu eta gaur egun ere badute irten bidea, baina mendi eta zelaiekin etekin egokia lortzea ez dut hain erraza ikusten. Ez dago arazorik irtenbiderik gabe eta izan gaitezen baikorrak

Jon Egiguren (2015/09/08 - 20:08)

Euskaldunon jatorria jakiteko ahalegin asko egin dira orain arte, baina irizpide desberdinak dira adituen artean eta ez dira ados jartzen gai honetan, aspaldiko herria izanik aztarna gutxi dira nonbait.

Dena den gero eta fidagarriak dira azken aldian irteten duten iritziak, gaur egun zientziak erabiltzen dituen teknologiei esker.

Azkena irten duen iritziak ADN probak egin ondoren datoz eta orain artekoak bezala ez dute jartzen Euskal Herriko gizakia hain aspaldikoa 5.000 urte inguruan jarri dute gure arbasoen adina.

Atapuerka inguruan zeuden nekazarien ondorengoak garela esaten dute, hauekin omen dugu antzik handiena haur baten gorpuaren ADN konparatu ondoren.

Ez dakit zenbaterainoko fidagarritasuna duen iritzi honek, baina Atapuerkan ari diren teknikoena izanik, zati batean bada ere sinetsi egin beharko dugu.

Dena dela gustatuko litzaidake egia jakitea aditu denak ados jarri ondoren, baina ez dut uste erraza izango denik, espero dut ordea aurrerantz irtengo duten teknologi berriak gai izatea arazo honi irtenbidea emateko eta behin behingoz gure jatorria non dagoen jakin. Ea egi bihurtzen den.

======================================================

Jon Egiguren (2015/07/11 - 08:17)

Fernando Arzailusen iritziak zer pentsatua eman dit niri ere, garai bateko egoera aipatzen duenean, Aizarna eta Zestoak Alkatetza ordezkatzen zutenekoa alegia. Alderantziz eta legealdi honetan ez da batzordeetan Aizarnako zinegotzirik ikusten, baina egoera zirkunstantziala dela esango nuke.

Garaiak ez dira berdinak eta egoera zer esanik ez, baina hala ere gustatuko litzaidake garai bateko egoera ikurtzat hartu eta Aizarnako kontzejuan udalbatzak egitea urtean behin bada ere, Zestoak duen jatorriari aintzatespen bat egin eta auzo zaharraren berezitasuna onartuaz. Detaile pòlita litzateke Aizarnarekiko.

Horretarako Aizarnako Kontzejuak ez du garai batean zuen itxura , altzariak ez direlako berreskuratu, baina ez dut uste hain zaila denik horretarako egokitzea, Udalak interes pixka bat jartzen badu behintzat.

Iritzi pertsonala da hemen azaltzen dudana, baina seguru honelako ekintza bat Aizarnarrak eskertuko dutela.

Fernando Arzallus Iturri (2015/07/07 - 16:45)

“Zestoako udalbatzak egin duen batzarrean zortzi batzorde osatzea erabaki du eta batzarburuak ere bertan izendatu dituzte”...

Eta Aizarnakorik batere ez! Tokitan geratu dira gure tradizio beneragarriak! Gutxik jakingo dute eta esan egingo dugu hemen: aspaldiko garai haietan, gizaldi eta gizaldietan, alkateak eta bestelako agintariak txandaka izaten ziren, urte batean Zestoakoak eta hurrengoan Aizarnakoak. Ez zuen oraintxe esan Pedro Lopez Altzolaraskoak nola ziren kontuak (1497 urtea): “En manera que la dicha villa [Çestona] ovo comienço e origen de la dicha tierra [Ayçarna], e por tal solía aver alcalde hordinario e de la Hermandad e fiel e jurados e otros ofiçiales públicos en la dicha tierra e vniversydad de Ayçarna por annos, e sy en vn anno son en la dicha villa [Çestona] en el otro syguiente son los dichos ofiçiales en la dicha vniversydad [Ayçarna]”. Hara, garbi asko esana!

Jon Egiguren (2015/07/02 - 23:20)

ZESTOAKO UDALBATZAK EGIN DUEN BATZARREAN ZORTZI BATZORDE OSATZEA ERABAKI DU ETA BATZARBURUAK ERE BERTAN IZENDATU DITUZTE.

Hauek dira batzordeburuen izen abizenak legealdi honetarako eta egin dezatela lan borobil bat Zestoaren alde.Hala izango delakoan nago.

BATZORDEBURUAK

Hirigintza. Gorka Unanue (EAJ)

Auzoak eta Baserria. Karmelo Mendizabal (EAJ)

Kultura eta Euskara. Itziar Elorza (EAJ).

Ongizatea. Montserrat Atxega (EAJ).

Ogasuna. Karmelo Mendizabal (EAJ).

Ingurumena. Gorka Unanue (EAJ).

Merkataritza eta Turismoa. Josetxo Mendizabal (EAJ).

Gazteria eta Kirola. Montserrat Atxega (EAJ).

=========================================

ELKARTE BATZUETAKO UDAL ORDEZKARIAK

Mankomunitatea. EAJtik Josetxo Mendizabal eta Gorka Unanue; EH Bildutik Mikel Arregi.

URKOME. Gorka Unanue (EAJ).

Herri Eskolako kontseilua. Itziar Elorza (EAJ). Ur Partzuergoa. Gorka Unanue (EAJ).

Zaharren egoitza. Lehendakaria, Josetxo Mendizabal; partaideak, Montserrat Atxega (EAJ) eta Amagoia Andres (EH Bildu).

UEMA. Jose Mendizabal (EAJ), Itziar Elorza (EAJ) eta Margarita Eizagirre (EH Bildu).

Ekain Fundazioa. JosetxoMendizabal (EAJ). Haur eskolak. Gorka Unanue. (EAJ

============================================================== ==============================================================

Jon Egiguren (2015/03/16 - 18:24)

Borja Cobeagak egin duen filma edo pelikula dela eta asko ari dira aipatzen komunikabideetan Jesus Egiguren Aizarnarra, filma edo pelikula hau "Negociador" izenarekin argitaratu du Cobeagak, bake bidean egin zituen pausoak islatuaz.

Gauza serioa izan zela ezin ukatu, baina zinemagileak ikuspegi asko dituzte nonbait gertaerak kontatzeko eta elkarrizketa hauei seriotasuna kendu ondoren , komedia bezala azaltzen ditu ahalegin hauek.

Dena den ikusteak merezi duelakoan nago, bitxikeri asko baitira bertan eta seriotasun arlotik bakarrik mundu hau ikusteak ez duelako merezi.

Jon Egiguren (2015/02/27 - 11:38)

Zestoa eta Aizarna bailaran gero eta gehiago dira gure arbasoak utzi dituzten aztarnak, Ekaingoak bezain garrantzitsuak ez dira izango behar bada, baina hauek ere seguru baliagarri izango direla gure bailarako histori aurrea ezagutzeko.

Lehenengo Ekain koba zuloan azaldu ziren, orain berriz Danbolinzuloko koban azaldu dira beste irudi batzuek margotuta, hauez gain azken aurkikuntzak Erlaitz zuloan.

Aranzadi taldekoak dira aurkikuntza hauek egin dituztenak eta hauen esanetan badirudi inguruko beste kobazuloetan ere gehiago izatea eta aurrerantz azaltzea. Gainbegirada bat egin eta hainbeste aurkikuntza ditugunez bailaran, badirudi gure arbaso haiek artista hutsak zirela eta ondorengoei ere zerbait erantsiko zigutelakoan nago.

Jon Egiguren (2015/02/02 - 11:09)

Fernando Arzallusek, Izaskun Xernaren eriotza gogoratuz egiten dion idatziarekin bat egiten dut oso-osoan,polita benetan.

Fernando Arzallus Iturri (2015/01/29 - 17:07)

Duela aste batzuk, etxeko atarira begira nengoela, irudi zoragarria ikusi nuen bertan. Goiz hotz-hotza zen, izotz eguna. Pixka bat kostata baina, halako batean, eguzki izpiak agertzen hasi ziren. Eta orduantxe ikusi nuen irudi zoragarri hura: gure hurritza lorez gainezka eta, eguzki izpi haiek jota, urrezko loreak zituela ematen zuen. Hura irudi ederra!

Izan ere, izaten dira, hurritza edo sahatsa bezalaxe, goiz, beste inor baino lehenago, loratzen diren landareak. Haiek ez dute izaten elur edo txingor erasoren bat jasango ote duten beldurrik; bizitzeko itxaropena dute, nonbait.

Izaskun ere, neguko lorea zen, izotz ondoko eguzki printzek jotzen zutenean, urrezko lorea ematen zuen horietakoa. Ekaitzen aurrean, bizitzeko itxaropenarekin.

Harro zegoen aizarnarra izateaz, eta Aizarna.com honetan bertan idatzi izan zuenez, aipamentxo bat merezi duela pentsatu dut. Hemen duzue, duela bost bat urte izan ziren gertakari mikatz haietan, hementxe bertan idatzi zuena:

Beti sentitu izan naiz harro AIZARNAKOA izateaz. Izan ere, badu bere xarma Aizarnakoa zarela esateak; hain bereziak gera, gure Aizarnako identitate hori aldarrikatuz. Txikitan, Aizarnara bizitzera joan nintzenean, 9 urte nituela, segituan, AIZARNA NIRE ETXEA zela sentitu nuen. Ondo sentitzen naizen tokia, amaren sabelean bezala, goxo eta bero, seguru sentitzen zaren toki hori.

Ze ederra! Adiorik ez, Izaskun!

Jon Egiguren (2014/12/10 - 12:58)

Egunkariak eta komunikabideak ari dira esaten Eusko Jaurlaritzak arautu eta galarazi egin behar duela, elkarte, kiroldegi eta futbol zelaietan tabakoa erretzea.

Ni ez naiz erretzailea, baina gustatzen zait lagunenik bazkal ondoren tertulia eginez tabakoarekin gozatzea eta galarazten badute ez dakit nire osasunak irabaziko duen, baina gozamen bat galduko dutela bai.

Martxa honetan badirudi etxean arrautzak nola frijitu ere araututa izango dela laster, gutxienez elkarteetan beraiek erabaki dezatela behintzat.

Dena den urte garai hauek gozatzeko direnez ez gaitezen amorratu eta erretzea gustuko duenak erre dezala Eguberri hauetan behintzat eta gero gerokoak.

Eguberri zoriontsuak igaro eta urte berri on denari.

===============================================

Jon Egiguren (2014/11/16 - 22:09)

Amets Aramberri Aizarnarrak, bigarren postua lortu zuen Donostian ospatu zen Behobia Gazte lasterketan eta aurrena berari dagokion "Junior" mailan.

Lasterketa hau, Behobia San Sebastian lehiaketaren aurretik ospatu zen eta lortu duen emaitza ikusita zoriontzekoa da benetan.

Lasterketan emaitza honak lortzen ditu eta eskupilotarako duen egokitasuna ikusita, kirolari trebea dela esan beharra dago Aizarnar gazte hau.

=================================================

Jon Egiguren (2014/11/13 - 21:26)

San Martin ingurua izaten da txerria hiltzeko garairik egokiena, gazitzeko eguraldi hotza, lehorra eta euli gutxi izaten den garaia delako.

Gaur egun hozkailuak direla eta ez diogu asko begiratzen urte garai honi, baina ohiturarekin jarraitzeko eta garai berrietara egokitutako txerri festa ospatuko da Azaroak 15, .Aranburu jatetxean.

Burruntzian erretako txerri gaztea dastatzeko aukera paregabea izango da bertan, hurbildu eta gozatu txerri festa borobil honekin.

=================================================

LURDES ELORTZA (2014/11/09 - 12:23)

"Aizarnan Kultur etxe Berria martxan".

Bihar azaroak 10 "Pinturako ikastaroa" hasiko da.Hamaika laguneko taldea arratzaldean bi ordu aizarnako kultur etxean.

Martxan daude ere "ZUMBA" ikastaroal hogei laguneko taldearekin eta "YOGA" beste hamar laguneko taldea. Ostegunetan ere hazi da"KAFE TERTULIA" AZARNAKO emakume guestientzat. Puntoa, Gantxilooa eta kafe bat hartzeko aukerra ederra. Bakarrik gelditzen zait ezkerrak ematea hau dena martxan jarri dutenari.

LURDES ELORTZA (2014/11/09 - 11:40)

Gaur Antonio Egiguren Aizarnakoa hil da. Gure dolumiña Jon Egiguren, Jose Miguel Egiguren eta bere zenide guestiei Aizarnako Bikutze etxetik. "URAK DAKARRENA URAK DARAMA"

Jon Egiguren (2014/10/28 - 20:53)

Hiru urte bete dira ETA erakunde armatuak ekintzarik egin ez duela, urte muga hau dela eta Diario Vasco egunkariak galdeketa egin die zazpi adituei beren iritzia azaldu dezaten.

Hauetako bat Jesus Mari Mujika dugu eta Aizarnakoa denez honen iritzia bakarrik azaltzen dut hemen eta esan behar ados nagoela gai honetan berarekin.

Jon Egiguren

========================================================================

MIGUEL VILLAMERIEL

La sociedad vasca soñó durante años con un final de la violencia que tomó cuerpo el 20 de octubre de 2011 con el comunicado del «cese definitivo» de la actividad armada por parte de ETA. Tres años después de aquel acontecimiento, siete ciudadanos vascos expertos en leyes, política, ética y psicología valoran la huella que ha dejado la violencia en nuestra sociedad y la forma en la que se puede favorecer la convivencia en el futuro.

¿Cómo valora el avance que se ha producido en la convivencia tres años después del final de la violencia de ETA?

¿Cómo se imagina la Euskadi de dentro de diez años en lo que a la convivencia se refiere? ¿Ve posible o aceptable que ETA se perpetúe como una organización civil?

Jesús Mari Mujika Profesor de Ética, portavoz de la Fundación Korta

«No creo que tengan que pasar generaciones para poder reconciliarnos»

-1. Pensaba que se iba a avanzar más en este tiempo, pero valoro muy positivamente los pasos que se han dado. Sobre todo, valoro el enorme esfuerzo que están haciendo algunas víctimas para la superación del odio y la venganza, y creo que la sociedad civil las está comprendiendo. Las víctimas están siendo educadoras para nuestra sociedad, porque cada vez veo más deseo de reconciliación en los ciudadanos. Se está empezando a recuperar el tejido social, el que no comulga con nuestras ideas está pasando de ser enemigo a ser adversario político. Respecto a lo más negativo, esperaba más inteligencia y más justicia por parte del Gobierno central a la hora de contribuir a la paz. También esperaba bastante más rapidez y contundencia por parte de ETA, aunque en estos tres años al menos no hemos tenido que dudar de que el cese definitivo sea real. Respecto a la sociedad civil, tenemos que hacer autocrítica y reconocer la pérdida de dignidad social que ha supuesto a menudo nuestra actitud ante la violencia y el sufrimiento injusto. También creo que las universidades deben contribuir a una reflexión sobre los valores de la democracia, sobre todo mirando a las nuevas generaciones.

-2. Las bases de la convivencia ya deberían estar aseguradas en diez años. No estará olvidado el sufrimiento o la injusticia que hemos sufrido o provocado, eso está claro, pero tampoco me gustan las previsiones que hablan de que tendrán que pasar generaciones para poder reconciliarnos. La valentía de las víctimas demuestra exactamente lo contrario. Si construimos con honradez la memoria histórica de lo ocurrido, con una mirada clara hacia el futuro, en diez años nuestra sociedad será más tolerante, más abierta a la diferencia y la pluralidad, una sociedad más respetuosa y agradecida con las víctimas. Sin empatía hacia el sufrimiento injustamente provocado no es posible construir una comunidad política que merezca la pena. También espero que el poder desarrolle una política penitenciaria más justa y realmente orientada hacia la reinserción, y un sistema educativo en el que los jóvenes interioricen que la violencia justificada por motivación política es totalmente inadmisible.

-3. A mí no me gustaría. ETA ha sido una organización clandestina y de carácter militar, por lo que no me hace ninguna gracia que esas mismas siglas se conviertan en el futuro en una organización social de carácter político. Puedo comprender que, mientras haya presos de la organización en las cárceles, ETA quiera mantener las siglas de alguna manera, pero sería muy lesivo para los sentimientos de las víctimas de ETA que se perpetuase en el tiempo.

Jon Egiguren (2014/09/08 - 21:57)

Hasiera batean eliza eta agintari zibilak dantza lotuaren aurka gogor egin zuten, ados jartzen ziren toki askotan dantza lotua edo "baltseoa" galarazteko garaian.

Inmorala eta nazkagarria ikusten zuten egoera honetan dantzan egitea herriko plazetan eta legedi hau 1965urtean ere martxan zegoen Gipuzkoako hiri txiki askotan.

Dantza lotuaren aurka begira Sabino Aranak zer esaten zuen 1895urtean: “Ved un baile bizkaino presidido por las autoridades eclesiástica y civil, y sentiréis regocijarse el ánimo al son del txistu, la alboka o la dulzaina y al ver unidos en admirable consorcio el más sencillo candor y la más loca alegría; presenciad un baile español, y si no os causa náuseas el liviano, asqueroso y cínico abrazo de los dos sexos queda acreditada la robustez de vuestro estómago”.

Gai honetan gaurko neska mutilek kalean maitasuna azaltzeko dituzten formari begiratzen diet eta dantza lotuarena histori aurrekoa dirudi eta ez dira urte asko igaro oraindik

Gizarte libre batek ordea gustuko dituen ohitura edo kulturak laster bereganatzen ditu jatorriari gehiegi begiratu gabe. .

Zer esango ote luke esaldiaren jabeak gaur burua jasoko balu.

===============================================

Jon Egiguren (2014/09/05 - 00:00)

Aizarnan urteroko Amabirjina jaiak ospatu berriak ditugu eta berauei gainbegiratu bat egingo diet urtero egiten dudan bezala. Lerro batzuetan gertaera nagusiak azalduko ditut eta diaporama bat gehitu dut begien gozamenerako.

Herri txiki hauetako jaietan ez da aldakuntza handirik ikusten urteak igaro arren. Dena den beti ikusten dira aurpegi berriak, eta lehen haurrak ezagutu ditugunak gaur gazte sasoikoak ikusten dira. Hauxe da nahiko berrikuntza eta ezinbestekoa gainera, jai herrikoi hauek jarraitu behar badute behintzat.

Ohitura zaharrei eusten dioten egitaraua izan da aurtengoa ere eta esan behar ekintza denak ospatu direla salbuespenik gabe. Nahiko jarraipen egokiarekin gainera, nahiz eta urte batzuetan ikusi dugun jendetza handiarekin ez izan.

Aurtengo jaietan nabaritu ditudan ezaugarri nagusienak hiru izan dira niretzako: urte garai honetarako eguraldi nahiko freskoa izan dugula, elkartea eraikuntza berrian egonik ospatu ditugula jaiak lehen aldiz, eta oilasko biltzaileek egokitutako kaiola batean jaso dituztela oilaskoak aurten.

Era honetan ez dago esaterik animali hauek tratu txarrik jaso dutenik, gainera begira daudenak ere ere ez du sufritzen egoera honetan. Ongi etorri aldaketa berri eta zuzenari.

Jaietako irudiak eta bideoa ikusi nahi duenak joan artikuluen atalera.

LURDES ELORTZA (2014/08/14 - 08:49)

Hemendik Aurrera kultur etxe bat dugu Aizarnan, pixkanaka osatzen joango dena herriko beharren araberan. Horren zati bat Kultur Elkarte berria da,gaur egun 106 bazkide ditu eta abuztuaren 9 an inaguratu dena. Eskerrikasko lanean jardun diren gustiei,bazkide, Aizarnako jendeari eta Udalari.

Bazkide izateko nahia badezu, aizarnakoa zeralako,bertan bizi zarelako eta abar hauxe da proposamena: 100 euro sarrera eta 100 euroko kuota urtean, 2014an,beraz orain egiten bazera lau hilabetekoa ordainduko zenuke aurten kuota, 16 eta 18 tartekoak ez dute sarrerako kuotarik ordaindu behar.

Batez ere Aizarnako jendea nahi nuke animatu bazkide egitera eta disfrutatu dezaten orrelako aukera, ba alegindu behar degu denon artean elkarte zabala izaten,herrikoia eta bapatean Aizarnan bizitza zortzen.

===============================================================

Jon Egiguren (2014/06/18 - 15:26)

Berria Egunkariak argitaratu zuen artikulu batean jarri nuen arreta. Judu bati egindako elkarrizketa zen eta jaso egin nuen iritzien atalean sartzeko. Estatu propioa eraikitzeak zer arrisku dituen azaltzen ditu elkarrizketa honetan eta Judua denez zerbait jakingo du honetaz. Iritzi honekin ados nagoela esan behar.

Elkarrizketa luzea denez, guri dagozkigun garrantzitsuenak kopiatzen ditut hemen.

Irakurri.

=================================================

Berria egunkaria-2014-05-20 / Ainhoa Larrabe Arnaiz

Ephrain Nimni. Queen's unibertsitateko irakaslea

«Zapalduak izateari utzi eta zapaltzaile bihurtzeko arriskuan zaudete»

Estaturik ez duten nazioek estatua eratzean lurraldearen barruan dauden komunitateak errespetatzen ez direla uste du Nimnik; sufritutakoa erreproduzitzeko arriskua dutela, alegia.

Zein da defendatzen duzun tesia?

Nire ustetan, estatu nazioak dira, instituzio gisa, estaturik ez duten nazio guztiek sufritzen duten zapalketaren erantzule. Hortaz, estaturik ez duten nazioak, zapalkuntza horretatik askatzeko, estatu nazioa eraikitzea dute helburu gisa gehienetan. Estatua lortzean, beraiek sufritutakoa iraunaraztea edo prozesu berarekin jarraitzea ekar lezake. Laburbilduz: estaturik ez duen nazio batek estatua eratzean, bere barruan dauden gutxiengoak ez errespetatzeko aukera asko ditu. Eta berarekin egindakoa erreproduzituko luke. Hori da nik defenditzen dudan tesia.

Estatu guztiak zapaltzaileak direla diozu?

Gaur egungo estatu nazioak diktadura kulturala ezartzen dutela esan nahi dut. Nagusitasuna duen nazioak ezartzen du herritarren eredua, eta horri erantzuten ez diona kanpoan geratzen da. Gailentzen den nazioak kohesioa eta homogeneizazioa eskatzen du. Eta homogeneotasun hori tirania bat da gutxiengoentzat. Gutxiengoa zarenean eta berezitasun bat duzunean, berezitasun hori ez da kolektibo gisa ordezkatua izaten. ============================================================0

Jon Egiguren (2014/04/10 - 19:47)

Gara, egunkarian egin dituen adierazpenak direla eta, askoren ahotan dabil azken aldi honetan Jesus Egiguren Aizarnarra. Egia esan testuinguruan sartu ezean nahiko gogorra iruditzen da esan duena.

Berehala gezurtatu ditu ordea adierazpen hauek. Gaizki interpretatu izana leporatu die komunikabideei eta barkamena eskatu adierazpen hauengatik minduta sentitu diren guztiei. Bere nahia ez zela inor mintzea esan zuen, idatzi berri duen liburua aurkeztean.

Badirudi egiten duen guztia luparekin begiratzen dietela politikari honi, hala nola: ETA-rekin izan zituen hartu-emanak, Loiolako elkarrizketak, idatzi dituen liburuak eta abar. Politikari honek esaten duenak polemika sortzen da askotan.

Batzuek abertzale bihurtu dela esaten dute eta nire ustez euskal zalea izan da beti eta orain ere hala izaten jarraitzen du. Bere egoera pertsonala eta gizartearena ere ez dira berdinak gaur egun eta lasaiago adierazten dituela esango nuke bere gogoetak.

Urte asko pasa dira eta garaiak zailagoak izan arren, begira zer adierazten zuen 27/06/1988 urteko Diario Vasco egunkarian eta gaur baino kritika txikiagoak izaten zituen orduan. Bakoitzak atera ditzala ondorioak.

Jon Egiguren.

======================================================= Diario Vasco. San Sebastian, lunes 27 de junio de 1988.

Nuevo secretario general del PSE de Guipuzcoa

EGUIGUREN REIVINDICA UN SOCIALISMO MAS VASQUISTA.

Jesus Eguiguren, Presidente del Parlamento Vasco, fue elegido el sabado secretario general del PSE-PSOE de Guipuzcoa. con el respaldo del 92% de los votos. En una entrevista concedida al DV.señala que " el socialismo tiene que orientarse en una direccion vasquista" y reivindica la vertiente autonomista de la historia del socialismo vasco, encarnada en la figura de Indalecio Prieto. El nuevo secretario general del PSE-PSOE DE Guipuzcoa se declara contrario a quienes "quieren mantener posturas españolistas a ultranza en el partido e incluso a los ambiguos y aboga decididamente por una apertura del socialismo Guipuzcoano a la sociedad vasca.

Señala tambien que su candidatura representa algo por encima de las dos corrientes enfrentadas en Guipuzcoa.

============================================================= =============================================================

Jon Egiguren (2014/03/24 - 14:49)

Aizarnako elkarte berria eraikitzeko pausoak ematen ari da Aizarna. Oinplanoa eta ekipamendua nola antolatu argitzeko, martxoak 23 larunbata, bilkura orokorra egin zen kultur etxean.

Lau plano aurkeztu ziren bertara eta gehingo handi batek aukeratu zuen aurrera eraman behar dena.

Gehiengo batek aukeratu du eta seguru berau izango dela egokiena.

**********************************************

Jon Egiguren (2014/03/05 - 11:20)

Kaixo danoi

Aizarnan martxoaren 8an, Emakumearen Nazioarteko Egunean egingo den kultur ekitaldi baten berri ematera gatorkizue. Koldarrak antzerki taldeak Izan Bedi Emakumea obra eskainiko du Aizarnako Kultur Etxean. Koldo Campos azkoitiarrak sortutako Hágase la mujer antzezlanetik dator Izan Bedi Emakumea obra, eta Jose Luis Otamendi azpeitiarrak euskaratua da. Antzezlanak emakumeek jasaten duten diskriminazioaren inguruan hausnartzera bultzatu nahi du, umorea horretarako tresna erabiliz.

Aizarnako Herri Elkarteak antolatu du ekimena, larunbatean 19:30ean hasiko da eta guztiok zaudete gonbidatuta.

==============================================

Jon Egiguren (2014/02/26 - 15:14)

Zestoa sortu eta ehun urtera ere, badirudi Aizarnan antolatzen zirela herriko elkarbizitza arautzeko bilerak. Honek nahiko erakusten du Aizarnak zuen garrantzia arlo horretan.

Badirudi Zestoar denak ez zeudela ados bilera Aizarnan egitearekin, Zestoako jende asko falta zela aitortzen bait du eskribauak.

Lur sailak banatu eta elkarbizitza arautzeko egiten ziren bilera hauek, hala jasotzen du behintzat, Ernesto Garcia Fernandezek EHUrako egin zuen lan honetan.

Aipatu dudana egiaztatzeko balio duen orria bakarrik azaltzen dut hemen.

==========================================

LA VILLA GUIPUZCOANA DE CESTONA A TRAVES DE SUS ORDENANZAS DE 1483.

UNIVERSIDAD DEL PAIS VASCO.

ERNESTO GARCIA FERNANDEZ.

Las ordenanzas municipales de la villa de Cestona, aprobadas el 18 de Mayo de 1483. en la plaza que se encontraba delante de la Iglesia de Santa Maria de Aizarna, nos permiten acceder al estudio de las preocupaciones mas inmediatas de la poblacion en los años finales del siglo XV, al mismo tiempo que nos describen algunos aspectos de su organizacion concejil, de sus bases economicas y las formas de resolucion que adoptaron para resolver sus diferencias,pleitos y litigios internos. Posteriormente se añadieron a estas ordenanzas algunos nuevos artikulos.

Estas ordenanzas pudieron ser un reflejo a su vez de la voluntad de un pueblo y de sus gentes por construir un futuro sobre la base de dejar por escrito y de forma publica unos principios basicos que pudieran servir de plataforma para alcanzar una mejor convivencia de todos sus vecinos y moradores.

============================================================== ==============================================================

Jon Egiguren (2014/01/26 - 19:37)

Para el futuro de la convivencia entre distintas sensibilidades que hay en Euskadi, se publican muchas opiniones al respecto en los medios de comunicacion.

Esta opinion que publico es de Jesus Maria Mujika Nacido en Aizarna y profesor de etica en la UPV. Dada la experiencia y su profesion, es de tenerlo en consideracion, bajo mi punto vista.

Despues de leer y analizar el camino que nos plantea, he de decir que estoy en cocordancia con el.

================================================

Jesus Mari Mujika

Portavoz de la Fundación Jose Mari Kortaren Bidetik.

"CADA SENSIBILIDAD POLITICA TIENE SU RESPONSABILIDAD"

1-La paz hay que construirla precisamente entre distintas sensibiladades. Si son cuatro pues entre los cuatro, y en igualdad de condiciones, es decir, aceptando cada sensibilidad la responsabilidad que pueda haber tenido en que tanto tiempo la violencia injusta haya estado presente en nuestro pais,y asumiendo ademas la responsabilidad que pueda tener hoy quien se situa en cada una de las sensibiladades para superar definitivamente la etapa de la violencia. Y, naruralmente demostrandolo con hechos. La igualdad de condiciones no significa que todos hayan tenido el mismo grado ni el mismo tipo de responsabilidad. Tampoco que la responsabilidadactual en la construccion de la paz deba concretarla cada uno en los mismos campos y de la misma manera.

2-Toda covivencia es conflictiva, pero deve ser justay hay que procurar que sea rica.¿ Retos y condiciones para conseguirlo?. Citaria potenciar la participacion de la sociedad civil; demandar a los politicos que sean hombres/mujeres de Estado en vez de politiquillos en continua busqueda de votos y evitar de raiz toda "utilizacion"de las victimas o de los presos, y todo bloqueo interesado de los esfuerzos de los otros. Es necesario, ademas el respeto a las victimas, que sin duda exige el reconocimiento de que el daño causado les ha sido injustamente provocado; valentia y dialogo para construir el relato mas veridico posible; utilizacion responsable, constructiva y valiente del lenguaje de las palabras y del silencio; el evidente paso al "nunca mais" de la violencia y la solucion de las consecuencias de la violencia desde un Estado en verdad de Derecho en el la justicia y el castigo estan orientados a la reinsercion. ETA tambien tiene la responsabilidad de propiciar ese avance anunciando su desarme y disolucion a la mayor brevedad posible.

3-No se puede lesionar ningun derecho humano, para conseguir ningun fin "bueno". Eso es claro, pero yo no veo que tengan fuerza hoy esas lineas rojas, mas que en teoria. Lo que si puede haber en algunos es cierto interes en hablar de esas lineas. Ami no me agrada mucho el vocabulario de victoria y derrota, porque en nuestro pueblo con la violencia hemos perdidos todos, pero lo que esta perfectamente claro es que ETA y los presos han aceptado que no han conseguido nada de lo que pretendian, y que no hay ningun riesgo real de que los presos que, cumplidas sus penas, se reinserten, puedan ser consideradas heroes.

Publicado en el Diario Vasco, con fecha del 19.01.14.

==============================================

Jon Egiguren (2014/01/01 - 21:30)

Jon Arrue eta Ane Aranburuk aurkeztu duten proiektua saritu dute hirugarren Urkome sariak.

Proiektu honek Arrautza ekologikoak ekoiztu eta beren salmenta du ezaugarri nagusia eta Aizarnan kokatzen denez seguru nago kalitate faltarik ez dutela izango arrautza hauek.

Oinarri sendoa duen proiektua izanik, hasi duten langintza honekin jarrai dezatela urte askotan. Gaur egun triste dagoen landa eremua alaitzen ikustea eskertzekoa da eta.

================================================ ================================================

Jon Egiguren (2013/12/17 - 00:29)

Behean azaltzen dudan artikulu hau irakurri aurretik, ez nuen uste plazetako espazioen erabilerak loturarik zuenik gizon eta emakumeen arteko parekidetasuna sustatzeko gaiarekin.

Irakurketa honek, begiak ireki dizkit eta zer pentsatua eman dit gainera. Geuk ere eskolatik irten eta gauza bera egiten genuen jolasteko garaian, Aizarnako plazak duen espazio zabalean mutilak izaten ginen nagusi.

Garai haietan ordea ez zen arazo hauetan pentsatu ere egiten eta gurasoek normaltzat hartzen zuten egoera hau. Gaur egun, gauzak ez daude horretarako, baina ohiturak jarraitu egiten du eskolako patio edo plazetan.

Ohitura hauek normaltasunez onartzeak ez omen du batere laguntzen parekidetasuna lortzen, hori esaten du artikulugile honek behintzat.

Gai honi buruz askotan mintzatu gara denok, baina ikuspegi horretatik begiratzea sekula ez zait bururatu ere egin. Orain beste ikuspegi bat gehiago badut arazoari begiratzeko garaian. Beti ikasten da zerbait.

Artikulua, Jasone Osorok idatzitakoa da eta Diario Vasco egunkariak argitaratua.

===================================================================================================

Edozein herriko edozein plazatik pasa ezkero, argi ikusten da nork duen espazioarekin dominioa: mutil gehienak baloiarekin aritzen dira eremua luze-zabalean. Neska gehienak , berriz ertzetan kokatzen dira, ustez haienak diren jolasetan arituz: soka-saltoan, marrazkiak egiten, "umeetan" jolasten .... Gure alaba ere kexatu izan da patioan ez dutelako jolasteko lekurik apenas, mutilak futbolean aritzen direlako eta eurek txokoekin konformatu behar izaten dutelako, maiz airean galdu den baloiaren kolpeak jasoz.

Eskertuko nuke inork ez esatea beti jolastu izan dela horrela, emakumeok beti daukagula txip histeriko hori.... Bada, ez,genero berdintasuna lortu nahi bada, "txikikeria" horiei ere erreparatu behar zaie.

Nola nahi dugu emakumeok kargu publikoetan ikustea txikitatik jolastu badute ertzetan?. Nola nahi dugu emakumeok postu garrantzitsuetan egotea txikitatik barneratu badute espazio publikoaren zatirik handiena mutilei dagokiela?. Lekuaren hegemonia maskulinoa bada, nor-non aukeratzen duena gizona bada.

Ez da txikikeria bat,uste duguna baino garrantzitsuagoa da, eta badaude hori aztertzen duten ikerketak ere. Hirigintza barneratzailea deitzen zaio horri, gizaki bakoitzak bere lekua izan behar du espazio publikoetan, izan emakume, izan gizon, izan haur, gazte, heldu, izan zahar.Arkitekturak, plazek, parkeek, kaleek eragin izugarria dute bizikidetzan Eta identitatea formatzeko, nor bere baliabideak garatzeko eta pertsonon autonomia zein auto-estima lantzeko urratsak herriko plazan eta eskoletako patioan ere lantzen dira. Ez dezagun hori ahaztu.

Jasone osoro.

Jon Egiguren (2013/12/05 - 19:37)

Azpimarratzekoa zientziaren arloan egun hauetan entzuten ari garen albistea. 400.000 urteko hezurrak duten genomaren sekuentzia argitu omen dute zientzialariek. Aurrerapen handia benetan.

Nik ez dut gaitasun handirik arlo honetan, baina irakurri eta pentsatzen dudana azalduko dut behintzat.

Atapuercan aurkitu dituzten hezur hauen sekuentziak, Iberiako gizakien nondik norakoa ezagutzeko oso baliagarriak omen dira. Badirudi orain arte zeuden hipotesia edo argitasun guztiak hankaz gora jarri dituela aurkikuntza honek.

Beti entzun izan dut gizakiak jatorria Afrikan duela eta aurkikuntza honek baztertu egiten duela ematen du hipotesia hau. Zientzialarien esanetan, Atapuercan aurkitu dituzten hezur hauen arbasoak Siberian bizi omen ziren, ile luzearekin margotzen dituzte eta hauekin omen dute parekotasuna. Beraz Siberiatik etorriak direla esan genezake.

Aurkikuntza honek, bide bat irekitzen omen du Iberia lurraldeko gizakiaren jatorriak aurkitzen eta esaten dutena egia bada, ea luzaro baino lehen aurkitzen duten Euskaldunen nondik norakoa.

Gustatuko litzateke egia aurkitzea eta horretarako ez dut uste zientzialarien esku uztea baino bide hoberik dagoenik.

Jon Egiguren (2013/11/20 - 14:17)

1963ko Azaroaren 22an asasinatu zuten John Fitzgerald Kennedi presidentea. Gertaera honek, toki berezia hartu zuen belaunaldi oso baten barruan, ni ere belaunaldi horretan sartzen naiz eta horregatik aipamen bat, 50.urte betetzen diren muga honetan.

Nahiko gaztea nintzen gertatu zenean, baina esan nezake Euskal Herrian ondo ikusten zela gizon onen jokaera. Nik ere ikuspegi bera nuen eta tamalgarritzat hartu nuen hilketa hau.

Ipar Amerikan bizi ziren beltzen egoeran sartu zen buru-belarri, edo behintzat nahia erakutsi zuen egoera zuzentzeko, helburu horrek mundu osoan izan zuen oihartzun handia.

Politika egiteko beste era bat azaldu zuen Kenedik eta badirudi Ipar Ameriketako gizartea ez zegoela prestatuta horretarako eta gutxiago beltzen eskubideen etsaiak ziren kontserbadoreak.

Gaur egun oso gutxik sinesten dute hilketa honen gain eman den bertsio ofiziala eta konplot bat antolatu zela beraren aurka pentsatzen du gehiengo batek. Ni ere horretan nago.

Bertsoak ere badira gertaera honen ondorioz gizon honi eskainitakoak, hauetako bi azalduko ditut behean, gertaera horretaz zer pentsatzen zen ohartzeko.

Azaroaren hogei ta bia.
ilundu ta bereala.
Mundu guztiak entzun izan du.
ihurtzuri bat bezala.
Amerikako president ona.
tiro batez hil dutela.
horra Satanen herrazko lana.
ezin daiteke bertzela.

Xalbador.

Ezin sinisturik.
nago oraindikan.
gertatu danarekin.
Ipar-Ameriketan.
berri negargarriyak.
gaur datoz andikan.
Dallas deitzen dioten.
erri batetikan.

Matxain.

Jon Egiguren (2013/10/15 - 22:21)

Aizarnako baserrien salerosketen berri ematen dio karta honetan Alzolarasko arduradunak, Conde de Villafuertes burdindegiko jabeari. Badirudi Ezenarro azpiko erosi eta trukean Pagaldezuri hartu nahi zutela. 30.000 erreal zuen salneurria baserri honek. =========================================

Alzolaras 10 de Enero de 1868

Sr. D. Ramon de Zavala y Salazar

Mi Dueño y Sr.: en las puertas del consejo de Aizarna hay un edicto en el que se hace saber la venta, á voluntad de su dueño, de dos caserios sitos en la misma jurisdiccion: á saber Ecenarro-azpicoa tasado en 30.000 reales y Aguinaga en 13.000 estando encargado el Procurador de Azpeitia Serafin Tapia de recibir propuestas que no bajen de la tasacion, hasta el 31 del mes actual.

El mismo dia 31 se subastan dos caserios pertenecientes á las monjas de Zumaya; Ondalde en jurisdiccion de Cestona y Pascualsoro en la de Zarauz; mediando entre este ultimo y las posesiones de Urdaneta sus caserio de la propiedad de D. Ramon de Lili: todo lo que me parecido poner en conocimiento de V. por si acaso les conviniese la adquisicion de alguna de las espresadas fincas; previniendole que Ecenarro-azpicoa confina con Ecenarro-garaicoa propiedad de la hija de Lecumberri, y como tengo á V. dicho lo conveniente que seria poder hacerse con el Caserio de Pagaldezuri propiedad de la misma Sra., adquirido Ecenarro-azpicoa se le podria ofrecer en permuta en caso de que no le acomode Aranguren. (Firmado:) Ramon de Berasategui

Conde de Villafuertesen artxiboetatik kopiatuta

Jon Egiguren (2013/10/10 - 17:08)

Uztarria .com/ orri digitaletik kopiatuta.

Azpeititik Aizarnara, Benantxio Irureta omentzeko

Maiatzean Aneton hil zen mendizalea gogoan izango dute haren jaioterrian zapatuan, urriaren 12an, Yalung Kang igo zueneko 25. urteurrenaren inguruan. Prestatu dituzten ekitaldietako aurrenekoa, Azpeititik Aizarnarako mendi ibilaldia izango da. Goizeko hamarretan aterako dira mendizaleak plazatik.

Benantxio Irureta omenduko dute zapatuan, urriaren 12an, Aizarnan. Joan den maiatzean Aneton hil zen mendizalea gogoan, goiz eta arratsalde hainbat ekitaldi izango da haren jaioterrian, Lagun Onak Mendi Bazkunak eta Aizarnako Herri Elkarteak elkarlanean prestatu duten egitarauaren barruan. Aurrenekoa, Azpeititik Aizarnara egingo den mendi ibilaldia izango da; goizeko hamarretan aterako dira mendizaleak plazatik.

Bihar, urriak 11, 25 urte beteko dira Iruretak, Azpeitiko espedizioarekin, Yalung Kang (8.505) mendia igo zuenetik, eta data hori ere kontuan hartuta antolatu dute omenaldia. Hona hemen zapaturako prestatu duten egitarau osoa:

· 10:00. Azpeitiko plazatik irtenda mendi ibilaldia Aizarnara.

· 13:00. Kalejira Aizarnako kaleetan zehar.

· 14:00. Aranburuk prestatutako mokadua. Arkumea, pintxoak eta txotxa.

· 16:30. Yalung Kang 88 emanaldiaren hasiera.Ondoren. Triki-poteoa kaleetan zehar.

· 19:00. Azpeitira itzultzeko autobusak egongo dira.

Jon Egiguren (2013/10/03 - 18:33)

Kaixo Lurdes:

Nik pankarterena ez dut kritikatzen, ohizkoa da Euskal Herrian pankartarekin helburu politikoak reibindikatzea, hau gainera adierazpen askatasunean sartzen dut, eta nik beti babestuko dut eskubide hau, inor iraindu ezean jakina, nahiz eta denarekin ados ez egon.

Nik ikusi nuena azaltzen dut idatzian eta usten dut egia dela, behar bada ez nuen ondo adieraziko, ni ez bai naiz kazetaria.

Zaratarena seguru adinarekin lotuta dagoela, baina nire kritika ere adierazpen askatasunean sartu beharra dago, usten dut testuingurutik atera duzula, nik proposamen bat bakarrik adierazten dut.

Elkartearena aipatzen duzu eta zurekin ados nago gai horretan, usten dut lan bikaina egiten ari dela, hau agerian dago eta ezin da ukatu, nik beti adierazi dut Aizarnak elkartea ezinbestekoa duela herriko beharrak lantzeko.

Aizarnakoa izanik beti Aizarnaren alde egiten saiatzen naiz eta usten dut hau ere agerian dagoela. Batzuek lan gehiago egingo dute, beste batzuek gutxiago, baina denari maila berdina ez dago eskatzerik.

Egia da beti nahiko kritiko azaltzen naizela idatzietan, baina beti ezin da dena goraipatzen jardun eta nire ustez kritika ere ezin da baztertu, osagarria baldin bada behintzat.

Bai zuk eta bai nik Aizarna odolean daramagu eta biak ere ahaleginak egiten ari garela usten dut herri txiki hau aurrera ateratzeko.

Onartzen dut kritika hau egitea, gauzak adierazi eta hitz eginda bideratzen dira eta ez gaizki esanean.

Agur bat.

Lurdes Elortza (2013/10/03 - 15:35)

Gaur irakurri det aizarnako festaren"kronika" dambolinen eta egia esan nahiko "kritiko"iruditu zait.Ez da edadea izango? Urtean zehar 360 egun ditut bazkaria prestatzeko eta badira lo asko egin gabeko gauak..Aizarnan bizi geranak, urte osoan, zarata azko entzun Gabe egoten gera eta orduan hiru egun horrelakoak ez digu afektatzen, alderantziz alaitasuna sortzen digute. Badakit aurreko urtean geiegia izan zela eta aurten gazteak zaiatu dira hori zuzentzen. Elkartea Elbideratu dela eta presoen kartelak ikuzi dituzula, hori ere nahiko komparaketa exkaxa ez alda? Gaur egun ez dago lekurik pankartarik gabe euskal herrian guztatu ala ez, bakarrik herri txiki baten dena begirada batez ikusten dela,seguru Donostian ez gara hainbezte oartuko ba bezte gauza azko daude ikusteko. Nik Aizarnagatik itzeingo banu ezango dizut zerrek pozten nauen.Elkartea haurrera,eskolan dauden aktibidadeak:inglesa,panderoa, soñua, gimnasia eta abar. Orain denok bolkatuta Benantxion oroimenarekin urriaren 12 an.Orrelako gauzak esaten dute herria martxan dagoela nahiz jende gutxi egon, ez dedila bi eguneko zaratak iñor atzeratu. Aprobetxatuko dut esateko denok konbidatuak zaudetelea egun horretan.20 arkume erreko dira,txorixo egozia eta gazta izango da pikatzeko eta guk herritarrak guztora egingo dugu lana berak merezi izan zuelako. Ondo izan denok.

Jon Egiguren (2013/09/16 - 22:05)

Altzolaras burdindegiak eta Aizarnako beste baserri askoren jabea zen Conde de Villafuertes. Hauen ardura eta kargua zuen Ramon Berasategik berari bidali zioen karta bat da hemen azaltzen dudana.. Argitaratuta dituen artxiboetatik kopiatu dut.

Jon Egiguren

==================================================

Altzolaras 28 de Febrero de 1856.

Sr.d.Ramon de Zabala y Salazar.

Mi Dueño y Sr. no se si V. tendra noticia de que en Aizarna, y contigua a la Casa de Venecia hay una pequeña havitacion, reducida a un Cuartito y cocina, destinada por sus antecesores a albergar en ella alguna huerfana infeliz destituida de amparo.

Ultimamente ha sido habitada por Josefa Beriztain, que fino creo a principios del mes actua; y la portadora es una hermana suya, que durante los ultimos años ha vivido en compañia de aquella asistiendola en sus dolencias etc. y como tambien es soltera y no tiene donde refugiarse, me tomo la libertad de suplicarle a V. tenga a bien concederle dicha havitacion, y facultad para en caso necesario, elegir la compañia que fuere de su confianza, cuando lo creyere oportuno.

Estos dias estoy señalando los montes para carbon y leña para cocinar, cuyo resultado mandare a V. tan luego como concluya dicha operacion .

Paselo V. bien y mande las ordenes de su agrado a este su atento S.S.Q.B.S.M.

(Fimado) Ramon de Berastegui.

Aizarna Herri Elkartea (2013/08/07 - 09:03)

Kaixo guztioi,

Ostiral honetan, abuztuak 9, Juanjo Elordi eta Asisko Urmenetak zuzendutako Gartxot filma eskainiko dugu Aizarnan. 22:00etan hasiko da emanaldia, Aizarnako plazan.

Eskertuko genizueke zuen hedabideetan ekimenari tokitxo bat egitea, eta bide batez, zeuek ere gonbidatuta zaudete!

Ondo izan eta eskerrik asko!

Aizarna Herri Elkartea.

Jon Egiguren (2013/07/11 - 22:00)

Lixiba tokia berriztatu eta informatzeko kartel bat jarri dute bere horman. Eraikuntza honen nondik norakoak azaltzen dira bertan eta esan behar asko gustatu zaidala. Nire ustez lehenengoa Aizarnan.

Kartel honen bidez, lixiba tokia eta bertan kokatzen den iturriaren historia ezagutzeko aukera du ikusleak. Honelako kartel informatzaileak asko laguntzen dute leku edo eraikuntzak ezagutzen.

Kartelak esaten duenez lixiba egitera mendi puntara joatetik, kale ondoan egitera pasa ziren. Aurrerapen galanta Aizarnako etxekoandreentzat. .

Jon Egiguren

....................................................................................................

Aizarnako plaza XVIII. mendearen erdialdetik aurrera eratzen joan zen eta bertako biztanleak iturri eta garbilekua eskatzen hasi ziren. Urrunago dagoen Arriturriko garbilekua alde batera utzi eta Potzueta baserrirtik gertu eraiki zuten iturri berrirako hartzen hasi ziren.Hasieran, Elurrondo deituriko iturria baino ez zuten egin,1752an Ignacio de Iberoren gidaritzapean. Hala ere, iturri horrek ur emari txikia zuen eta Franzisco de Iberori ( aurrekoaren semea eta probintziako arkitektoa) berritzeko eskatu zioten1792an. Berrikuntzari esker ur emaria gehitu zuten eta garbilekua egin, gaur egun ezagutzen dugun bezala.

Que la alberca nueva en la ondonada de dicha caseria de Potzueta conbiene que sea de catorze pies(3,92m) en cuadro de caja para el deposito del agua para lavar la ropa, toda de piedra labrada con macizos finos necesarios de cal y canto...lo que conviene a la canteria, pero la cubierta devera ser de maderamen, y teja de diverso y este (el tejado) ... ha de tener hueco medio...para la introduccion de la luz del lavadero; En la parte exterior de la alberca, en sus tres lados, ha de tener transito de cuatro pies de ancho para el acomodo de las lavanderas, para sacudir la ropa en el petril de piedra lavrada..."

En esta explicada tierra de Aizarna, a cosa de trescientos pies de distancia, solo se encuentra una fuente de muy poco caudal...se sirve dicho pueblo de escozia...se surte dicho pueblo solo para el beberaje y las cocinas, y para lavar la ropa tienen que andar cerca de cuatro mil pies ( 1.120 metros) a una alberca antiguas llamada Arri-iturri que existe en un monte elevado por un camino costanero de mucho trabajo sufriendo inclemencias de aguas llovedizas, nieves y heladas en el invierno y calores en verano..."

Jon Egiguren (2013/06/25 - 21:57)

Aizarnan sendabelarren tailerrak antolatuko dituzte Sara eta Enrikek. Uztaila garai polita honelako tailerrak antolatzeko. Izena hemateko hemen helbide elektronikoa. Enrike Sorzabalbere, esorza@conet.es

Kaixo denei,Urtero bezela Sendabelarren tailerrak antolatzen dugu Aizarnan. Tailer bizigarria izango da, inguruko sendabelarren ezagutzeko, produktuak zortzeko eta landaren magia sentitzeko ere.Uztailako 6an edo 20an izango da, goizez eta arratsaldez, goizeko 10:00tan hasi eta 19:00tan bukatu.... zeozer prestatuko dugu bazkaltzeko eguerdi aldera.Aportazioa 50€ izango da.

Sara eta Enrike

----------------------------

Hola a tod@s,Como todos los años por estas fechas organizamos el taller de plantas medicinales. Un taller vivencial de identificación de las plantas medicinales del entorno de Aizarna, elaboración de producto en el caserio y también de la magia de las plantas.Este año será el día 6 de Julio o el 20 de Julio, de 10:00 de la mañana a 7 de la tarde, con comida incluida. La aportación al taller será de 50€.

Sara y Enrike

lurdes elortza (2013/06/04 - 21:02)

beti bezela Jon, eta ez nuen gutxiago ezpero,artikulo txukun, alaia eta polita egin dezu pazko jaietakoa eta gure herri txiki honetakoa. Ezkerrak emanten dizkitzut ba gauza asko ez nituen ondo ikuzi eta hemen gozatu dut,zure argazkiari esker. Aizarna bizirik dagoela erakuzten digu horrelako ekintzak, jende gaztea badegula eta oiek oso beharrezkoak dira herri bat ozatzeko. egun polita izan genuen,eta ea aurerantz ere animatzen diren ospakizun berriak antolatzen Eskerrikasko antolatzaile guztioi

Jon Egiguren (2013/05/30 - 18:35)

Garai bateko Pazko jaiak berreskuratu dira Aizarnan eta ez nolanahi gainera! Aurtengoa bigarrena dugu eta, lehengoa bezala, egun dotorea zegoen antolatuta jaizale denarentzat.

Herri Elkartekoek antolatzen duten egun honetan, auzo lanean berriztatu duten lixiba tokia ere inauguratu zen, garai bateko lixiba nola egiten zen irudikatuz. Polita benetan ikuskizuna.

Artisau azoka postu askorekin zegoen. Salerosketak nola joan ziren berririk ez dut baina, garai zailak direnez, konformatu egin behar gutxirekin ere. Ez dakit etekinik ateratzen duten egun honetan, baina begira egoten garenak bai. Gozatu eta ikasi ere egiten dugu, ez ikusi bakarrik.

Hauez gain, kintopeko mailan Jagoba Otaegi Aizarnarrak marka ipini zuen 152 kiloko harriarekin. Marka harria jasotzearekin bakarrik ere lortzen zuen, baina zilindrikoa lau aldiz jaso zuen eta errektangularra bi bider. Marka bikaina! Hautsi nahi duenak hor du aukera.

Hemen aipatu ditudan ekintzak eta aipatu ez ditudan pasarteak ikusteko aukera jarri dut artikuluen atalean nahi duenak ikusi.

Aizarnako Herri Elkartea (2013/05/15 - 23:17)

Aurten ere Pazkoak ospatuko ditugu Aizarnan eta dagoeneko jaia ate joka daukagu. Maiatzaren 25ean izango da eta egun osoko egitaraua prestatu dute aurten ere Aizarna Herri Elkartekoek. 11:00etan abiatuko dira ekitaldiak, eta ordu horretan irekiko da inguruetako artisau eta eskulanen erakustazoka. Aurten ere era askotako produktuak ikusi eta erosi ahalko dira: elikagaiak, bitxiak, landutako egurra, ukenduak eta sendabelarrak, pastelak, apaingarriak, jostailuak… Eguerdian taloa jateko aukera ere egongo da aurreko urtean bezala.

Gero, 13:00etan erakustaldia egingo da Beheko Iturrin. Azken asteotan auzolanean Beheko Iturri izeneko garbitokia txukundu eta eraberritzen aritu dira aizarnarrak eta pazkoen baitan erakustaldia egingo dute, garai batean emakumeek garbitokian egiten zuten lana ikusteko.

14:30ean, berriz, goizean zehar erretako txekorra dastatzeko aukera izango dute bertaratzen direnek.

Arratsaldean ikuskizun aparta izango da 18:00etan hasita. Joseba Otaegi Aizarnako harri jasotzaile gaztea marka berria egiten ahaleginduko da. Ondoren herri kirolak izango dira eta jaialdi polita ikusteko aukera egongo da.

Txekorra jateko txartelak egunean bertan jarriko dira saltzen 6 eurotan eta txartela erosten duenari edalontzia emango zaio (txotxa egongo da plazan).

Guztiok zaudete gonbidatuta eta ez ahaztu baserritarrez janztea!

Jon Egiguren (2013/05/12 - 20:44)

Aizarnan jaio eta bertakoa sentitzen zen Benantxio Irureta, nahiz eta azken urteetan Azpeitian bizi.

Aizarnan, gizon honen gain mintzatzerakoan iritzi bakarra entzuten da, apala, mendizale porrokatua eta atsegina zela.

Ez dira egun asko berarekin hitz egin nuela Azpeitian, beti bezala aurpegi alaiarekin ari zen lanean,Mendirako adin kontuak aipatu genituen eta gazte sentitzen zen oraindik mendi gailurretara igotzeko.

Libre zituen egunak mendian igarotzen zituen, mendia zuen maite, eta mendiko istripu baten ondorioz hil da.

Bere jaiotetxe atzean baratza txiki polit bat lantzen zuen eta askotan egoten nintzen berari begira, nahiz eta gehiago ikusterik ez izan, irudi hau betiko gordeko dut buruan.

Bakean atseden dezala.

Jon Egiguren (2013/03/13 - 18:24)

Argia egunkaria digitalean irakurri dut behean azaltzen dudan artikulu berezi eta polit hau.

Bertan Jakoba Errekondok idatzi duena irakurri eta esan beharra daukat laharrari buruz aipatzen dituen historia hauek ez nituela entzun oraindik.

Laharraren historia gehi zientziaren bidetik lortutako aurrerapenak aipatzen ditu.. Ea gustuko duzuen.

Jon Egiguren

=======================================================

Argia egunkari digitaletik kopiatuta.

JAKOBA ERREKONDO

Txist eta krak

Hego Amerikatik dator berria: hemen dugu, bada, arantzarik gabeko laharra (Rubus fruticosus). Ekuadorreko nekazaritza ikerketarako INIAP institutuak arantzarik sortzen ez duen laharra aurkeztu berri du, Andimora 2013 izena duen aldaera.

Laharra gogora ekartzen dudanero Aiako Etxeta baserriko seme Inaxioz oroitzen naiz. Hark irakatsi zidan ezagutzen dudan laharraren istorio politena. Lehen ere noizbait txoko honetara ekarria dudala uste dut: “Nor edo norekin ezkondu egin nahi zuen laharrak, baina beste landareek utzi ez ziotenez hark betirako ohoregabetuko zuen mehatxua bota zuen: aldamenean dudan guztiari helduko diot”. Eta landare guztiek egiten duten bezala, erabakitako mehatxua bete. Horretarako paregabeko diseinuzko arantza sortu zuen. Beste landareei heldu eta gaina hartzeko arma, tamaina egokiko makurdura duena, ia edozein larruazal txist zulatu eta sartu ondoren askatzeko asmotan mugitzen den azal horretan krask hautsi eta sartuta geldituko dena. Eskarda txatxuenaren antzera, azaletik atera ezean, gerora min zorrotza sortu, baita zornea eta pasmoa ere eta deskuidatuz gero tetanos gaitz beldurgarriaren amesgaiztoa biziaraziko duena.

Mehatxua burutzeko arantzak, bai, landare maltzurren koadrilako bihurtu du jendearentzat, lahardiari sasi deitzeraino. Ez baitiogu sekula barkatuko. Arantzarekin batera gure ekosistemako fruiturik estimatuenetako bat sortu zuen, masusta. Eskuetako azala lahar-arantzaz zulatu gabea nork du? Masustetan inoiz ibili gabeak. Uda amaieran sasitzaren batean laharrari kendu ahala masusta jan ez duenak zer bizi ikaragarri du oraindik. Ikaragarri!

Ongi heldutako masusta heldu-berriak sasidian bertan jateari arantzadiak eransten dion beldur-punttu hori kenduta masusta bixiena ere makala irudituko zaigu... Arantzarik sortu beharrik gabe, horretarako energia fruituak haztera bideratzen du, Ekuadorren sortua duten aldaera berri horrek: hektareako 20-24 tona masusta emateko gai omen da. Horiek ere makal askoak izango dira. Otzandu dute laharra.

============================================================

Jon Egiguren (2013/01/31 - 22:52)

Lehen ere banekien Karlistak errepublikaren aurka altxa zirela Espainiako guda zibilean, ez nekiena da Karlistek 1932 urtean armak erosten hasita zeudela, herriak aukeratu zuen goberno errepublikarra boteretik kentzeko. Hau berria da niretzako.

Gehiago oraindik, Musolinik ematen omen zuen dirua arma hauek erosteko. eta gero Nafarroan eta Portugalen ezkutatzen omen zituzten. Horrek esan nahi du urte batzuk lehenago ere hasita zeudela gudarako prestatzen diktadoreak.

Jose Angel sanchez Asiainek egin duen ikerketa batean irakurri ditut data hauek eta zerbait gehiago ere irakur liteke ikerketa honetan. Beraz irakurri Asiainek egin duen ikerketa honetatik jaso ditudan lerro hauek, merezi du eta.

Jon Egiguren

======================================================

Daniel Udalaitzek, Argia aldizkarian argitaratu zuen lanetik kopiatuta dago.

Armak, karlisten etengabeko kezka Karlisten ekarpena ?Nafarroa izan zen haien zutabeetako bat? ezinbestekoa izan zen altxamendu kolpezalea garatu ahal izateko. Sanchez Asiainek dioenez, karlisten kezka nagusietakoa armak nola eskuratu izan zen; haiek erosi, eta Euskal Herriko gordetegi ezkutuetara eramaten zituzten, edo bestela, Portugalera garraiatzen zituzten. 1936ko ekainean, karlistek gerrako material asko erosi zuten atzerrian, Mussolinik utzitako diruarekin. Javier de Borbon eta Fal Conde izan ziren horren arduradun. Zugarramurdiko, Bertizko eta Aezkoako mendiak eta Pasaia izan ziren armak garraiatzeko igarobide nagusiak, eta gero, Berbintzanara, Corellara eta Cascantera eramaten zituzten. Armak eskuratzeaz gain, fabrikatu ere egin zituzten karlistek. Besteren artean, esku bonbak egin zituzten Caparrosoko eta Mañeruko lantegi txikietan. Eta Traibuenasen, arma gordetegi handi bat sortu zuten. Arriluce de Ybarrako markesa, diru biltzaile Asiainek egindako ikerketaren arabera, 1932ko irailaren amaierarako, hasiak ziren baliabide ekonomikoak biltzen, errepublikaren kontra borrokatzeko

Jose Angel Sanchez Asiain bankari ohiak erakutsi du hori La financiación de la guerra civil española izeneko lanean. Daniel Udalaitz. Karlistek gerra aurreko urteetan armak inportatu zituzten ezkutuan Nafarroara eta gordelekuetan bildu zituzten. Nazioartean armak erosteko dirua Mussoliniren Italiako Gobernuak utzi zien. Karlistek gerra aurreko urteetan armak inportatu zituzten ezkutuan Nafarroara eta gordelekuetan bildu zituzten. Nazioartean armak erosteko dirua Mussoliniren Italiako Gobernuak utzi zien. Francoren 1936ko altxamendu militar kolpezaleari erreferentzia eginez, honela dio egileak: ?Nafarroaren, Marchen eta Portugalen finantzaketarik gabe, altxamendua ez zen aurrera aterako; aste gutxitan desegina izango zen?.. Bereziki azpimarratzen du hurbilketa historiko bat dela, jakitun baita galdera gehiegi daudela, fenomeno beraren ikuspegi eta egoera gehiegi... Baina, bere ustez, ekarpen eta informazio berriak inoiz ez daude sobera historian, ?zer gertatu zen? argitzeko. Horregatik, bankari ohiarentzat, ez dira behin betikoak gerra zibilaren finantzaketari buruz egin dituen azterketen emaitzak, eta horrenbestez, informazioa duen jendeari informazio hori jakinarazi diezaion eskatzen du, bere lana amaitu ahal izateko. Espainiako Bankuko lehen eskuko agiriak Sanchez Asiainek ematen duen informazioak oso iturri fidagarriak ditu. Orain dela mende erdi hasi zen garai hartako Banco de Bilbaon, Ikasketa Zerbitzuko arduradun. Bere zuzendariak, gerra zibilean Espainiako Bankuko aholkulari izandakoak, zenbait agiri utzi zizkion. Agiri haietan ikusi ahal izan duenez, ekonomiaren normaltasuna eten egin zen 1936 eta 1939 bitartean: bi pezeta, bi Espainiako Banku, bi inflazio prozesu eta gizartea ulertzeko bi modu, guztiz kontrajarriak.

=============================================================

Arantxa Bastida (2013/01/09 - 22:09)

Sarean irakurri dut idatzi hau eta hemen azaldu gabe ezin dut pasatzen utzi.

Egoki idatzita dago eta zer pentsatua ematen du.

Gazte denak irakurri beharrekoa dela esango nuke.

Hau irakurtzean bihotzak asko biguntzen dira.

Irakurri ez zara damutuko eta.

Arantxa Bastida

===========================================================

Carta de una madre a su hija:

Mi querida hija, el día que me veas vieja, te pido... por favor que tengas paciencia, pero sobre todo trata de entenderme. Si cuando hablamos, repito lo mismo mil veces, no me interrumpas para decirme “eso ya me lo contaste” solamente escúchame por favor. Y recordar los tiempos en que eras niña y yo te leía la misma historia, noche tras noche hasta que te quedabas dormida. Cuando no me quiera bañar, no me regañes y por favor no trates de avergonzarme, solamente recuerda las veces que yo tuve que perseguirte con miles de excusas para que te bañaras cuando eras niña. Cuando veas mi ignorancia ante la nueva tecnología, dame el tiempo necesario para aprender, y por favor no hagas esos ojos ni esas caras de desesperada. Recuerda mi querida, que yo te enseñé a hacer muchas cosas como comer apropiadamente, vestirte y peinarte por ti misma y como confrontar y lidiar con la vida. El día que notes que me estoy volviendo vieja, por favor, ten paciencia conmigo y sobre todo trata de entenderme. Si ocasionalmente pierdo la memoria o el hilo de la conversación, dame el tiempo necesario para recordar y si no puedo, no te pongas nerviosa, impaciente o arrogante. Solamente ten presente en tu corazón que lo más importante para mí es estar contigo y que me escuches. Y cuando mis cansadas y viejas piernas, no me dejen caminar como antes, dame tu mano, de la misma manera que yo te las ofrecí cuando diste tus primero pasos. Cuando estos días vengan, no te debes sentir triste o incompetente de verme así, sólo te pido que estés conmigo, que trates de entenderme y ayudarme mientras llego al final de mi vida con amor. Y con gran cariño por el regalo de tiempo y vida, que tuvimos la dicha de compartir juntas, te lo agradeceré. Con una enorme sonrisa y con el inmenso amor que siempre te he tenido, sólo quiero decirte que te amo, mi querida hija ♥.♥

================================================================

Jon Egiguren (2012/12/17 - 12:56)

Munduaren amaiera noiz?.

Mayan kultura oso aspaldikoa dugu eta garai haietarako aurreratua gainera. Egutegiak oso ondo neurtuta egin omen zituzten, gaur egungo neurketarekin paretsuak omen ziren.

Munduaren azkena ere iragarri zuten - 21-12-2012- ean. Aurreratuak izango ziren baina nik ez dut beldurrik eguna iristeko, seguru nago ez dutela asmatuko eta.

Kultura horren jarraitzaileak badira oraindik Mexikon eta orain esaten dute ez zutela munduaren amaira iragarri, baizik eta beraien egutegiak data honetan amaitu bakarrik.

Ez dakit zein den egia, baina lasai egon, oraindik ez dago kultura edo zientziarik hau noiz amaituko den asmatuko duenik eta. Hurrengoa ere hasiko da bizi denarentzat eta ondo igarotzea ospa dizuet gainera irakurle guztioi.

Jon Egiguren

========================================================

Jon Egiguren (2012/10/31 - 21:34)

Ramon Etxezarretaren idatziak, Diario Vasco egunkariko azken orrian irakur litezke ostiraletan. Lerro gutxietan bere esanahia guztia barneratzea zaila ere egiten zait batzuetan, baina oraingoa oso erraza egin zait eta polita iruditu zait gainera.

Ez dakit benetako gertakizuna den ala ez , baina irakurri ondoren, zer pentsatua ematen du behintzat.

Jon Egiguren

=============================================

Okerrera eta txarrera emanez gero ez dago naturan gizakia baino gaiztoagorik. Egoskorrean aritzen gara marka hautsi eta marka hautsi noiz txarrago, noiz gaiztoago, erremediorik gabeko gaizto berezkoak garela uste izateraino. Baina gauzak gertatu eta konturatu egiten gara, aukera eman orduko, eta edozein zirrikitutatik erakusten dugu pertsona garela.

Aipatuko ez ditudan aste honetako bi gertakizun dauzkat gogoan, eta hemen hauetan ere zibilizatu izaten badakigula etorri zait burura, eta horrekin batera Txirritak Diostegiri bota omen zizkion bertsoak.

Bergarako besarkadaren ondoren karlisten armagabetzean Diostegik fusila nahiago izan zuen haren truke ematen zioten duro zilarra baino eta fusil eta guzti ekin zion etxerako bideari. Artzain bati eskatu zion etxerako bidean laguntzeko. Honek ezetz esan zion eta fusilarekin apuntatuz derrigortu zuen bidea erakustera. Lepatxikira iritxi eta Fagollagarako bidea ikusi zuenean artzaina hil egin zuen.

Ez zuen inoiz heriotza horren zigorrik jaso zahartzaroan Txirritaren bertso hauek entzun ez zituen arte: Laurogei urte pasatu ditu dirudiela etsaia, // orain bi hankak arrastaka eta burua soiltzen hasia, // gizagaixoak badu beregan makina bat desgrazia,// ez dago garai batean bezain harroa eta lasaia,// beste munduan ikusiko du hemen hil zuen artzaia.

Kulparik gabe bota zenion fusileko kargazoia, // gizon gaixoak haserretzea, ez al zuen arrazoia?, // deabru zaharrak aditzen dute zure arimaren usaia, // heriotzaren etor beldurrak estutzen du lasaia, // zu baino gizon formalago zen zuk hil zenuen artzaia.

Ramon Etxezarreta.

Diari Vasco egunkariak argitaratua.

Jon Egiguren (2012/09/07 - 19:55)

Jon Artanok egin duen bidaiaren kronika gustura jarraitu dut. Neri beti gustatu zaizkit honelako bidaiak, baina neuk ez dut balentriarik horretarako.

Mutil honek bai, gauzak bere tokian dituela ematen du, gainera lasai ibili da bakar-bakarrik hor zehar eta idazteko duen era egoki horrek zeu bidaiatzen jartzen zaitu berarekin.

Gomendatzen dut honek egin duen bidaiari begirada bat egitea.

Europan zehar egin duen bidaia luze hau. Zestoak duen web orrian ikus liteke, bakarbistan izenburu duela.

Jon Egiguren (2012/08/08 - 19:53)

Aurtengo jaien egitaraua irakurri eta San Ferminak dirudite, benetan ausarta da egitaraua, jai luzeak antolatu dituzte aurten ere,baina eskarmentu handiko gazteak ibili dira antolatzen eta maila egokia izango dutelakoan nago.

Aizarnara jaietan hurbiltzen dena seguru gustura itzuliko dela etxera.

Egin begirada bat egitarau honi.

Abuztuak 14:
8:00 Oilasko biltzaileen irteera plazatik.
12:00 Txupinazoa sardinada eta txotxarekin alaiturik.
14:30 Oilasko biltzaileen aurreskua plazan. ... Jarraian oilasko biltzaileen bazkaria. Arratsaldean oilasko biltzaileak ibiliko dira kalean zehar.
23:00 Izer eta Alabier. Jarraian pajarito.

Abuztuak 15, Amabirjin eguna.
11:00 Meza nagusia. Jarraian pilota partiduak.
18:00 Herri kirolak Jarraian triki poteoa.
21:00 Gazte afaria.(txartelak konpittokon)
23.00 Obaneuke.

Abuztuak 16, Gazteen eguna.
12:00 Kuadrilen arteko paella lehiaketa.
14:00 Paellada.(izena emateko konpittoko, anbu eta puertokon dauden paperetan apuntatu behar da)
18:00 Asto proba Jarraian trikipoteoa
23:00 Kupela

Abuztuak 17 Umeen eguna.
11:00 Puzgarriak herriko plazan.
13:30 Umeen bazkaria. Arratsaldean ume jolasak eta jarraian txokolatada.
21:00 Herri afaria.(txartelak konpittoko, anbu edo puertokon salgai)
23:00 Ai Ene taldea. Jarraian pajarito.

Abuztuak 19:
11:00 Meza nagusia. Jarraian jubilatuen hamaiketakoa.

Aizarnako Herri Elkartea (2012/07/17 - 22:54)

Kaixo guztioi,

Ostiral honetan, uztailak 20, Jon Maiak zuzendutako Gazta Zati bat dokumentala eskainiko dugu Aizarnan. 21:30ean hasiko da emanaldia, Aizarnako plazan.

Dokumentalaren inguruko informazioa hemen aurkitu dezakezue: http://www.gaztazatibat.eu/berriak

Guztiok zaudete gonbidatuta!

Aizarna Herri Elkartea.

Jon Egiguren (2012/07/11 - 10:50)

Bisita egin ala jaso izenburu duela, Ramon Etxezarretak artikulu iritzi bat argitaratu du Argia egunkarian, Eguzkitzak Euskal telebistan, Jesus Egigureni egindako bisitaren iritziak jasotzen ditu bertan.

Oso egoki sakonduta dago idatzia eta irakurketa esanguratsua egiten duela esango nuke, iritzi arrunta bat baino gehiago da, beraz lasai irakurtzea gomendatzen dut esan nahi duena ondo ulertzeko, gero bakoitzak atera dezala bere ondorioa.

Jon Egiguren

==========================================================

Bisita egin ala jaso

Ramon Etxezarreta

Idazlea

Bada kontu bat kezkatu ohi nauena, edo ohar bezala adierazi behar izaten dudana behintzat. Uste dut ontasuna eta onkeria bereizteko zailtasunak ditugula gure artean, eta gu esatean ezagutzen dudan munduaren zabalera osoaz ari naiz. Onkeria ontasun bihurtzen dugu eta hau gure sentipen eta adimenetik desagertu egiten da zuzena eta egokiaren kaltetan.

Asko gertatzen zait, zinean adibidez. Filmaren gaia Espainiako gerrate zibilarekin zerikusia duena denean, kasu, galdetu egiten diot neure buruari zergatik publikoa ateratzen garen errepublikazaletasun hunkibera ahobatezkoarekin, negar eta guzti eginda, eta hain kontzientzia kontsolatuarekin. Une horrek guztiok egiten gaitu on, zintzo eta zuzen; politikoki zuzena denarekin identifikatzen dugu geure burua, errepublikazaletasuna, demokratikotasuna eta justizia odolekoak bagenitu bezala, belaunez belaun, geure arbasorik urrutikoenetik hasita. Ez naiz ni jendeari zine ikustea edo literatura irakurtzea tortura gisara gomendatuko diona, baina kosta egiten zait errealitate bortitz eta ankerra modurik gordinenean azalduta ikusi eta gero kontzientzia lasai eta kontsolatuz amaitzea.

Molestatu eta guzti egiten nau guztiok hain on izateak eta ontasun horren iraupenak historia osoa zeharkatzen duela pentsatzeak. Gehiago molestatu behar ligukete ondo kontatutako historiek, ondoezaren hurbileko zerbait eragin, zalantza izpi bat. Agian horregatik du literaturak ikus-entzunezkoen ondoan hain errotze urria. Irakurtzeak pentsatzeko beta eman eta eskatzen duelako, eta pentsatzeak kontraesanetan murgiltzekoa. Murgilean bizitzea, jakina, arnasa zaileko eginkizuna da.

Gerrate zibila esaten den lekuan, euskara esaten bada, euskal kultura, beti ere ortodoxia abertzale adiskidetsuz aparreztatua bada, unanimitateak ez du pitzatu arrastorik izaten. Berdin da komedia irrigarri bat, dokumental musikatu bat edo ikus-entzunezko etnokulturala, jendeak berpiztu eta kritikak lokartzen ditu goraipua ez denarentzako lekuak deuseztatuz. Harrigarri egiten zait ahobatasuna inorentzat susmagarri ez izatea edo zalantzarik ez eragitea, harrigarria bezain kaltegarria dela ere esango nuke.

Horrelako bat bizi izan dut Jesus Egigurenek ETBko /Bisitaria/ programan egindako agerpenarekin. Ez dut telebista behatzen eta gutxiago gai hau edo antzekoei buruzko zerbait erakusten digunean. Urduri jartzen naiz, ondoezik, desoseguz, haserre ez denean. Esan dezadan, halaber, inoizkoan ikusten jarriz gero ez naizela ordutan sofatik altxatzen eta ez dudala begirik pantailatik kentzen. Jexuxena ez ikustea erabakia neukan, ez nuen gaizki pasatu nahi, ez nuen tristatuko ninduen oroimenik berritu nahi, ez nuen lehen kontatu dudan zine irteerako zentzazio ahobatezkorik inorekin konpartitu nahi.

Ez nahi baina, telebista aurrean zeuden etxekoei bolumen altuxeagoa eskatuz eta pantaila aurrean eseriz bukatu nuen gaua. Esan dezadan Jexuxek esandakoekin bat etorri nintzela bai eta kontraesanetan ere. Ni ere limurtzen nau euskal lurralde guztiak Euskal Herri batean erakundetzeak, espainiarrekin eta frantziarrekin konpartitzeko konstituzioak, europar izateak, Sabinok eta jarraitzaileek proposatu ez duten nazioak. Eskubide historikoez baliatzeko ere prest nago, alde guztietakoek hala ituntzen badugu, nahiz eta denboran denborako herritarren borondatean fede gehiago izan.

Tristuraz ikusi nuen programa. Han iragan sufritu bat zegoen, iragan errebelatua bezain isildu eta berariaz ignoratua, izateari uzteko arriskuan urte luzez egondako iragana, sinesgarritasuna bortizki lapurtua zioten denbora joanen hondakin larria. Sinesgarri izateko indigenizatu egin behar zuen iragan hark, baserritartu bertakotzeko, aizarnarrez hitz egin euskaraz egiteko, mendira igo gutartzeko, San Inazioren gerizpean nafartu oraindik ere, oraindik ere bagarela, bagarela izaki adina egoskor, badugula, esateko.

Larrera bota duten zezen indultatuaren irudia zen hura, mendian etxeko. Tamalgarri samarra egin zitzaidan ikuskizuna alde horretatik. Abertzale ugari asko poztu ohi dira kontrarioei, beraien antz edo tankerako, ez abertzale batek harremana eta bizikidetza errazten dizkienean eta joera dute, solemnitatez edo gabe, ez abertzale hori beren komunitateko kide bat gehiago dela ozenki aldarrikatzeko eta ospatzeko, kontrako merezimendurik egiten ez duen arte behintzat.

Programaren biharamuna eta ondorenak hala izan ziren, aipatutako zine ikustetik kaleratzea bezala. Egiguren itzuli zitzaien etxera, etxekoen estiloan bizitzera. Irabaziak zituen gizonak ordura arte ukatutako erruki eta elkartasun eskubideak. Hala komentatzen zidaten modurik nobleenez, "urtetan isilpean jardunez zer pasa ote ditu gizon horrek? Horrek bai meritua", "nahi izan balute, aurretik kasu egin baliote, ez zegoan bada zaila" eta antzera. Orain guztiok gara zintzo, on, jator, ia-ia gutar oso, baina araua zein den seguru ezagutu gabe. Zalantza daukat bisitariak bisita egin beharrean bisitaria bisitatua izan ez ote zen, hori dela exijentzia. Ez naiz Euzkitzez ari.

Egigureni ezingo dio inork kendu elkarrizketaren abiatzaile eta bultzatzaile nagusia izatearen balio gorena, ez dakit inoiz behar bezala eskertuko diogun. Baina gorenagoa da oraindik, gorenagorik bada, prozesu honetan solaskide izan dituenei urtetan aurre egiteko jarrera, frente ematekoa, haien kontrako jarrerei eustekoa. Ezinbestekoa zen gaudenera iristeko. Guztiak eskertzen dizkiot.

2012/07/08 Argia egunkarian argitaratua

Jon Egiguren (2012/06/06 - 12:56)

Zestoako gehiengo batek zezenketak jarraitzearen alde bozkatu du. Galdeketa egitea beti da egokia, batzuetan eztabaidak uxatu egiten dituelako, beste batzuetan ez hainbeste. Boto baten aldearekin ezezkoa irten balitz, eztabaida baretuko ote zen?.

Lurdes Elortza (2012/05/28 - 10:14)

Egun borobila pazko jaia Aizarnan

Larunbaten ospatu zen pazko jaia Aizarnan eta egun zoragarria izan zen.Eguraldi ona,umore ona eta jende guztiaren parte hartzea paregabea izan zen. Atzo igandean bertako jendearen iritxia ala izan zen,oso ondo antolatua eta alde hortatik ezkerrak Auzo elkarteari.Uzte dut behar zuela gure herri txikiak fezta sano eta alai bat,eta beti bezela or egon giñen Aizarna maite dugun guztiok. Zorionak antolatzaile guztioi.

Lurdes Elortza (2012/05/22 - 12:07)

Urtero bezela aurten ere Erdoitara bueltatxo bat egin genuen eta bi hitz ezkerrak emateko bertan lan egiten duten guztiei. Horrelako oiturak gutxi daude eta jarraitzea da meritoa. Baita ere ezkerrak eliza dotoretu dutenari,ba paregabea zegoen,txukuna eta dena lorez betea.

Aizarna Herri Elkartea (2012/05/21 - 22:44)

Kaixo guztioi;

Azken urteotan galduta egon den usadioari jarraituz, Pazko Jaiak ospatuko ditugu aurten Aizarnan. Hala, bertako artisau eta eskulanen erakustazoka egingo da 11:00etatik 14:00etara. Aizarnarren eskutik, era askotako artisau lanak izango dira ekusgai eta salgai: elikagaiak, bitxiak, larruz eta buztinez egindako produktuak, taloak, apaingarriak, ukenduak eta sendabelarrak...

Horrekin batera, 12:00etan arpanlariek saioa egingo dute plazan bertan.

14:00etan, berriz, goizean zehar erretako txekorra dastatzeko aukera izango dute bertaratzen direnek,txotxaz lagunduta.

Arratsaldean aizkora apustua jokatuko da Aizarna eta Segoviaren artean.Ondoren Gotxarri harrijasotzailearen erakustaldia.

Egunean zehar trikitilariak arituko dira festa giroa alaitzen.

Guztiok zaudete gonbidatuta!

Aizarnako Herri Elkartea

Jon Egiguren (2012/04/24 - 23:10)

Gipuzkoako Batzar Nagusian onartu duten ekimena asko gustatzen zaidala esan beharra daukat.

Ekimen honetan eliza katoliko eta beste erlijioak dituzten ondasun eta irabaziak zenbatekoak diren jakiteko eskatu du PSE alderdiak eta eskaera onartua izan da batzarrean.

Konkordatu deitzen diogun akordioa dela eta zergak ordaintzerakoan pribilegio handiak ditu eliza katolikoak, baina gaur egun dugun Estatu laiko honetan badu zentzurik akordio honek?

Denok dakigu elizak gizarte honetan lan sozial asko egiten ari dela eta hau kontuan hartu beharreko gauza dela ere bai, baina honek ez du ematen inongo salbuespenik zergak ordaintzeko garaian.

Dituzten ondare eta irabazien arabera ordaindu dezatela beste erakunde guztiak bezala. Egin dezatela azterketa bat ondasun hauei buruz eta emaitzen arabera arautu dezala Batzarrak..

Jarraian agertzen da Batzar Nagusietan egin duten proposamena.

==============================================================- Parlamento guipuzcoano pionero en “poner claras las cuentas de la Iglesia ” han aprobado una propuesta de resolución, transaccionada por PSE, Aralar y Bildu a partir de una iniciativa del grupo socialista, a través de la cual instan a la Diputación guipuzcoana a elaborar un estudio detallado que informe del impacto económico en el territorio histórico de los beneficios y exenciones fiscales de las distintas confesiones religiosas, en particular de la Iglesia Católica.

La iniciativa ha contado con el voto en contra del PP y PNV, que han cuestionado la propuesta de hacer pagar impuestos a la Iglesia Católica como hacen el resto de guipuzcoanos y guipuzcoanas.

La Resolución aprobada por la Comisión de Haciena y Finanzas propone que el citado estudio tenga en cuenta todas las normas aplicables, incluidas la legislación presupuestaria y fiscal, e incluya, además, un análisis específico de los beneficios y exenciones correspondientes a la Iglesia Católica habida cuenta de la aplicación del Concordato con la Santa Sede de 1979.

La portavoz del PSE en el Parlamento guipuzcoano, Rafaela Romero, ha destacado que en España la media anual de contribución al mantenimiento de la Iglesia Católica, se sea o no creyente, “asciente a 200 euros por habitante”. Además, ha opinado que la Iglesia Católica vive “en un paraíso fiscal” y es “incalculable” el número de pisos alquilados a terceros y el “ingente” patrimonio por el cual no tributa.

En este sentido, ha reclamado la elaboración de un censo de inmuebles de la Iglesia Católica, así como de otras confesiones religiosas, de manera que se pueda conocer si pagan impuestos por ellos y se tengan en cuenta “la multitud de acuerdos que permiten las exenciones y beneficios fiscales”.

Jon Egiguren (2012/04/04 - 22:08)

Europatik arau berriak iritsi dira ekoizpen handia duten oilategientzat. Arau berriak diotenez gaur egun arrautza egiteko oiloek duten tokia handitzera behartzen ditu ekoizle guztiak.

Beste arau batek berriz, zoru osoan sarea izatea ez omen du onartzen eta zati bat gutxienez lisoa izatera behartzen omen du.

Sarearekin bakarrik egindako zoruan, oiloak ez du azkazalak gastatzeko aukerarik eta zati bat lisoa izateak berriz aztarka eginez gastatzeko aukera bermatzen omen du.

Arau gehiago ere badira Europak behartzen dituenak, baina garrantzi handiena bi hauei eman nien. Egia esan ez zait gaizki iruditzen, gaur egun oiloak granjan duen egoera nahiko tamalgarria da eta.

Arauak nahiko motz geratuko dira, oiloak bizitzeko behar duen duintasuna bermatzeko garaian, hala ere, ondorioa arrautza garestitzea izango da. Ea kalitatean zerbait antzematen diogun!.

Gaur egun ekoizpenari ematen diogu lehentasuna, nahiz eta kalitatea murriztu, Jon Egigurenbaina arau hauek arrautzen kalitatea hobetuaz gain, oiloen bizitzeko egoera hobetzen badute , ongi etorriak izan daitezela, nahiz eta Europak ezarri.

Jon Egiguren (2012/03/01 - 10:23)

Mezquita de Cordoba, deitzen diogun eraikuntza begira zenbat ordaindu duen elizak.

Compre la Mezquita de Córdoba por 30 euros

La Mezquita de Córdoba fue construida entre los años 780 y 785 por Abderramán I. Doce siglos después, el 2 de marzo de 2006, la Iglesia Católica inscribió el inmueble a su nombre en el registro de la propiedad número cuatro de Córdoba (tomo 2381, libro 155, folio 198). El trámite costó apenas 30 euros. Tal robo fue posible por dos milagros. El primero, que José María Aznar cambió la ley hipotecaria en 1998 para permitir a la Iglesia apropiarse de edificios de dominio público, aunque sean patrimonio de todos los españoles: basta con que el señor obispo dé fe y certifique que pertenecen a la Iglesia, sin necesidad de notario. El segundo milagro, que disponer de un edificio de 23.400 metros en pleno centro de Córdoba le sale gratis a la Iglesia: no paga el IBI y tampoco se ocupa de los gastos de conservación.

La entrada en la Mezquita de Córdoba cuesta 8 euros por persona; al año recibe más de un millón de visitantes. No te entregan factura y es dudoso que el dinero recaudado pague impuestos: se considera un donativo y, como tal, está exento de tributación. El obispado de Córdoba dispone de la Mezquita como su absoluta propiedad. También decide quién puede trabajar en ella como guía y quién no. No es raro que haya días en los que se cierre el acceso a los turistas porque hay, por ejemplo, una convención de sacerdotes en su interior. Sin embargo, los gastos de restauración y conservación no los paga la Iglesia: los cubre el Estado.

Desde 1998, la Iglesia ha inscrito a su nombre cientos de edificios, muchos de ellos financiados por los vecinos de cada pueblo o ciudad. Zapatero no cambió la ley en ocho años, Rubalcaba prometió reformarla en su programa electoral.

Es improbable que tal abuso lo vaya a eliminar el PP pero, con algo de suerte, tal vez la Unión Europea obligue al Gobierno a cobrar el IBI a la Iglesia, igual que ha hecho con Italia. No es poco dinero. Que la Iglesia esté exenta de pagar algunos impuestos, un privilegio medieval, nos cuesta 3.000 millones de euros al año, según Europa Laica. Es una décima parte del déficit que le falta por recortar a Rajoy.

Jon Egiguren (2012/01/31 - 22:16)

Espainian onartuta dagoenarekin kontrajarririk gabe, baina Euskal Herriak bere konstituzio propioa izatea proposatu du Jesus Egiguren politikari Aizarnarrak. Gehiago oraindik, independentziaren bidea irekita izatea ere proposatzen du. Adierazpen hauek Bilboko Forum Europa-Tribuna Euskadin eginiko agerraldian egin ditu.

Beti bezala zer esan handiak emango dituzten adierazpen dira hauek, baina nire iritziz bakean eta denon artean akordio honetara iristen bagara, orain arteko akordiorik aurrerakoiena lortuko dugulakoan nago. Hori bai!! Estatutuak lortu zuen gehiengoa gainditu beharko dugu hau lortzeko.

Jon Egiguren (2012/01/11 - 18:42)

Sartu garan urte honetan gehien entzuten dugun hitza murrizketa da, Rajoi jaunak arlo guztietan ezarriko duela esaten ari da, eta egia izango da seguru asko.

Baina bozketa haurretik zerga gehitzearen gain agindu zuen guztia, ez du bete, beraz gezurra esan digu, gehiago oraindik hau justifikatzeko Zapateron gobernuari bota dio errua.

Bozketa haurretik gauza bat agindu eta agintean jarri bezain azkar bestelakoa egin, nik honi biztanleari hiru zurra egitea esaten diot. hau egiten duenak zer sinesgarritasun du gizartean, gutxienez barkamena eskatzea izango litzake lehen egin beharrekoa.

Beste gai bat asko entzuten dena, jaien egutegiari buruzkoa da, oraindik ez dut uste erabakita dagoenik, baina zurrumurruak dionez hiru jai gutxienez astelehenera pasatzen omen dira eta hauetako bat Aizarnako Amabirjina eguna, egia bada jaiak aste bukaeran izango dira hemendik aurrera, eta nire iritziz hobe izango da gainera, jende gehiago hurbilduko da bertara aste erdiko jaietan baino.

Jon Egiguren Imaz (2011/10/21 - 22:27)

BAKEARI ONGI ETORRIA

Urriak 20. iritsi da azkenean irakurtzeko irrikatzen geunden agiria. Agiri honetan adierazpen garbia egiten du ETA erakundeak, behin betiko bortizkeria alde batera uzten duela.

Berandu bada ere iritsi zaigu urte askotako sufrimendua alde batera uzteko ordua eta elkar bizitza lasaiago bat lortzeko aukera ere bai.

Ideia ez berdinak, edozein naziotasun edo inongorik ez duenak ere errespetatu egin behar ditugu, aniztasun hauek dituen gizarteak balore andiagoak dituelako eta honelako gizartean elkar izketaren bidez lortutako emaitzak epe luzeagoa izaten duelako ere bai. . Euskal herriaren buru jabetzan aurrera egiteko ere, bakearen bidetik, aniztasuna errespetatuz eta elkar izketaren bidez lortzen den emaitzak, askoz bide luzeagoa izango duela iruditzen zait.

Jon Egiguren (2011/10/19 - 10:13)

Donostian ospatu den nazioarteko konferentzi honetan, bakea lortzeko ahaleginetan aritzen diren pertsonai famatuak ikusi ditugu eta hauen artean alderdi politiko eta erakunde ugari ere bai.

Bakea lortzeko egiten diren pauso guztiak onartzea beti da onuragarria, hemen adituak azaldu dituzten aholkuak ere asko lagunduko duela usten dut, helburu hau lortzen.Nahiz eta denen gustukoak ez izan.

Konferentzi honetan pertsonai hauek azaldu dutenez erakunde armatuak ez dira baliagarri bakea lortzeko, bortizkeria alde batera utzi eta erakunde zibilen arteko elkar hizketa bultzatu nahi izan dute. Aholkua ala izan da behintzat. Erakunde zibilak elkarren artean hitz egin eta adostasun batera iristeak asko lagunduko du gure gizarteak bizi duen egoera baretzen, baina gaur egun politika ulertzerakoan mentalitatea aldetzeak ere bai seguru asko.

Mentalitatea aldatzea esaten dudanean ez dut esan nahi pentsaera aldatzea, baina bai etsaia izatetik, arerio politikoa dela ulertzea. Ez da egun batean lortzen den helburua, baina ez dugu itxaropenik galdu behar. Elkarren arteko hartu emanetan hau lortzen badugu, nazio arteko konferentziarik gabe ere konponduko ditugu gure arazoak.

Jon Egiguren (2011/05/17 - 23:01)

Maiatzak 22. hauteskunde eguna dugu. Oraingoan aukera guztiak barruan dira eta bakoitzak dituen indarrak agerian jarriko dira, Sortu legeztatu ez izan arren beraien helburuak "Bildu" koalizioaren barruan dira eta honela Euskal Herriko gizarte osoa ordezkatuta ikusten da. Udaletxeak eta Aldundiak osatzeko botoen emaitzak bakarrik falta dira.

Hauteskunde hauetan gehiengo zabalik ez da ikusten inkestak diotenez, baina batek daki biztanle arruntak zer pentsatuko duen bozketa eguna iristen denean.

Zestoako inkestarik ez dut nik eskuan, baina azken hauteskundeen emaitza ikusi eta matematikak nahiko agerian jartzen ditu gauzak. Baina lehen esan dutena errepikatuko dut, ¡¡batek daki biztanle arrunta zer pentsatzen dagoen!!.

Igandea 22 ilunabarrean izango ditugu emaitzak eta orduan utziko ditut alde batera zalantzak.. Gaur egun ideologiak udaletxeetatik kanpo eztabaidatzen dira gehien bat nahiz eta kide bakoitzak izan berea, eta denen artean herriaren beharrak osatzea izan behar dute helburu.

Demokraziaren alderdirik onena gauza bat da niretzako,herriak aukeratzen dituela bere agintariak eta herriak aukeratutakoak direnez, errespetua merezi dute, ea lan borobil bat egiten duten lege aldi honetan.

Zorte on aukeratutako zinegotzi guztiei.

Jon Egiguren (2011/04/18 - 18:45)

Udaberriko oporren aurretik,Aizarnako eskola txiki polit honetako ikasleak aurkeztu dituzte ikasturte onetako lan polit batzuk.

Lan osoa ezin da hemen azaldu, baina nahi duenak badu ikusi eta irakurtzeko aukera eskola honetara hurbiltzen bada.

Lan hauek egiteko erabili dituzten gai eta erremintak zeintzuk izan diren jakiteko joan artikuluen atalera eta zerbait gehiago azaltzen da bertan.

Jon Egiguren (2011/03/29 - 19:06)

German Zelaiaren bertso sorta Bota bertsoa lehiaketako onena

Guztira 19 bertso sorta jaso dituzte

Aurtengo bertsoaldiaren baitan, Bota bertsoa lehiaketa jarri zuen abian Erniarraitz Bertsozale Elkarteak. Biribilguneak gai hartuta, hiru bertsoko sorta osatu behar zituen parte hartzaile bakoitzak eta herriko taberna desberdinetan zeuden itxulapikoetara bota.

German Zelaia izan da lehiaketako irabazlea, epaileek aho batez hala erabakita..

Hona bertso-sorta irabazlea:

.1. Aurrera atera zuten
zeukaten proiektu mota,
puntu batzuk aldatzeko
nahiz egin genun borroka,
alferrikan joan ginen
alkateai ate joka,
aurkeztutako puntuak
denak pikutara bota,
tinko mantentzen zuen hark
agintearen erronka,
egin-egin beharra zegon
ez geunden rotondan kontra,
eman behar banuke gaur
egindako obran nota,
interesen garaipena
arrazoiaren porrota.

.2. Rotonda honek baditu
esames batzuk piztuak,
balantzan jarriak daude
txaloak eta txistuak,
bi atzerritar lanean
beraientzat arriskuak,
sei gorbatadun begira
hoiek bai tipo listuak,
aurrekontu bat bazegon
bikoiztu dira gastuak,
gorbatak izango ziren
oraingo inprebistuak,
politika ta eraikuntza
biak dauzkagu nahastuak,
lurrarekin gutxiena
zikintzen dira eskuak.

.3. Alde ona bilatzea
behar bada komeni da,
nahiz zabal zabalik egon
nahi ta ezinan herida,
rotonda honetan ere
beste rotonden harira,
gurpil-hots eta tronpoak
laster iritsiko dira,
Zabaletxeko muinotik
zer nolako ikusmira,
honek hartu bailezake
rally sprintan distira,
inork minik hartu gabe
talkak egongo balira,
tailer hutsak betetzeko
balioko du sikira.

Jon Egiguren (2011/03/08 - 21:37)

Jesus Egiguren (PSE ) alderdiko lehendakariaren iritziak.

Honek Otsailaren lehen astelehena jarri du Euskal Herrira bakea iritsi den eguna. Ezker abertzalearen adierazpen eta alderdi berriaren aurkezpenarekin lotzen du egun hau.

Pragako udaberria iritsi zen bezala gurea orain iritsi dela esaten du. Oso baikorra ikusten da oraingoan, hau dela egiazkoa esaten du, Rufi Etxeberria eta Iñigo Iruinek emandako pausoekin sinesten duela eta gehien balio duena mugimendu honen barruan dagoen sentimendua dela esaten du.

Elkarbizitza benetakoa lortu eta helmugara iristeko,hamarkada bateko epea jartzen du. Baikor ikusten da Aizarnar hau, eta ziurtasun handiarekin gainera egiten ditu adierazpen hauek.

Politikan urte asko daramatza, diktadura garaitik legebiltzarkidea dugu, guk baino intuizio hobea izango du gai honetan edo bestela zerbait gehiago jakingo duelakoan nago.

Jon Egiguren (2011/02/22 - 10:25)

Aitzbarna kultur elkartea eta guraso elkarteak, idatzi baten bitartez egiten duten proposamena da hemen zuzenean kopiatzen dudana. ------------------------------------------

Badabadakigu zer nahi dugun

2007ko azaroan Prontxiok, Parroki etxearen etorkizunerako egindako plandeamenduaren aurrean, herritarrek beren iritzia eman zuten " Parroki etxea" Aizarnako "Kultur Etxea"izateko nahia azalduz. Guztira 249 sinadura jaso ziren .Elkarteko bazkideen %80a eta Herrian bizi direnen % 79a izanik.

Tensio ugariko hiru urteren ondoren,Gotzindegiak 1, eta 2. solairuan etxebizitzak proposatuz jarraitzen du udalean aurreproiektua sartuz.

Hau dela eta 2011ko urtarrilean ,Aizarnako Parroki etxea "eraikuntza dotazionala"gisa izendatzearen alde eta Aitzbarna elkartea irekitzea eskatuz sinadura bilketa bideratu da.

Guztira 320 sinadura jaso dira . Herrian 16 urtetik gorako 170 pertsona bizi dira eta hauetatik 134k sinatu dute, bertan bizi direnen %79ak, hain zuzen ere.

Ondorioak atera nahi dituenak hemen ditu datuak. Sinadurak udaletxean entregatuko ditugu eta gotzaindegira helaraziko dugu berauen kopia bat. Erretore wetxearen jabea Aizarnako Ntra de la asuncion Parrokia da, beraz. Garbi eta ozen esan dezakegu Aizarnako Parrokiak ( bertan bataiatutakoak) eta Aizarnarrak oro ar ( bertan jaio, bizi...direnak) ( gehiengo absoluto batek ) zera nahi dugula: ...Parroki etxea herriko "KULTUR ETXE" izatea ...Parroki etxea "ERAIKUNTZA DOTAZIONALA" gisa izendatzea. ...Aitzbarna elkartea lehenbailen irekitzea.

Guztion esku dago, hau horrela izatea -----------------------------------------

Aizarnako guraso elkartea---- Aitzbarna kultur elkartea.

Jon Egiguren (2011/02/10 - 11:42)

Ezker Abertzaleak alderdi berriaren aurkezpena egin berria du Astelehena Jauregian, bertara erakunde eta alderdien ordezkari ugari zeuden gonbidatuta,hauen artean Jesus Egiguren Aizarnakoa ere badirudi ala zegoela, eta ez joateko arrazoia eskutitz batean azaltzen dio lokarriri, Xalbadorren bertso bat itsatsita duela. Egunkarietan ere nahiko aipatua izan da eskutitz hau, baina iritzian kopiatzea pentsatu dut, ez joateko arrazoi hau, Aizarnako baten iritzia bai da.

Querido Paul. Agradezko la invitacion de Lokarri para acudir al acto , pero comprenderas que por razones de prudencia y responsabilidad, no pueda acudir. Entre otras, el recuerdo de los ausentes me lo impide.

Con el tiempo las cosas podrian ir cambiando si, con resolucion y conviccion , se adoptan las decisiones definitivas e irreversibles que todos deseamos.

Hoy teneis la oportunidad de hacer vuestras las palabras del bertsolari Xalbador dedicadas a la paz:

Egun, bakea, zutaz kantatzera noa.
Iragan, aspalditik banuen gogoa.
Bakea, zu zara zorion guztien erroa.
Nekez aurkitzen den lore arraroa.

Espero que asi sea.

Jesus Eguiguren.

Jon Egiguren (2011/02/07 - 19:41)

Angel Lertxundi idazkariaz asko hitz egin da aspaldi honetan, (Eskarmentuaren paperak) idatzi berria duen liburuari eman dioten sarian katik izango da gehien bat, baina lehen ere lan ugari egindakoa da euskararen arloan.

Komunikabideetan ere tertulia ugari eginak ditu, eta esan behar beti gustura entzun izan diotela berari. Orain beraren elkarrizketa bat irakurri dut (Noticias de Gipuzkoa ) egunkarian, erantzun askoren artean batek eman dit atentzioa eta berarekin gelditzen naiz.Nik ere iritzi bera dut arlo honetan. Hau da galdera honi eman dioen erantzuna.

Tenemos unas cuantas asignaturas pendientes.

Me da la impresión de que hay cosas de las que aquí no hemos hablado lo suficientemente porque teníamos el problema de la violencia, que nos hurtaba el debate democrático. Hemos focalizado en él -me es igual quién y cómo- todas las energías. Es verdad, de todas formas, que en toda Europa, sin tener este problema, se ha hecho dejación de los valores democráticos. Creo que ahora podremos cambiar, y empezar a tener el sentido autocrítico sobre la sociedad que queremos.

Jon Egiguren (2010/11/25 - 11:28)

Diario Vasco eta Hitza egunkarian,argitaratu dira, Itziar Bergararen iritziak, Aizarnako egoerari buruz. Jarraian azaltzen dena kopia bat dugu.

------------------------------------------------------------------------------------------------

Bazen behin herri txiki batean Aitzbarna izeneko elkartea. Lehen bazkidea Prontxio Auzmendi apaiza zen; herrira gazte zela etorria. Hamaika otordu egina zuen adin, lanbide eta pentsaera ezberdinez osaturiko herritar koadrilekin; ordu luzeetako tertulia, eztabaida, eta mus partida ugari...

Urteak aurrera joan ziren eta, erretiratzeko garaia iritsi zitzaionean, ideia bat izan zuen: herriak merezi zuela eta, elkartea kokaturiko parroki etxearen egoera erregulatzea. Herriari kultur etxe batek bizia emango ziola.

Herritarrek pozez txoratzen hartu zuten albistea, eta bakoitzak berari zegokion esparruan lan eginaz, Parroki etxea Kultur etxe dotorea bilakatu omen zen. Inoiz ez zaio nahiko eskertuko apaiz hari herri harengatik egin zuena.

Hauxe izan zitekeen Aizarnan gertaturikoa, baina urrun gaude horretatik. Hasierak balio arren, jarraipena aldatu beharra dago: ...erretiratzeko garaia iritsi zitzaionean, ideia bat izan zuen: «Kosta ala kosta, hemendik joan baino lehen elkartea kanporatuko dut, etxeak egin eta parroki etxea salduko dut, apaiz etxe bat egingo dut, edo auskalo, baina hortik botako ditut». Horretan jarraitzen dugu, bi urte liskarrean, ia urtebete elkarterik gabe...

Munilla jaunak, herri honekiko lotura izanik ere, pilota besteen teilatura botaz eskuak garbitu ditu eta ez da gai izan elkarrizketa bakar bat bideratzeko, hainbat aldiz eskatu zaion arren. Aurreproiektua aurkeztuko omen dute laster Udalean.

Hiru urte daramagu, gutxienez, hori entzuten. Zer bururatuko zaie orain? Edozer gauza, parrokiarena den etxe bat parrokia osatzen duten herritarrei eman baino lehen. Herriko apaiza ezezagun egiten zait, herritarrengandik gero eta urrutiago sentitzen dut, haserre ugari sortu du eta oraindik harro agertzen da gure artean.

Ipuin honen amaiera ezin da oraindik idatzi, baina bukaera polit bateko istorioa izatea gustatuko litzaidake. Dena den, nik aspaldi utzi nion amen esateari.

Jon Egiguren (2010/11/02 - 20:27)

Joxe Arregi Frantziskanoa Arantzazuko Santutegitik irten berria dugu, Munila Gotzainaren izendapena argudio hartuta.

Erlijio gaiei beti jarraitu diet zerbait, bere gain irakurtzea ere asko gustatzen zait, nahiz eta erlijiotik nahiko urrun bizi izan aspaldian.

Joxe Arregi ez nuen ezagutzen gehiegi, baina bere idatziak irakurtzea asko gustatzen zitzaidan, orain berriz ezaguna egin denez, gehiago jarraitu diet berak argitaratu dituenei.

Berak egiten dituen gogoetak oso urrun daude gaur egungo Elizatik, eta gotzain baten izendapenaren zain ez dago egon beharrik bide hau hartzeko.

Eliza barrutik ezin badu lanean jarrai utzi jainkoaren izenean erabiltzen duten hierarkia atzerakoiari eta ongi etorri gizarte demokratiko honetara, baina ez pentsa gizarte honetan ere hierarkiak asko pisatzen du oraindik.

Gizarte honetan Dogma gehiegi daude erlijiotik aparte ere eta esan behar berak erlijio barruan ezabatu nahi dituenak aspaldi nituela nik baztertuta orretarako ez dago Teologia ikasi beharrik.

Aspaldian nahi nuen iritzi hau azaldu gai honi buruz eta egunkari digitalean bere idatzia irakurri ondoren ausartu naiz idaztera eta iritziarekin batera suerte ona desio diot bizimodu berri honetan.

HEMEN EGUNKARIAK ARGITARATUTAKO IDATZIA KOPIATUTA

Jon Egiguren --------------------------------------------------------------------------------------------------------------------------------------------------------------------------------------------------------

Por una iglesia democrática por Joxe Arregi, * Teólogo - Domingo, 24 de Octubre de 2010 -

Cierto, la democracia está muy lejos de ser una cuestión resuelta en nuestra sociedad sedicente democrática (que lo digan los inmigrantes, aun con papeles; que lo digan los parados, aun con subsidio; que lo digan las mujeres, aun con leyes de igualdad; que lo digan los diferentes, aun con reconocimiento jurídico). Pero al menos parece que nadie discute los grandes principios. En la Iglesia católica, en cambio, no estamos de acuerdo ni sobre los criterios básicos. Sigue sin ser democrática y sin convencerse de que deba serlo, cuando la sociedad lo es o al menos piensa que debe serlo. Con un siglo de retraso sobre la sociedad civil, a finales del siglo XIX (con León XIII) y comienzos del XX (con Pío X y Pío XI), la Iglesia católica empezó a asumir tímidamente y con grandes reticencias que "los que han de gobernar el Estado pueden ser elegidos en determinados casos por la voluntad y el juicio de la multitud". Pueden ser elegidos en determinados casos. No es lo normal ni siquiera lo deseable en general que la "multitud" elija a sus gobernantes. Muy poquito antes, en 1864, Pío IX había publicado el famoso Syllabus (o resumen) de los 80 errores principales de la modernidad. Entre los errores severamente condenados están algunos fundamentos básicos de la democracia: la libertad de opinión, de expresión y de prensa, la libertad de conciencia y de culto, la separación de la Iglesia y del Estado… Poco después, el papado perdió los Estados Pontificios y, en el Concilio Vaticano I (1870), reaccionó definiendo el dogma de la infalibilidad del Papa y proclamándose éste como garante último y dueño absoluto de la Verdad. Era un mecanismo de defensa, un gesto de resistencia desesperada, como aquella de Pedro en el huerto de Getsemaní cuando sacó la espada (Jn 18,11; Lc 22,38). Pedro, incapaz de escuchar a su maestro que tantas veces le había dicho: "¿Por qué temes, hombre de poca fe?". Esta pretensión de verdad absoluta -señal inequívoca de inseguridad y desconfianza- es el gran obstáculo que tiene la institución católica para ser realmente democrática. Quien cree poseer toda la verdad no tiene por qué buscarla con otros, ni recibirla de los demás; fácilmente pasa a querer imponerla a todos. Estaría muy bien que un día se levantara el Papa, relajado y lleno de Espíritu Santo, y pregonara urbi et orbi desde los balcones del Vaticano: "Confieso la encarnación. Jesús fue humanamente limitado y mucho más lo soy yo. Errar es humano y reconocerlo nos hace humanos. La verdad y el bien son democráticos, pues Dios los repartió por todo el orbe desde que el espíritu empezó a aletear sobre las aguas. Hermanas, hermanos, se acabó la infalibilidad. Mis predecesores se han equivocado y yo me puedo equivocar como hombre que soy. Seamos humanos, busquemos juntos y juntos encarnemos a Dios, como Jesús". Difícilmente habrá democracia en la Iglesia mientras no se reconozca que nadie en el mundo -ni todos juntos en la historia- podemos conoce la Verdad, que la Verdad es Dios y Dios es no es de nadie, porque es Misterio y Ternura que habita en todos los seres y todos los seres habitan en El/Ella. Aceptar que nadie posee la verdad y el bien lleva a renunciar definitivamente a la usurpación del poder. El poder absoluto en manos de quien se cree en posesión de la verdad y del bien es algo terrible; siempre acaba arruinando lo más humano, lo más divino. Pues bien, poder absoluto es lo que detenta o se arroga la jerarquía católica, más propiamente su cabeza, el papa. El mencionado Concilio Vaticano afirma que "la Iglesia romana, por disposición del Señor, detenta el primado de la potestad ordinaria sobre todas las demás" y que, "frente a él los pastores y fieles de todo rito y rango -tanto cada individuo en particular como todos a la vez- están obligados a una sumisión jerárquica y obediencia verdadera, no sólo en cuestiones de fe y costumbres, sino también en aquellas que afectan a la disciplina y dirección de la Iglesia extendida por todo el mundo". Huelgan comentarios. No habrá democracia en la Iglesia católica mientras no se anule teológica y jurídicamente la ideología vaticana del poder absoluto. No habrá democracia en la Iglesia mientras en ella no se aplique, como condición mínima, la división de poderes: el poder legislativo, el poder ejecutivo y el poder judicial; que no sea el mismo quien haga las leyes, quien las ejecute y quien de acuerdo a ellas juzgue la conducta de la gente. Es el requisito elemental de un régimen democrático, y es evidente que en la Iglesia no se da. En ésta, el Papa es el que dicta las doctrinas y las leyes, el que las aplica y exige que se guarden, y el que juzga quién las cumple y quién no, quién es fiel y quién hereje. Es la persistencia anacrónica y antievangélica del más puro y arbitrario sistema feudal. Es la prolongación de aquella teología imperial que se impuso después de Constantino: "Un solo Dios, un solo Cristo, un solo emperador". Dios en la cúspide como un emperador cósmico. Y cuando el emperador se enfrentó al Papa o cuando, con el tiempo, el sistema imperial fue derrocado por el sentido común y por el Espíritu defensor de la vida, entonces el Papa sustituyó al emperador: "Un solo Dios, un solo Logos, un solo pPapa". En ésas estamos aún y en ésas seguiremos mientras no se revise el sistema de elección del papa y de todos los obispos y de todos los ministros de las comunidades cristianas. He ahí la llave. No habrá democracia en la Iglesia mientras el actual sistema jerárquico piramidal no sea reemplazado por un sistema horizontal comunitario, mientras las comunidades no elijan a sus curas y obispos, mientras la Iglesia católica no sea -como el nombre indica- una comunidad universal de iglesias libres que, si pareciera necesario, podría elegir un "Papa" con ese nombre u otro y fijar la residencia en Roma o en otro lugar cualquiera, pero sin Estado y sin nuncios. Y no estoy inventando nada, aunque también deberíamos poder inventar, como todo lo que vive. En realidad, así funcionó la Iglesia durante los quiñientos primeros años, y la figura actual del Papa plenipotenciario no existió en los mil primeros años de la cristiandad, y el nombramiento de los obispos por el Papa no se implantó hasta casi mil cuatrocientos años después de Jesús. Y hasta el mismo Papa actual, Benedicto XVI, cuando era profesor de teología, escribió en su libro El nuevo pueblo de Dios: "La crítica de las manifestaciones papales será posible y necesaria en la medida en que les falte la cobertura de la Escritura y del credo o fe de la Iglesia universal. Donde no se da unanimidad de la Iglesia universal ni un claro testimonio de las fuentes, no es tampoco posible una decisión obligatoria; si se diera formalmente, faltarían sus condiciones y habría por tanto, que plantearse la cuestión de su legitimidad". Está en las páginas 162-163. Ni siquiera es necesario saber Teología ni conocer la historia. Basta conocer el Evangelio y a Jesús que dice: "Los reyes de las naciones ejercen su dominio sobre ellas. Pero no sea así entre vosotros". Y también: "A nadie llaméis padre ni señor ni maestro". Cuanto más democrática fuera la Iglesia, más Iglesia de Jesús sería, y más sacramento de Dios en quien no hay dominio, sino diferencia, relación, respeto. Y confianza infinita, infinito respiro.

Jon Egiguren (2010/09/03 - 08:48)

Asko aipatzen den Stephen Hawking fisiko famatuak, Aizarna ez duela jainkoak egin esan omen du, handia benetan bere esaldia!!. Ez pentsa ordea testuan Aizarna aipatzen duenik, Unibertsoaren egilea ez dela jainkoa izan adierazten du eta gu nola bere barrenan gabiltzan, hortik atera dut esaldia.

Fisiko honek argitaratu berria duen liburuan adierazten omen du konklusio hau, nahiz eta orain arte ez zuen kontraesanik ikusten sortzaile baten eragina izatea unibertsoa ulertzerakoan.

Oraingoan ordea bere konklusioak urrunago joan dira eta fisikaren legeak izan direla Unibertsoa sortu dutenak baieztatzen omen du.

Darwin naturista famatuaren esanetan animali eta gizakien eboluzioan jainkoaren eraginik ez zegoela frogatu zuen, Stphen Astrofisikoak berriz Unibertsoa lege fisikoen bidez sortu dela frogatzen omen du eta jainkoaren eragina alde batera utzi.

Eskerrak XXI. gizaldian bizi garan eta bakoitzak dituen pentsamoldeak adieraztea libre dagoen, bestela inkisizioak jakingo zuen zer egin hereje honekin.

Gai hau oso korapilatsua da iritzi bat emateko, baina ni beti zientziaren aldekoa izan naiz, eta daraman abiadurak gaurko enigma asko laster argituko dituelakoan nago.

Jon Egiguren (2010/06/20 - 15:26)

LURRIKARA???

Bakerako bidean, Ezker Abertzaleak eman dituen pausoak ikusita, Aizarnako politikariak egin berriak dituen adierazpenak, zer esan handia jarri dute komunikabide eta politikari askoren artean.

Indarkeriaz ez baliatzearen alde egin dituzten adierazpenak eta aurrerako dituzten asmoekin sinesten duela esaten du politikari honek eta egoera berriari aurre egiteko garaia dela adierazten du, baina badirudi lurrikara bat sortu duela egin dizkioten jarrerak ikusita.

Denok dakigun bezala Azken bake prozesua aktibatzen lan ugari egindako politikaria dela ezin dugu ukatu, eta Euskaldun gizartea ondo ezagutzen duen politikarietako bat dela ere ez. Bide berri bat irekitzeak beti ditu arriskuak eta estropezuak ere bertan egiten dira, baina ahaleginak egiteak beti merezi duelakoan nago.

Egoera berri honen oinarriak indarkeria eta inposaketak alde batera uztea badira, jarrai dezala bide hau jorratzeko ahalegin guztiak egiten, nahiz eta denok bidean zerbait utzi beharra izan.

Jon Egiguren

Lurdes Elortza Mugika (2010/03/11 - 20:10)

Bihar martxoak 12 AITZBARNA KULTUR ELKARTEA itxiko digute. Goizeko 10´tan ahal dugunok -soziedadean elkartuko gara gure desadostasuna agertzeko. EPAIRIK EZ - KONPONBIDEA BAI

Jon Egiguren (2009/12/21 - 20:02)

Munilla jauna Gipuzkoako gotzain izendatu du Erromako Aita Santuak.

Elizbarrutian ardura duten apaiz eta erretore talde batek, berehala jarri dute agerian beraien ezadostasuna, kontserbadorea dela argudiatuta.

Ez naiz sartuko Aizarnan jatorria duen gizon honek nolako pentsaera duen aztertzen, gaztea eta euskalduna dela bakarrik dakit, baina beste asko ere niretzat kontserbadoreak dira gaur egun.

Eliza txiroa eta behartsuekin egon behar du, baina askotan boterearen itzalean gehiago ikusten dut, gizarteak dituen arazoei bestaldera begiratuta.

Egunkari batzuk irakurri eta Abertzalea ez izateagatik baztertu nahi dutela irakurtzen dut, beste batzuetan berriz kontserbadorea delako eta Gipuzkoako elizak duen bidea mudatu nahi duelako.

Nik gaur egungo Eliza kontserbadoretzat daukat, gizarte honek dituen arazoen gain hartzen duen jarrerari begiratuta. Eliz barruti aurrerakoi bat baldin badugu, zergatik ez jarrera berbera hartu arazo hauen aurrean?

1. Hasteko: Emakumearen berdintasunaren eliza barruan, ala parekotasuna elizatik kanpora bakarrik behar al du ?.
2. Antisorgailuak erabiltzea sexu harremanetan debekatua daukagu, Erromak ez du onartzen hauen erabilera.Hobe al du gizarteak janaririk ez duten herrialdetan haurrak ugaldu eta gaixotasunaren eraginak heriotzara eramatea ?.
3. Abortuaren legearen aurrean jarrera berdina hartu dute. Gizarte aurrerakoiak ezarri dute bere legedia eta elizak oraindik ez du onartu, bere dogmak zailak dira aldatzen nonbait, ez ote da kontserbadorea izatea legedia honen aurka joatea ?.

ELIZTAR BATZUK (2009/10/29 - 12:35)

Hasteko eta behin esan, Fernandoren iritziarekin bat gatozela, hala ere, nahiz eta ez izan publikoki, elkartearen aurrean behin eta berriz gure iritzia azaldu izan dugu, eta baita hori ez dela kontutan hartua sentitu ere.

Bestalde, juntakideen aldetik erreklamatu nahiko genuke, elkarteko komisioak egin berri duen idatzian, juntakideen iritziaz ere hitz egiten dela, bertan erretore etxean, etorkizunean, egitea nahi diren zenbait kontzeptu adieraziz eta hauekin guztiekin elizako juntakoak ere ados zeudela baieztatuz, baina azken finean hori ez da horrela, izan ere hainbat juntakidek, elkartea eta kultur-etxea, bakoitza bere aldetik beharko lukeela pentsatzen baitute. Hau horrela izateko, herriak plazan duen etxea eta Madinak (obispaduak) egindako lehenengo proposamenean eskaintze zuen, erretore etxe azpiko lokala erabiliz, bide batez esan, lokal hori despreziatua izan dela nahiz eta dohainik eskainia izan zen.

Eliztarron iritzira bueltatuz, guk komisiokoei garbi utzi genien gure nahia zein zen, herritar gehienek erretore etxean nahi badute kultur-etxea, gu ere ados gaudela kultur-etxea bertan izatearekin, baita bertan kokatu nahi dituzten gauza guztiak bertan izatearekin ere, BAINA, beti ere parrokiak herriaren beharretarako eskatzen dituen lokal, planta edo katekesia emateko gelak ere bertan izanik. Hauek edozein direlarik ere ukaezinak direla uste baitugu. Hala eta guztiz ere, iritzi guztiak uztartuz planteamendu batera iristea posible izango litzateke, erretore etxearen tamaina dela medio, denontzako lekua inolako arazorik gabe izango baikenuke.

Laburtuz, hau da erretore etxean etorkizun batean aurkitzea nahiko genukeena: -Parrokiaren lokalak. -Kultur-elkartea -Elkartea

Amaitzeko esan, badugula gure baitan galdera bat, zer gertatzen da udaletxean, bi urte pasa eta oraindik ere ezer egin gabe egoteko?

Honen guztiaren ondoren, garbi ikusten dela uste dugu, iritzi bat baino gehiago daudela erretore etxearen inguruan, eta ondo egongo litzatekeela, herritarren batek beste iritziren bat badu esatea eta nola ez guztiak ere errespetatuak izatea.

lurdes Elortza Mugika (2009/10/27 - 10:04)

Fernando, arrazoiak ez baditu azaldu nahi, gaizki ibiliko gera konponbidebaterako. Zertarako dira "dialogoak"? Zenbat eta arrazoi gehiago izan orduan eta aberatzago izango da konponbidea.Barruan gordeta eta egoskortuta ez dago ezer egiterik. Nik esan nuhen gu bakarrik ez ginela errudun,eta nik ez dut esan ere Prontxio dela, zuk diozu hori, Arazo batean bi "bersio" egoten dira, eta hori da zaila, hori ondo astertzea.

Fernando Arzallus Iturri (2009/10/26 - 22:23)

Bueno, ez nuke nahi gehiegi sartzea apaiz-etxeko «arazo» horretan, baina tira, askotan eztabaidak eraman egiten zaitu.

Zuk, Lurdes, diozu: «Prontxio berak esana, berak hartutako erabakia izan zela hau, eta Madina jaunari konsultatu zionean esan ziola: Indarra baduzu aurrera eta bera bakarrik ekin dio, bere gain hartuaz responsabilidade guztia». Ondo da. Eta horrek ematen dizu pena zuri, eta horrek eman dio aukera jendeari Prontxiorengana zuzentzeko «erasoa».

Bueno, konforme, «erruduna» Prontxio da. Hori da kontua, ezta? Ibili-ibilian, beti galdera berera joan nahi dugu: «Arazo» horretan nork du arrazoia? Nor da erruduna? Zein da ona eta zein txarra? Normalean, ordea, arazoetan, alde denek izaten dute egiaren zati bat. Elkartekoek arrazoi izango dute gauza batzuetan; Prontxiok ere bai beste batzuetan. Elkartearenak argitaratuak daude gehiago edo gutxiago. Prontxiok, ordea, ez ditu bere arrazoiak jendaurrean azaldu nahi. Uste dut oso ariketa pedagogikoa eta baliagarria izango litzatekeela bi aldeen arrazoiak imajinatzea. Baina, zertan izan dezake arrazoi Prontxiok?

Lurdes Elortza Mugika (2009/10/26 - 17:12)

Fernando: Laugarren Puntuan diozu," nik aitortzen dudala arazoa zabalagoa dela" Nik beti izan nahi dut hori pentzatzea,azkenean agindua obispadotik etorri behar zuela bainan asken egun hauetan izan nuen berria,Prontxio berak esana, berak hartutako erabakia izan zela hau, eta Madina jaunari konsultatu zionean esan ziola: Indarra baduzu aurrera eta bera bakarrik ekin dio, bere gain hartuaz responsabilidade guztia. Egia esan horrek pena dexentea eman zidan ba nik usten det oso gaizki eraman dula gestioa gure herriaren aurrean.

Dena dela ez gaitezen desanimatu, eta hori denontzat dijoa.Landu desagun denon artean guk nahi dugun KULTUR ETXEA AIZARNARAKO.

izaskun serna (2009/10/26 - 16:44)

irakurri dut, Interneten, Fernando Arzalluzek, egindako azalpenak Aizarnako gatazkari buruz, Bertan dio, ez duela Aizarnar bakar baten iritzia publikoki ezagutu,iskanbila honi buruz. Arrazoi, guztia,du. Non gaude Aizarnakok, klik eta klok.

Gaur, nire Aizarnako lagun min baten deia jaso dudanean, izan dut indarra hau idazteko. Dei horretan, esaten zidan, triste zegoela, minduta, buru makur agertzen zen. Eta egia esan, ez zait batere gustatu. Esaten zidan, hemendik aurrera, sentitzen zuela bere Aizarnako harremanak, batzuekin, behintzak, galdutzat ematen zituela, agurra ere kendu diotela, batzuek. Posible da? galdetu diot nire buruari?.

Benetan, kezkatua gelditu naiz. Orain arte, eta espero dut, hemendik aurrera ere, beti sentitsu izan naiz arro AIZARNAKOA izateaz. Izan ere, badu bere xarma Aizarnakoa zarela esateak, hain berezi gera, gure Aizarnako identita hori aldarrikatuz. txikitan, aizarnara, bizitzera joan nintzeneak, 9 urte nituela, segituan, AIZARNA, NIRE ETXEA zela sentitzu nuen. Ondo sentitzen naizen tokia, amaren sabela, bezala, goxo eta bero, seguru sentitzen zaren toki hori.

Orain arte, ez dut ezer esan, ez nuen nahi inorrekin hasarrerik izan, eta uste dut, Aizarnako askoei hori bera gertatzen zaiela. Ez nuke nahi, inolaz ere, hain beste eman didan herri honekin, ezer galtzerik esan. Hor ba, nire arrazoia, ixilik egoteko. Baino ixiltasunak ez du esan nahi ez dudala iritzirik. Dena den, zatituta sentitzen naiz, parrokoa alde batetik, estimatzen dudan pertsona, eta orain bere aurka agertzen diren askoen agurra ere, ez dut inolaz ere galdu nahi, denak estimatzen baitditut.

Bestalde, Aizarnak, behar du ELKARTE BAT, herria bizirik dagoela erakusten digun , elkartea. Zenbat ordu pasa izan ditugu, gazteetan, elkarte ho rretan, zenbat une goxo, eta zenbat dizkusio, azken batean, gure gogorapenak, gure bizitza. Beraz, hemendik aurrera zer?. Ez ote gera, Aizarnakok, klik eta klok, kapazak izango irtenbide bat bilatzeko. Fernandokin adoz nago, ez ditut gustokoak, parrokoari egin zaizkion lirainak, tratu hori inor ez du merezi, gutxiago, sinetsi ala ez, hain urte luzeetan izan den gure parrokoa. ( ni ez naiz batere elizkoia). Diferentziak, alde batera utzita, denok zor diogu besteari errespetoa. Lurdesekin ere, adoz nago, esperantza izatea denon artean konponbide bat bilatzeko. IRABAZIKO DUGUNA, GALDUTAKOA BAINO AZKOZ ERE, GEHIAGO IZANGO DELAKO.

Bukatzeko, AIZARNARA, joaten naizenean, beti sentitsu izan dudan , lasaitasun eta goxotasun hori sentitzen jarraitu nahi dut. AIZARNAK merezi du.

Fernando Arzallus Iturri (2009/10/26 - 12:22)

Zehaztapen batzuk

BAT. Nire hausnarketa maila etikoan edo gizalege mailan kokatu behar da; nik ez dituk bakoitzaren arrazoiak juzkatu. Nik esan nahi dudana da, arrazoiak arrazoi pertsonaren eskubideak kontuan hartu behar direla, ezin dela pertsona bat jazarri. Zuen arrazoi batzuekin bat egin dezaket baina metodo batzuk ez ditut konpartitzen: Prontxioren atzetik segika ibiltzea jazarpena da eta ez da gizalegezkoa.

BI. «Uste duzu guri goxoa egiten zaigula horrela ibiltzea?» Ez, badakit ezetz. Askori ez zaio goxoa egingo horrela ibiltzea. Beste batzuek, ordea, gizarte mugimendu denetan bezala, arinago pasako dute trantzea.

HIRU. «Uste dut axaletik dakizula arazoaren gorabehera». Ez, zuk uste duzun baino hobeto ezagutzen dut nik gai hori. Hamaika aizarnarrekin hitz egin izan dut (alde guztietakoekin). Elkarteak argitaratutako artikulu eta azalpen guztien berri badut eta asko hausnartu ditut gainera. Gehiago ez naiz sartu, gaia oso korapilatsua delako eta momentuz ez dudalako egokia ikusi muturra sartzea.

LAU. Madina jauna eta gotzaina aipatzen dituzunean, zu zeu ari zara aitortzen «arazoa» ez dela Prontxio bakarrik, gaia zabalagoa dela.

BOST. Ados nago, kontua ez da konfrontazioa sortzea. Kontua da alde bateko arrazoiak eta bestekoak elkarri aitortzea eta gutxieneko adostasun batera heltzea. Adostasun hori ez da izango bakoitzak nahiko lukeen bezalakoa; alde batek zein besteak gauza asko utzi beharko ditu bidean eta horrek, askotan, min handia egiten du (sentimendu eta gauza asko utzi behar dira bidean-eta).

SEI. «Aizarnan gutxi bizi gera baina herria bizirik dago». Konforme. Aizarnak merezi du arazo hori ondo konpontzea. Eta horri begiratu behar zaio: ez zenbat gauza galduko ditugun alde bakoitzak bidean, baizik eta gauza asko bidean gelditu arren, azkenean denok elkarrekin bizitzeko baldintzak sortuko ditugula.

ZAZPI. Nik ere badut esperantza. Onena opa diot Aizarnako herriari.

Lurdes Elortza Mugika (2009/10/26 - 10:34)

Fernado Arzallus Iturri'ri:

Irakurri dut zure idatzia eta egia da ez dela pertzona baten aurka iñoiz joan behar. Uzte duzu guri goxoa egiten zaigula horrela ibiltzea?

Uzte dut axaletik dakizula arazoaren gora-behera, bada gutxienez bi urte, nahiz iñor ez ohartu,gabiltzala konponbide bat billatzen araso honeri. Ekintza batzuk egin diranen orain mugitzen da gendea eta orain dena gaizki dago.

Ba jakin dezazu beti estimaua izan dela guren herrian Prontxio Jaura eta bere jokaera okerrak edo bere komunikatze falta horrek egora trixte honetara ekarri gaitu.

Nik oso ondo dakit gure Obispo Uriarte Jaunak esan suena "HAY QUE DIALOGAR" eta nik esaten diot pero hay que "PRACTICAR ". Non dago Madina Jauna? Gure apaiza egoera honetan bakar bakarrik usten duena?. Ez alda bera "LA MAXIMA AUTORIDAD QUE PERMITE QUE PASE ESTO EN AIZARNA".

Egunero galdetzen diot nik neure buruari nola iritxi geran egoera honetara eta ziur nago ez dela gure errua bakarrik. Aizarnan gutxi bizi gera baiña herria bizirik dago.

Emendikan esango diot "Madina Jaunari": Gu prest gaude konponbide bat billatzeko, lengo astean Prontxio Jaunari esan zitzaion; Urte bete batera luzatzeko gure elkartea itxi gabe, konponbide bat billatzeko eta bertan behera utziko genituela ekimen gustiak. Ilusioa nuen igandea baino lehenago zerbaiten notizia iritxiko zela eta Donostira joan beharrik ez genuela izango baina ez, ez eta ez

Berriro ezango dizut deziluzio haundi bat hartu nuen.Eta hemendik nire mesua Madina Jaunari "KONPONBIDEA BEHAR DUGU LEHENBAILEN"

Eta zuri Fernando esango dizut ez diogu ezer txarrik opa gure apaizari baina berak ere jarrera asko aldatu beharko du, eleizako gizon batek herri bat bide honetik gida behar du eta ez konfrontazio bat sortuz.

Bizitza honetan denak dauka "-Soluzioa" eta badut espoerantza laister izango dugula guk ere.

Agur Bat

Fernando Arzallus Iturri (2009/10/24 - 12:09)

Aizarna eta gizalegea

Aizarnako elkarteak erabiltzen duen apaiz-etxearen inguruko gorabeherak aspalditik datoz. Azken hilabete hauetan, ordea, Aizarna osora zabalduko den gatazka itxura hartzen diot nik gaiari, eta kezka handia ematen dit horrek.

Ez naiz sartuko arazoaren azterketa egitera, izango da-eta aukera gehiago horretarako.

Momentu honetan nire kezka zera da: arazo honetan Prontxio Auzmendi izendatu dute batzuk errudun bakar.

Jakin izan dut, behin baino gehiagotan pankarta bat hartuta, segika ibili zaiola jendea. Pankarta horietako batek jartzen omen zuen: Ataun [ez dakit zenbat] kilometro. Orain, berriz, Prontxio elizatik irten zain egoten omen da jendea, eta bistaratu bezain pronto txintxarriak jotzen hasten omen dira.

Ez dakit jabetzen ote diren Prontxiori jartzen ari diren zama astunaz eta eragiten ari diren kalteaz. Eliza-erakundeari egoztea arazoaren errua beste gauza bat litzateke, baina herriko pertsona baten bizkarrean jartzea erantzukizun dena ez da egokia. Apaiz-etxeko arazo horretan, bakoitzak bere ikuspuntua eduki dezake eta denak izango dute arrazoiaren zati bat, baina Prontxiorenganako jazarpen hori beste gauza bat da; hori zeharo kritikagarria da niretzako.

Eta kontu honetan gehien harritu nauena da aizarnar bat berak ere ez duela ezer esan publikoki, nik dakidala behintzat. Ez da batere egokia kanpoko batek gizarteratu behar izatea kontua, baina ezin izan dut gehiago agoantatu.

Lehen esan dudan moduan, Aizarnako arazo hori dela-eta, bakoitzak bere iritzia izan dezake, eta eskubide guztia du gainera bere errebindikazioak egiteko. Baina denak ez du balio. Errebindikazio horien gainetik dago pertsonaren duintasuna. Errebindikazioak egiteko pertsona baten atzetik segika ibiltzea ez da bidezkoa, gizalegearen kontrakoa da erabat. Eta zer esanik ez bere burua kristautzat dutenak ibiltzen badira hor atzetik: kontu horretan oso sentibera izan beharko luke kristau jendeak, are gehiago Prontxio herriko apaiza izaki. Ez dezagun ahaztu zer dioen Urrezko Araua delakoak, kristautasunak hasiera-hasieratik bere egin zuenak:ez egin lagun hurkoari zuretzat nahi ez duzunik!'.

Batzuetan pentsatzen dut, arazo honetan, Prontxio erasotu eta menperatu arteko onik ez dutela baten batzuk. Baina Aizarnako arazoa gauza bat da, eta pertsona, bestea. Prontxiok, pertsona gisa, bere eskubideak ditu, bere arrazoiak, bere duintasuna. Ez da bidezkoa pertsona bat, axolarik gabe, jazarri eta gaizki tratatzea.

Besteenganako errespetua eta giza duintasunaren alde jarduteko konpromisoa; horixe da errebindikazio justu batek inoiz ahaztu beharko ez lukeen portaera-araua.

Zestoa, 2009ko urriaren 21a. Fernando Arzallus Iturri

kontxi aizarna (2009/09/28 - 22:42)

Iruditzen zait sarritan nhastu egiten ditugula hainbat kontzeptu. Esaterako: Eliza, Gotzaitegia eta Parrokia. Garbi gelditu zen Gotzaitegian egon ginenean, eta horrela agertzen da Jabego Erregistroan ere, Aizarnako Erretoreko etxea Parrokiaren jabegoa dela. Nire uste eta jakite apalean, Parrokien gainetik Eliz Barrutiak daude, Gotzaitegiak nahiago badazu, eta denen buru Eliza deitzen den ente potente hori.

Parrokiarena izateak zer esan nahi du? Nork osatzen dute Parrokia? Gutxienez bertan bataiatuak izan garenok. Hortik abiatuta Aizarnan bataiatuak izan gerenona da Erretoreko, eta ni behintzat hori benetan horrela izan dadin borrokatzeko prest nago.

Parrokiako partaidetzat hartzen gaituzte dirua eskatu behar denean. Asko edo gutxi ematen den beste kontu bat izango da, baina eskatzeko orduan gurekin kontatzen dute, Parrokiako zerrendetan daude gure izenak. Zergatik ez etxe horren etorkizunaz erabakitzeko orduan? Orduan gure iritziak ez al du inongo baliorik? Galdetu ere egin al digute gure iritzia? Zer gara? Zertarako kontazen du herriko apaizak gurekin?

Bestalde, Kultur Etxea edifio batean ez bada bestean egin beharko da esatea "toalla botatzea" dela deritzot. Egia da pauso batzuk eman ditugula eta orain artean ez dutela emaitza onik eman, baina bidean goaz. Garrantzitsua deritzot Udal Batzarrean aho batez gure mozioari baietz esana. Horrela, gutxienez, negoziaketa bide berri bat irekitzen dela uste dut. Prontxiorekin hitz egitea lortzen ez dugunez, ea bere gainetik dagoen Gotzaitegiarekin hitz eginaz konponbide batera iristen garen. Ea Gotzaitegiak begiak irekitzen dizkion Prontxiori eta okerreko bidea hartu zuela ikusarazten dion.

Eta ez dugu ahaztu behar gatazka honen guztiaren sortzaile Prontxio bera izan dela. Bere ideia izan dela hau guztia eta Gotzaitegiak esan ziola aurrera! Joan den ostiralean, Udal Batzarraren biaramonean berak horrelaxe esan baitzien guraso elkarteko batzuei.

Denon indarrak batuz egin ahal izango dugu aurrera, baina horretako denok garbi eduki behar dugu zer nahi dugun. Nik garbi daukat: herriak egindako herriarentzat.

Jon Egiguren (2009/09/27 - 21:38)

Iritzi hau Kontxi Aizarnak, Aitzbarna Elkartearen izenean Kalaka programari begira egindako idatzia dugu. Hitza egunkariak argitaratu zuen 2009/09/26 -------------------------------------------------------------------------------------------------

Informazio eskubidearen izenean

Azken hilabete hauetan Aizarnako Aitzbarna Elkartearen gorabeherak eta herrian sortu den gatazka, hainbat komunikabideetan hizpide izaten ari dira.

ETBko Kalaka saioa egiten dutenen belarrietara ere iritsiak dira, nonbait, Aizarnako manifestazioetan erabiltzen ditugun zintzarrien oihartzunak.

Pozik jarri ginen Kalakakoek elkarrizketatu nahi gintuztela esanez deitu zigutenean. Euskal Telebistan agertuko da Aizarnan gertatzen ari dena, esan genuen geure artean.

Gatazkaren bi aldeekin hitz egin nahi zutela esan ziguten. Gu konforme. Joan zen asteazkenerako egin genuen hitzordua eta ostegun horretan bertan emango zuten elkarrizketa.

Hitzordurako 15 minutu falta zirela deitu ziguten elkarrizketa bertan behera gelditzen zela esanez; izan ere, gatazkaren beste aldeak, Prudentzio Auzmendi apaizak, ezetz esan baitzien. Berak ez omen dauka ezer esateko.

Mahai-inguru eta tertulia askotan entzun dugu honako esaldi hau: «Bi aldeak gonbidatu ditugu baina batek ez du etorri nahi izan, beraz, gaurkoz, alde bakar baten iritzia jaso ahal izango dugu». Zergatik Kalakan, orain, ez du balio esaldi horrek? Zergatik, orain, bi aldeetako informazioa edo bat ere ez? Zein argudioren baitan?Hori beti aplikatuko balitz jasotzen dugun informazioaren erdia ere ez genuke jasoko.Gatazkaren alde batek ez duela hitz egin nahi eta beste aldea mutu utzi behar al da? Hori al da informazio eskubidea? Hori al da adierazpen askatasuna?

Aspaldi ikusi eta ikasi genuen agintea bereganatzen duen partiduak lehen-lehenik eskuratzen dituen bi alorrak komunikabideak eta hezkuntza izaten direla, eta hori hala dela ikusten hasiak gara herritarren diruarekin hornitzen den Euskal Telebistan ere.

Dena dela, irakurleak jakin beza Aizarnan gertatzen ari dena ez dela herri txiki bateko liskar txiki bat bakarrik. Ez horixe! Arazoa oso potoloa delakoan gaude, eta gure herrian gertatzen ari dena, Euskal Herriko beste herri askotan ere ari da gertatzen, con la iglesia hemos topado, alegia.

Kontxi Aizarna, Aitzbarna Kultur Elkartearen Izenean. Aizarna.

Jon Egiguren (2009/07/22 - 22:34)

Idatzia eta iritzia

Aipatzen duen batzordekoa naiz eta epe luze batean ibili gara akordio baten bila, baina ezin izan dugu lortu. Beraz batzorde orokorrak hartu zuen erabakia ezin izan dugu adostu.

Ez dugu lortu, Elizak eta Erretoreak daukaten proiektu horretan oso itxiak daudelako eta beste alternatibarik ez dutelako onartzen eraikuntza horretan, baina proiekto honek 100 laguneko elkarte bat kaleratzen du.

Ez diogu ukatu Elizari eraikuntza honen jabetza, baina erabiltzerakoan herritarrak ere zerikusia izan behar dutela erreibindikatu bai. Herritarrak esaten dut, ez eliztarrak bakarrik.

Gaur egun Aizarnako parrokiak duen ondarea, ez da eliztarrak egindakoa bakarrik, Foru Aldundiaren diru laguntzari begiratu ondoren data hauek ikusten dira: "1988 urtean 11.700.000 pzta, 2003an 53,500 euro, 2004an 117.000 euro, 2005ean 80.000 euro", eta herritarrak emandakoa aparte.

Udaletxeak ere ez dakit horrelako diru kopururik erabili duenik herriko zerbitzuak hobetzeko orduan.

Aizarnak behar duen Kultur Etxe baten alde lan egiten saiatu gara, eta eraikuntza batean ezin badugu proiektu hau aurrera atera, beste batean ateratzen saiatuko gara. Dena dela eliztarrak ere arduratu behar dute proiektu hau lortzen.

Eliza dotoreak eta urrezko santuak bakarrik ez dira nahikoa herri bat osatzeko, zerbait gehiago ere behar da, baina guk ahaleginak egin arren ez dugu akordiorik lortu. Orain udaletxeari dagokiola uste dut bide egoki bat bilatzea, arazo hau lehen bailen bideratzeko.

Juan Egiguren

------------------------------------------------

Sres y. Seras. Comisionados de Kultur Elkartea denominada Aitzbarna: Juanito Egigurem Imaz, Jose Maria Gurrutxaga Goenaga, Lurdes Elorza Mugika.

Prudencio Auzmendi Garmendia, parroco de la Parroquia de la Asuncion de Ntra Sra de Aizarna Zestoa:

Expone:

1º Que la parroquia, la Asuncion de Ntra Sra de Aizarna, como bien se refleja en el contrato convenido, extendido y firmado por Jose Maria Bergara Etxabe, representante de esa Kultur Elkartea, por Jose Maria Madina, Vicario Episcopal, Asuntos Economicos y por prudencio Auzmendi, parroco de la `Parrokia, es propietaria del bajo de la casa rectoral, sita en la calle Santa Cruz,1 de Aizarna.

2º Que este contrato se realiza con las siguientes estipulaciones; citare alguna que otra. Todo lo teneis en el connrato denominado "REUNIDOS" Zestoa,2002, Irailaren 25ean.

5º No pudiendo efectuar, bajo ningun concepto obras en el mismo, sin autorizacion escrita del propietario.

9º Al termino de este contrato, el "precarista " se compromete a entregar el local cedido al propietario.

Refiriendose al punto 9º dire que "Kultur Elkartea"no ha cumplido con su cometido: asi de claro y sencillo en lo que respeta al periodo de cesion del local.

Refiriendome al punto 5º ¿ Que dire da la autorizacion de obras ? En una ocasion se me pide retirar el banco largo del cura Santa Cruz, guerrillero y despues misionero en America para colocar un botillero y resulta que nos colocan dos armarios grandes.Un banco antiguo de antiguedades donde las hay¡¡¡¡.Cura Santa Cruz >botillero >dos Armarios > al montador le dije : que esto no se repita, y que la obra de la cocina no se ejecute > Anteayer paso por Erretorekoa a dejar el periodico Gara . No tarde en ver un anuncio que invitaba a no asistir al lugar los dias viernes y sabado.Sukalde Berritze lanak ziohen . Eta autorizazioa nun?

A partir del contrato "Reunidos" hemos hablado entorno a este tema del local en mas ocasiones diferentes para que dejeis y busqueis otro lugar y ruego que lo hagais.No quiero ir mas alla, pero se puede andar,

Parroco = Prudencio Auzmen

Jon Egiguren (2009/05/03 - 20:27)

Aize Errotak

Eusko Jaurlaritzako Industria Sailak eta Orisol empresak Gazumen haize errotak jartzeko proiektua bideratzen hasiak dira dagoeneko, hamabost errota haundi kokatzea du helburu proiektu honek. Bakoitzaren neurriak honelakoak dira: altura 70 metrokoa, hegoak 25 metro eta gerriak duen loditasuna buelta osoan 11 metro edo 433 ontza.

Eztabaida dagoeneko kalean dago, batzuek alde eta besteak kontra. Aldekoen argudioa energia berriztagarrien beharra dagoela da, nuklearrak eta termikoak alde batera uzten joateko.Besteek diote Gazume mendia dena industrializatuko dutela eta gaur egun mendi gain horretan naturarekin dagoen aukera pikotara joango dela esaten dute.

Beste herri aurreratuek bezala energia asko konsumitzen dugu Euskal Herrian, eta hau generatzeko kutxadura ugari botatzen dute gaur egun ditugun zentralek. Seguru nago atzerrian zentral nuklearretan egiten duten energia ere konsumitzen dugula.

Haize errotak egiten, industrigintzak maila egokia du Euskal Herrian eta beste herrialdetan jartzen badituzte guk ere akordiotara iritsi beharko dugu gai honetan.

Energia berriztagarrien aurka ez dut uste inor dagoenik, baina kokatzerako orduan dago arazoa, ez ditugu ikusi nahi guk maite ditugun mendietan, baina aldaketa egin nahi badugu, zerbait egin beharra daukagu.

Iritzia emateko hasi naiz idazten eta neurea emango dut orain. Ernio mendian asko ibili naiz eta beti “salbaje” ezagutu dut eta ez dira nire gustokoak izango beleta hoiek, baina energia berriztagarrien aldekoa naiz eta nahiago ditut hauek mendian ikusi hiri inguruetan zentral kutxatzaileak ke beltza botatzen baino.

Aizarnar bat (2009/04/06 - 22:05)

Apirileko argazkietan ikusi ditut Aizarnarrak artisau lanetan, esku lanetarako tailerra antolatu eta jota ke ari dira lanean, honelako ekintzak antolatu eta martxan jarri dituztenak merezi dute zoriontzea.

Segi aurrera holaxe¡.

Jon Egiguren (2009/02/11 - 19:10)

Koldo Saratxaga empresa zuzendaritzan lider karismatikotzat daukagu gaur egun. Irizar empresa kudeatu eta aurrera irtetzen lan ugari egindako gizona dugu, eredu berriak erabiltzean pertsonak hartzen ditu ardatz enpresa munduan.

Argia astekarian egindako elkarrizketan, gaur egun enpresa munduan dagoen eredua diktadura dela esaten du. Gai hau sustatzeko (harreman estilo berri bat) liburua idatzi berria du.

Oraindik ez dut irakurri baino ados nagoela esan behar ematen dituen iritziekin.

Jon Egiguren

----------------------------------------------------------------------------------------------------------

Zure kudeaketa ereduak pertsonak ditu ardatz eta oinarri, han eta hemen hamaikatan adierazi duzunez. Ez ote dago pertsonak beste faktorerik?

Hara, nik horixe dut errezeta: pertsonengan sinetsi. Gainerakoa, ondo dator. Era berean, ezaguna da, hori ere hainbestetan esan dut eta, niri dagokidanez sineste hori erraietatik datorkit. Beti nahi izan dut hau eta hura ezagutu, baina ez kopiatu. Ikasle nintzen garaian bai, kopiatzen nuen, baina batere motibatzen ez ninduten irakasle eta ikasgaietan. Kar, kar, kar… Nonahi eta beti, pertsonak dira arrakastaren giltza. Atzo eta gaurko erakunde guztiek horixe egiten dute, baina badago alde handi bat, bai azalean, bai mamian: gehienek, indarrean dagoen ereduaren arabera jokatzen dute, 1913an asmatutako eredua, erakunde militarrek sortutakoa. Badakigu zertan den eredu hori: bakan batzuek pentsatzen eta agintzen dute; beste batzuek bitartekari eta kontrolatzaile lanak egiten dituzte; gehienek, azkenik, obeditzen dute, eta lan egiten. Gure iritziz, ostera, pertsonengan inportanteago dira gaitasun intelektual eta emozionalak, fisikoak baino. Are gehiago pentsatu eta sentitu behar da, egin baino.

Lurdes Elortza (2008/11/20 - 13:59)

Aizarnan gure eskola txikiko guraso elkarteak gimnasiko klaseak astean bitan jartzeko oharra egin dute. Herrian jarrera hona erakutzi da, amabost lagun gaude zerrendan. Gaur Azaroak 20 gaueko sortziretan dugu bilera zestoako monitore batekin. Adin gustietakoak gaude, emakume eta gizonezko eta pozez hartu dugu "iniciativa hau" Eha pixkanaka horrelako aktibidadeekin gure herri txikia pixten dugun. Anima zaitez eta etorri zu ere!

Agur

Lurdes Elortza (2008/11/20 - 13:51)

Jon Egiguren (2008/11/11 - 22:11)

JESUS (aproximacion historica), Jose Antonio Pagolak idatzi berria duen liburuak, eztabaida asko ekarri du azken aldi honetan, eta gaiak niri ere zomorroa sortu dit barrenean. Liburua irakurri ondoren, zerbait osatu dut nire iritzia gizon honekiko.

Ez dut gaitasun handirik erlijio aldetik, baina jaso eta ikasi dudana oso ikuspegi ilunetik begiratutakoa dela iruditzen zait, baliteke Aste Santuko pasioaren eragina izatea behar bada!.

Jesusen pasioa, gurutzean izan zuen heriotzarekin gehiegi lotuta erakutsi digute predikadore honen bizimodua, beti sufrimenduaren alderditik begiratuta,eta beste alderdia berriz Jainkoaren semea izatearena azpimarratu digute, gehiegi behar bada!.

Ebanjelioetatik parabola egokiak azaldu dizkigute, baina askotan mirariekin gehiegi lotuta.

Pagolak berriz beste ikuspegi batetik begiratzen dio Jesusen bizitzari, gizona izanik gizarteak zituen arazoetan buru-belarri sartuta azaltzen du, beti behartsuei laguntzen, gaixoak sendatzen eta injustiziaren aurka.

Behartsuekin eta gaixoekin, baina askotan mahai inguruan ikus dezakegu ardo eta janariak tarteko direla bizitzak alaitzen, gainera egoera honetan predikatzen zuen gehien bat.

Juduen elizak zituen arauak oso zorrotzak ziren garai haietan, pobreak eta gaixoak ez zituen onartzen bere barruan, eta elizako arduradunek Jauregi eta etxe egokietan bizi ziren. Jainkoak laguntzen zielako esaten zuten, behartsuak eta gaixoak berriz etsaiak zituzten lagun.

Jesusek egoera hau ez zuen onartzen, arauak alde batera utzi eta beste bide bat predikatzen jarraitu zuen, baina Kaifas bezalako arduradun askok beren egoera arriskuan ikusi eta heriotza zigorra ezartzeko, Erromatarren esku utzi zuten.

Zein zen gizon hau, Jainkoaren semea? justizia eta berdintasuna predikatzen zuen gizon arrunt bat? bakoitzak erabaki dezala sinismenaren arabera.Nik gehien bat zientziak demostratzen duena sinisten dut behintzat.

Dena irakurri ondoren nire ondorioa hauxe izan da, gaur egun ere mundu zabal honetan honelako predikadore bat iritsiko balitz eta kolokan jarriko balitu, Elizak eta estatuak dituen zutabeak, gauza bera pasatzeko arriskua legoke.

Jon Egiguren (2008/07/13 - 22:25)

Aizarnako herri elkarteari egindako proposamena dela eta, zeresan asko eman digu bertako bazkideei.

Proposamen berri hau parrokiko arduradunak eta herriko erretore jaunak egindakoa dugu, eta ahoz jakinarazi digute eraikuntza hau beraiek erabiltzeko behar dutela.

Lehenengo solairua erretore etxea izan behar duela, eta elkarteak behean dagoen solairua erabiltzeko aukera izango duela.

Beste solairuetan etxebizitzak egitea zela bere helburua, berrikuntzak finantziatu ahal izateko.

Proposamen hau aztertu ondoren ez onartzea erabaki zuen elkarteak, eta eraikuntza honetan kultur etxea lortzeko bideak irekitzen hastea.

Bide honetan pauso asko eman ditugu herrian, sinadura bilketak , elizako arduradunekin bilerak eta abar. Udaletxeari berriz bildutako sinadurak eman ondoren bide hau irekitzen laguntzeko eskaera ere luzatu diogu, Aizarnari dagokion eraikuntza egoki eta egonkor bat lortzeko.

Hauek izan dira orain arte elkartearen ordezkariak eman ditugun pausoak.

Elizaren argudioak berriz oso bestelakoak dira, parrokiak duela eraikuntza honen jabegoa eta berari dagokiola kudeatzea, berak dituen beharretarako erabiltzeko. Gainera, herritarren beharretarako erabiltzen utzi duela urte asko direla argudiatzen du.

Argudioak aipatzerakoan, eskola zaharrarena gehitzen diote, eskola berria egin ondoren udaletxeak berreskuratu dituen eraikuntzak hutsik direnez bertara bideratzeko eskatzen dute eta parrokiarena libre utzi.

Baina egoera berria lortu arte beraien partetik ez ziotela elkartearen erabilpenari eragozpenik jarriko baieztatzen dute.

Beste elkarte bat lanean hari dena ikasleen guraso elkartea dugu. Hauek ere eraikuntza egoki bat eskatzen dute, eskolako orduetatik aparte haurren hezkuntzan jarraitzeko, ludoteka, liburutegia, eta abar.

Eraikuntza faltarik ez du herriak, daletxeak eskola zaharra berea du behetik goraino eta parrokiak berriz erretore etxea behetik goraino. Biak ere herritarren izerdiarekin eginak dira eta horregatik herriarentzat izan behar dute, orain arte hala izan badira aurrera zergatik ez ?

Udaletxeko gehiengo batek ere ez du eskubiderik gaur egun, parrokiak dituen eraikuntzak kudeatzeko eta helburu horretara iristeko akordio batera iritsi beharra ikusten dut, inposaketa batean erori gabe.

Nire ustez akordio hau lortzeko udaletxeak egin behar ditu ahalegin guztiak eta akordio batetara iritsi ezean beste aukera egoki eta egonkor bat bilatzen saiatu beharko luke.

Aizarnarenak diren eraikuntzak erabiltzeko eskubidea, aizarnarrak dute.

Jon Egiguren (2008/02/01 - 22:41)

Animaliak kalean izan behar duten tratamenduaz, araudi berriak ezartzera doa Eusko Jaurlaritza, eta bada zer esanik zezenzaleen artean.

Ikusi berriak ditugu araudi berri honen aurka protesta bat baino geihago, baina ez pentsa eztabaida hau gaurkoa denik.

Batzuk zezenak plazan torturatuta hiltzen dituztela esaten dute, besteak berriz ez dutela sufritzen horretarako arraza berezia delako.

Zezenak, idi probak, oilasko jokoak, ahari jokoak,eta abar, aspalditik erabiltzen ditugu gure herriko jaietan, baina horrek ez du esan nahi tratamendu bera eman behar diegunik.

Gaur egun animaliekiko gizakiak duen sensibilidadea asko aldatu zaigu.

Ez naiz zezenzalea, eta ezin dut ulertu plaza batean animalien sufrimendu edo heriotzarekin gozatzea.

Ez dut ezagutzen araudi berri hau, baino nire iritzia tratamendu hoiek askoz zorrotzago erabiltzearen aldekoa naiz.

Uztarria aldizkariak duen orri dijitalean, blogari batek azaltzen duen aspaldiko idatzi bat (1911. urtean idatzia) kopiatuko det zuzenean, orduan ere gai honek ematen zuen zer esana.

Jon Egiguren -------------------------------------------------------

EUSKALERRIAREN ALDE "Revista de Cultura Vasca- año I. Num. 5 IDI APUSTUAK"

Izenburu honekin berarekin argitara eman zen Euskalerriaren aldeko lehen alean artikulua, non Bizkaiko Gobernadore jauna zoriontzen zen probintzi hartan idi apustuak egotea debekatu zuelako.

Egun hauetan ikusi dugu egunerokoetan notizia, berriro ere baimenduak izango direla ikuskizun barbaro haiek nahiz eta horretarako zenbait baldiuntza exijituko den.

Hala genion gure artikuluan. Gai honetan radikalak gara, eta gure asmoa da borroka ezduin hoiek errotik desager daitezela. Idi eta behien apustuen etsai gara, antzaren jokoena, aharien topetakadena eta inkultura erakuskeria eta sentimentuen gogorkeria adierazten duten ikuskizun guztiena.

Gure sentipena auzi honetan garbi geratu zen une egokian.

Idi apustuena -genion orduan- ez dugu ulertzen ez eta nola existitzen diren ere; ezin dugu ulertu nola gure baserritarrek, idiak, beren familiako jendeei dietenari inbidiarik ez dion kariñoz maitatuz, nola martirizatzen dituzten gero plaza publikoetan, gure lotsarako Gipuzkoako herri askotako plazetan dagoen, beste helbururik gabe, harri ikaragarri bat garraiatzeko zigortuz eta eztenkatuz. Idi gizarajoak, larrua odolez eta izardiz estalita, ahotik aparra dariela, luzatu eta kizkurtu egiten dira, erori eta altxatu, arnas estuarekin ibiltzen dira harria garraiatuz kolpe eta eztenkada artean, inguratzen dituzten zaleen deihadar basatiak zirikaturik.

Oraindaino ez ziren maiz gertatzen: inoiz edo edo behin egunerokoek lasai kontatzen zizkiguten protestarik gabe irakurtzen ziren ankerkeriak. Orain egunero gertatzen da berdina; ikuskizun ezduina bere esparrua zabaltzen ari da. Noraino eta ia gutxiraino non periodikoek zabaldu duten notizia jokoetan euskaldunena denerako eraikitako hiri bateko plazan –antzina kultura gipuzkoarra ateratzen zen- lehiaketa bat ospatzera zihoan, diruz saritua, inkultura alarde hoiek ordaintzeko.

Ikuskizun honek amaitu egin behar du, ezin dezake denbora gehiagoz jarrai. Proba ezduin hauen desagerpena beharrezkoa da; ezinbestekoa da, plaza publiko askotan, sen ondoltsuen salatari, dauden harriak hauts eginda uztea.

Diputazio txit gorenak, nekazaritzaren alde hainbeste laboratzen duenak, ahal duen guztia egin behar du, ezer ahal badezake, joko hauek mugatzeko eta esku gogorrez zigortzeko, kupidarik gabe, bere langintzaren kontran, odola eta eszena inhumanoen zaletasuna herritarren artean piztu edo gehitzen dutenak. Eta Gobernadore jaunak lortzen badu proba hoietarako baimen batek berak ere Gobernu zibilaren ataritik ez irtetea, ikuskizun hau makula bat dela uste dugunon eskerron egiazkoa izango du.

Eta zer esan antzar jokoaz? Ikusitako ikuskizunen oroigarri bezala aipatze hutsak izularria eragiten du. Joko hori, bada, gure zelaietako oihal berdean egiten da; danbolin hotsarekin dantzan egitera etorritako jende xumearen artean. Antzar gajo bat ikusi dugu hanketatik zintzilik, etsita balantzan, eta zaldun batzuk iksui ditugu agudo korrika eskuak luzatzen antzararen aldera, bere azpititk igarotzean, ezpata kamuts batekin zaztada emateko edo tirakada beldurgarri bat ematen abere gixagajoari lepoa etenez, gainerantzekoa zintzilik eta odol jariotan uzteko.

Ikusi nuen bai, ikusi, eszena nazkagarri hori Gipuzkoa kulto honetan, ikusi nuen herririk basatienentzat ere ezduina den joko hori, arbola ostotsuz eta baserri zuriz inguratua. Ez jokatzen dutenak eta ez ikustera joaten direnak daukate barkaziorik, baina hutsa chistu-a entzutera joanak, aurrean duten guztia ikustea, hutsa jokalariek ere, txalo lausengarien irrikiz, ankerkeria ekintza hauek egitea.

Inolaz ere gerta ezin daitekeena da festa antolatzaileek baliabide anker hoietara jo beharra eta, agintariek, ia beti antolatzaile, dibertsio barbaro hoien ospatzea ametitzea agintzen duten herrietan.

Apaiz jaunek ere moraltzeari ekiteko bide bat daukate festa hoien abolizioan, bihotzetan ekintza nardagarri hauek gaitzetsiko dituzten sentimendu eztiak txertatuz.

Baina agintariek ez dute aholkua eman behar, debekatu egin behar dituzte, behin betirako, gure herriaren izen onarentzat atentatuak diren hoiek.

Ez da falta izan, lehen aipatutako gure artikulua irakurri ondoren, ikuskizun hauen hain kontra geure burua erakutsi dugunok zezen korriden kontrako hitz erdirik eduki ez izanarekin harritu direnak.

Gure isiltasunaren esplikazioa soila da. Zezen korridak ez dira Esukalerrian bakarrik burutzen diren ikuskizunak; hauek desagertarazteko gure ahaleginak alperrikakoak izango lirateke. Ojala hala ez balira!

Gainera uste dugu egungo euskaldunen zezen korridetarako zaletasuna itxura gehiago dela errealitatea baino. Badirudi zezen plazarik gabeko herri ertainik apenas dagoen herrialde batek muinetaraino sartua behar duela zaletasun toreroa.

Hala ere, hona Gipuzkoa, sei zazpi zezen plazekin, zaletasuna inondik ere bistaratzen ez zaiola.

Plazak, hiriburukoa kenduta, herriko jai egunean bakarrik zabaltzen dira, jendea zezenetara egun horretan eskainiko litzaiokeen beste edozein ikuskizunetara jonago litzatekeen bezalaxe joaten da.

Eta hiriburukoak bere ateak itxita edukitzen ditu atzerritarrena multzorik nagusiena ez den bitartean.

Gipuzkoako plazei ez die eusten zalego gipuzkoarrak; Donostiakoa kanpoko zaleei esker bizi da, eta herrietakoak urtean behin zabaltzen dira, mila arretarekin eta herriko festa egunean bertakoak zezenetara joango diren esperantzan, izan ere egun hoietan jendea prest baitago egiten zaizkion dibertsio promesa guztiak entzuteko.

Zaletasuna, beraz, itxura da asko. Eta noski, gure esku balego guztiz desagertaraztea, ez genuke ahaleginik txikiena ere egin gabe utziko.

Ez dago esan beharrik inkultoak eta inhumanoak izateagatik antzar jokoak, idi probak, etab. arbuiatzen ditugunok, arrazoi askoz ere gehiagorekin arbuiatzen ditugula zezen korridak, hauek mila aldiz krudel eta barbaroagoak bait dira haien aldean, lentejuelazko eta urre harizko jantzi dotore diztiratsuan bildurik azaltzen baldin bazaizkigu ere.

GREGORIO MUJICA

Jon Egiguren (2007/11/02 - 23:00)

Egunkari bat irakurtzen hari nintzela Errepublika garaiko legediari buruzko artikulo bat ikusi nuen,eta niretzako errepublika garaia erakargarria izan denez irakurtzeari eman nion.

Elizaren ondareak norek eta nola erabiltzeko legediaren berri ematen zuen.

Garai aietako pentsakera eta gaur egunekoa ez dago konparatzerik baino begira garai aietako aitonak zer legedia ezarri zuten elizaren ondareak erabiltzeko garaian.

Legedia luze xamarra denez denek ezin dira emen azaldu baino hoietako batzuek nahiko garbi azaltzen dute errepublikanoen pentsakera gai honi buruz.

Art.11 Pertenecen a la propiedad publika nacional los templos de toda clase y sus edificios anexos,los palacios episcopales y casas rectorales,con sus huertas anexas, o no, seminarios, monasterios y demas edificaciones destinadas al culto catolico o de sus ministros. La misma condicion tendran los muebles, ornamentos, imágenes , cuadros, vasos, joyas, telas, y demas objetosde esta clase instalados en aquellos y destinados expresa y permanentemente al culto catolico.

Art.12 Las cosas y derechos a que se refiere el artikulo anterior seguiran destionados al mismo fin religioso deel culto catolico, a cuyo efecto continuaran en poder de la Iglesia catolica para su conservacion, administracion y utilizacion según su naturaleza y destino. La Idlesia no podra disponer y se limitara a emplearlos para el fin que estan adscritos.

Art. 16 No podran ser cedidos en ningun caso los templos y edificios, los objetos preciosos ni los tesoros artisticos e historicos que se conserven en aquellos al servicio del culto de su esplendor o de su sostenimiento. Estas cosas, aunque sean destinadas al culto, a tenor de lo dispuesto en el articulo 12, seran conservadas y sostenidas por el Estado como comprendidas en el Tesoro artistico nacional.

Jon Egiguren (2007/05/21 - 22:25)

KARTIN ZALE GAZTEA

Joseba Arambarrik badirudi kartiñak gidatzen nahiko trebea degula, Gipuzkoako txapelketan bigarren sailkatu zaigu Aizarnako gazte hau. Olaberrian eta Bilariñok dituen pistetan ospatu ziren txapelketa hauek, 1991 eta 1994 artean jaio ziren 200 gaztek hartu zuten parte. Aizarnan kartinak gidatzeko ez daukagu leku askorik baina badirudi mutil honek bilatu duela toki egokiren bat. Zorionak eta jarraitu “Formula 1” ko gidari izatera iritxi arte. Albistegehiago www.vilarinomotor.com

iker astarloa (2007/03/21 - 22:19)

bazan garaia! Hortik badabil norbait Aizarna bihotz-bihotzean duena eta ezkerrak heman nahi dizkiot Aizarnaren iraultza horrela adierazteagatik.Oso polita da horrelako gauzak gogoratzea, bai gazteontzat, bai helduontzat.AUPA AIZARNA!!BIHOTZEAN ZAITUT!!

ander eizagirre (2007/01/17 - 17:03)

oso ona iruditu zait aizarnak duen itxura eta zo rionak eman nahi dizkizuet egin duzuen lanarengatik oso ondo sailkaturik daude argazkiak eta gainera oso argazki oso onak dira. Ez dakit nor zaren baina nire aitak esan dit esagutzen zaituela eta zuk ere esagutzen duzula josu eizagirre irure baserrikoa ea argazki gehiago lortzen dituzuen.

Jon Egiguren (2006/12/26 - 12:56)

Eguberri inguruan ohitura dugu pasa den urtearen gora-beherak aipatzeko, eta aipatu bakarrik ez, azterketa sakon bat egitea ere egokia iruditzen zait niri. Egokia izateaz gain beharrezkoa ere esango nuke, egin ditugun ekintzak aztertuaz: zer egin dut gaizki, zer egin dut ondo, zer utzi dut egin gabe... Elementu positiboak ala negatiboak, zein izan dira nagusi igaro den urte honetan? Garrantzi haundiena bakoitzak bere buruari egindakoak izango du behar bada, akats berak gertatu ez daitezen datorrenean. Baina, jarraian, bere auzoak edo herriak izan dituen gora-beherak aztertzea ere egokia litzateke. Bakoitzak maite duen Aberria eta munduaren egoera baztertu gabe. Nire buruari egin diot azterketa hori. Emaitzik ez dut azalduko, kaxkar xamarra irten dit-eta. Baina Aizarnari dagokionean, elementu positibo asko ikusi ditut aurten herriaren osaketan, elkarren arteko hartu-emanetan. Eta pakearen esperantzak ere ilusio handia sortu Aizarnarren artean. Eguberriak beti dira ilusiozko egunak: familien elkartasuna sustatzen laguntzen du, erregaliak trukatzen dira, janari goxoak dastatzen ditugu, kaleak argi bereziekin adornatzen ditugu, eta abar. Orain arte argi berezi hauek ikusteko aukerarik ez dugu izan Aizarnan, baina aurtengoan baditugu herriko kaskoan, eguberriak alaitzen laguntzeko. Zorionak eman behar udaletxeari Aizarnan ere eguberriak ospatzen ditugula gogoratu izanagatik. Jon Egiguren

Lourdes Elortza (2006/09/18 - 22:29)

Kaixo: Hemen nahiz berriro,oraingoan nire poza adierazi nahi dut,horrenbeste saio egin da gero Aizarnako etxe bizitzak egi biurtzen hasi direlako. Gutxiago ez izateko berriz Eskola ere martxan dugu. Pixkanaka gure Herri txikia bezain polita izaten segi dezala eta berrikuntza guztiekin martxa pixka bat lortu dezagun.

Baita ere Landetxe berri bat dugu "Aramburu" berak ere parte hartzen du gure herria animatzen eta osatzen.

Horregatik nire eskerrak lan hauetan parte hartu dezuten guztioi,egiten den guztia Aizarnaren honerako izan dadila.

Lurdes Elortza

JON EGIGUREN (2006/01/04 - 23:21)

Eguberriak igaro ditugu, eta urte berria astera goazen honetan Iritzi bat emango det “jai giro hauen inguruan” Aizarnako sarreran zuaitz politak ikusi ditut, argüí dizdiratsuak piztu eta itzali direla urte sasoi honetan toki askotan ikusten ditugun bezala.

Plazan “eskolako balkoian Olentzero polit bat ere bai kalera begira ikusi det,eta Elizan jaiotza polit bat ere bai.

Baina herriko plazara begiratu eta urte sasoi honetako itxurarik ez diot ikusi beste herriak duten bezala.

Ez ote du plaza onek eguberrietan hornitzerik merezí?

German Zelaia (2005/12/11 - 17:55)

Gauza bat argitu nahian idazten dut; nire bertsoak dira hemen ageri direnak, baina ez horregatik nik bidaliak. Nik badakit hau Jonen lana dela, aitortu izan dit bertso hauek gustuko dituela. Eta eskertzen diot benetan, bai berari baita animoak emanez idatzi duen bertsozale anonimoari ere (nahiz eta jakin badakiten nor den idatzi duena). “Berrirooooo”, azken bertso hauek, sarituak izan dira, hori niretzat izugarria izan da. Oso gustura hartu nuen bigarren saria, jakinik lehenengoa hartu zutenen maila nolakoa zen. Baina “Sotanapeko dotrina” bertso sortak saririk jaso ez bazuen ere, egundoko arrakasta izan du, leku askotatik eskatu baitizkidate. Hurrengorako baditut beste batzuk eta neuk bidaliko ditut.

Haurra nintzenetik naiz bertsozale, gogoan ditut Teixaneko Antoniorekin egiten nituen bertso saioak eskolatik irten eta gero. Garai hartan ez zen pasa bertsolaririk nik entzun gabe Aizarnatik. Akordatzen naiz Basarri eta Uztapidek Martineneko balkoitik Erretore Xarraren omenaldian nola kantatu zuten. Eta baita gogoan hartu nuen bertso bat ere. Zortziko handian saioa egin ondoren, gero puntutan izan ohi zen eta puntuetako batean honela esan zuen Uztapidek: orain bi hilabete enteratu niñun … Basarrik hurrengo bertsoan galdetu zion:

Basarri:

Zer enteratu ziñan orain bi hilabete

Uztapide:

Roberto jarri zala Aizarnan alkate

Basarri:

Horrekin etzan izango inorentzat kalte

Uztapide:

Meza nagusian e egoten da tente

Meza nagusian tente egon ohi zen jendea lekua uztegatik, (orduan gaur baino jende gehiago joaten baitzen mezetara) horretaz ariko da edo bertsoa osatzeko modua besterik ez da izango. Hauez gain Aizarnan bertsotan ezagutu ditut beste hainbat ere: Mitxelena, Azpillaga, Lasarte, Egileor, Joxe Lizaso, Imanol Lazkano, Joxe Agirre, Lazkao Txiki eta Amuriza bere sotana eta guzti. Horietako beste saio bat gogoan dut, Imanol Lazkano eta Joxe Agirre, Luistarren festa batzuetan. Oso famatuak ziren Luistarren jaialdi haiek, pilotariak, aizkolariak, korrikalariak, bertsolariak… denetik izaten zen. Horietako batean 1962-63 alde horretan, gogoan dut Sakatarrak (ez ziren motelak!) bi apaizen kontra nola jokatu zuten pilotan. Apaizek irabazi zuten eta ondoren etorri zen Agirre eta Lazkanoren bertso saioa apaizen indarra aipatuz. Izan ere bedeinkazio garaia pasatu berria zela esanez eta oilaskoak izaten zirenez ordainetan, ezagun zela oilaskoak jandakoak ze indarrean zeuden. Oilaskoa jan zutenei ez zitzaien hainbeste inporta haiek esaten zutenagatik, baina han zegoen Erretore Xarra esanaz: “ez al dago gizonik horiek isilarazteko!!”. Hain zen petrala erretore hura!. Kontutan harturik Erretore Xarra eta bedeinkazio garaia sasoi hartan oso garrantzitsua zela, badut pasarte bat kontatzeko Erretore Xarrarena. Ekain aldera hasten zen baserri eta soroen bedeinkatzea, eta aurreko igandean esaten zuten zein bailarara joango ziren hurrengo astean bedeinkatzera, eta ordurako prest egoten zen baserriko jende guztia, bere ardo goxo, gailetarik onenak eta ordainetan eman behar ziren oilaskoekin. Igande batean Erretore Xarrak sermoian hurrengo asterako zita jarri zuen Elarritza erreka eta Anatxan bailararako. Han zegoen jende guztia prest, etxez etxe eta tragoz trago, Erretore Xarra ere mozkortzera ailegatu zen, edanez gero txerria ere mozkortu egiten baita. Gero kontuak etxera bidean, honela esan zion bere akulitoari: “mutxatxo, joan adi etxera, ni joango nauk-eta”. Akulitoa ez dakit nor zen Segundoneko Joxemai edo Xalamuneneko Joxe Antonio ( Beraiek argitu dezatela). Gau gogorra zen orduko hura, trumoi, tximista, kazkabarra… Eta gure Erretore Xarra, kanpo eta barru bustita, hurrengo goizeko meza emateko garairako ez zen iritsi nahiz eta berez oso puntuala izan. Handik pixka batera han azaldu zen Illurdain astoa trallan, Erretore Xarra gainean hartuta, eta simitaioko petrilaren gainera jaitsi zuen. Gaur barre egiten dugu orduan ez dakit zer egin genuen.

Jon Egiguren (2005/10/26 - 22:08)

SAIOARI ERANTZUNA:

Egokia litzateke behar bada jaiak ospatu eta jarraian argazkiak sarean sartzea, proposamena egokia iruditzen zait.

Baino orain arte ,herriko jaietan argazki erakusketa bat egin izan dut,argazki guztiak herritarrak ikusi ahal dezaten.Bost urteko bilduma batekin erakusketa bat osatuaz.

Azken azalpena 1995 urtetik hasi eta 2000 urtekoak barren direla egin nuen erakusketa, eta 2000 urtetik hasi eta 2005 urtekoak barren, beste argazki erakusketa bat egitea dute bere helburua. Herritar guztiak ez dute oraindik aukerarik, sarean dauden argazkiak ikusteko eta sarean azaldutako argazkiak berriz ez dute balio handirik erakusketa baterako.

Proposamena egokia iruditzen zait eta 2006 tik aurrera sarean jartzea izango da nire helburua .

Laster izango dira sarean 1995 eta 2000 garren urteko argazki egokienak.

aizarna bihotzean duen bat (2005/10/11 - 19:53)

Herri honetan jaioa ez izan arren, bertakoek egiten diguten ongietorriarengatik eta bertako giroagatik, eskertu nahi nituzke aizarnar guztiak eta horrela jarraitzeko animatu!

La salle ko irakasleak (2005/07/05 - 11:29)

Aupa Jon eta Arantxa: La Salleko irakasleen izenean jakin dezazuela liluratuta geratu ginela zuen etxe puxka horrekin eta benetan primerako arratsaldea pasa genuela. Datorren urtean errepikatuko dugulakoan; Eskerrik asko eta besarkada bero bat jaso.

Donostiako La Salleko irakasleak.

Lurdes Elortza (2005/06/24 - 10:12)

Horri honen bitartez adierazi nahi nieke Aizarnako herritar gustiei, beti bezala AFARI HERRIKOIA izango dela abuztuaren 14'an. Ilusio ozoz gabiltzala gazteak tarte gure herri txiki hontako festak antolatzen.

Afariari buruz nahi nuke esan, batez ere herritarrak biltzea nahi dugula, bai kale eta baserri, erne izateko afaritako zarrerak hartzeko, eta zu, Aizarnakoa bazara saiatu zaitez zure ingurukoei adierazten.

Gauza bat ziurtatzen dizuet, bezpera izango dela beti bezala herri girorik onena. Aipatuko nahi dut ere gure Eleizaren berrikuntza, ez dago ziur oraindik Abuztuaren 15an meza nagusia bertan izango dugun.

Laister izango duzue gure herriko festaren berri.

Agur,

Lurdes Elortza

German Zelaia (2005/05/11 - 21:57)

BEBERRIRO!!!! Egilea: German Zelaia B maila: 2. SARIA

1. Hemen dira berriro
   pizti hauek hoska
   hauteskundeak laister
   hortxe dago koska
   gu ez gaituzte behar
   baizik gura bozka
   herria ez al dago
   mekauen dioska.
2. Lehen esandakorikan
   etziguten bete
   hala ere kezkarik
   ez daukate bate
   irripar faltsoakin
   aterikan ate
   gurtede batentzat gain
   narru badaukate.
3. Lehengo bidea dute
   nahiko narrastua
   nahiz ipini nahi dute
   apain orraztua
   detaile guztiakin
   ondo marraztua
   baina nabarmentzen da
   lehengo arrastua.
4. Batzuk baieztatua
   beste batzuk uka
   kontraesanetikan
   nahikoa badauka
   denak Euskadin alde
   ta alkarren aurka
   ez dago ulertzerik
   harrituta nauka.
5. Gustokoa dutena
   ospea ta fama
   herri xehearentzako
   uzten dute zama
   guk xurgatuko dugu
   zeuk egin lana
   Ibarretxe Lopez ta
   beste denen plana.
6. Ez dauzkagu ohituak
   hain bide estutan
   nahiago dute lasai
   hor goiko postutan
   soldatarekin inoiz
   ez dabiltz disputan
   nahi duten dana altxa
   beraien eskutan.
7. Guretzako eskaintza
   daukate gerora
   lehendabizikoa da
   etxeko mejora
   batzuk ezin iritsiz
   seirehun eurora
   haiek berriz dabiltza
   sei milatik gora.
8. Ilusio galdurik
   ez digute pizten
   ala era aterik
   ez diegu ixten
   mezu baikorrik bate
   etzaigu iristen
   nahi dezutena pentsa
   nik ez dut sinisten.
9. Idatzi dezakete
   Euskadin eskela
   herri minik dunantzat
   albiste ospela
   politika ote da
   berezko ustela
   edo eta usteldu
   digute bestela.
10. Azkenean gehienak
    gerade nazkatu
    korapilorik ezin
    baitugu askatu
    barkamena eskatzen
    zertako kezkatu
    beraiek ez bai dute
    sekulan eskatu.

JON EGIGUREN (2005/01/31 - 23:02)

Iritzi obeak asko izango dira behar bada Aizarnan ausartu herritarrei azaltzera atal honetan.

Aizarna berpizteko nire iritziak ez du asko balioko behar bada, baino Aizarnarra izanik baditut iritzi pertsonal batzuk, ondoren azaldu nahi ditudanak atal honetan. Aizarnak izan duen biztanleen beherakada oso drastikoa izan da. Urte gutxian baserri asko hustu dira, eta kaletar ugari ikusi dugu herritik irteten, beste hiri handiago batek ematen duen babes eta erosotasunaren bila, herri txikiak dituen arazoak alde batera utziaz. Hau ez da Aizarnan bakarrik gertatu, egoera berdina herri txiki askok jasan dute, eta hori ikusita ezinbestekoa da Aizarnarekin gertatutakoa onartzea. Gizakiak beti izan baitu erosotasuna lortzea helburu. Arazo honen errudunak aurkitzen denok saiatu gera herrian. Batzuk ihes egin duten biztanleei bota diegu, beste batzuk erakunde publikoei arazo hontaz ez direlako arduratu, baina arazo honen oinarria azken urteek ekarritako egoeran aurkitu behar da.. Horretarako ez dago azterketa handirik egin beharrik: industrializazioa eta berak hirietako biztanleei ekarri dien erosotasunean datza arazoaren oinarria. Egoera ekonomikoan ere desberdintasuna nabaria izan dela esango nuke. Etxebizitzak, lantokiak, zerbitzuak garraioak eta abar, ez dira bere garaian iritsi herri txikietara.

Aizarna berpizteko bideak irekitzean, zapuzteko egon diren arazoak gainditzea izan behar luke erantzuna. Baina nahiz eta arazo hoiek ongi bideratu, zerbait gehiagoren beharra ere somatzen dut, herriko biztanleak bertan jarraitzeko eta herriari bizi berri bat emateko Baserritarrak arazo honi aurre egiteko egin dituen ahaleginak ugariak izan dira, lehendabizi kooperatibak sortuaz eta gero inbertsio handiak eginez eta abar. Industriak eman duen emaitza ez ikustean lanbidea aldatzea izan da baserritar askok hartu duen erabakia. Baserriak berpizteko edo biziberritzeko udaletxeak egiten dituen ahaleginak ez dira nahikoak izango arazo hau bideratzeko, zerbitzu egokiak ematea izan behar du gaur egun eginbeharrik garrantzitsuena. Politika orokor handi baten barruan sartu beharra dago, gure baserrien egoerei irtenbidea bilatu nahi badiegu behintzat. Europak gai honetan dituen araudiak ikusi eta Eusko Jaurlaritzaren erakundeek bideratu behar dute gaur baserriek orokorrean duten krisialdi hau (Aizarnakoa barren dela). Aizarna bailara polita dugu, industrialdeak oso hurrean dauzkagu, errepidearen arazorik ere ez daukagu. Bere kokapena ez dago hain urruti industriak diren tokitik, 20 minuturen barruan baitira lantokiak. Beste edozein tokitan ere, ez da gutxiago behar lantokira iristeko. Gaur egun Aizarnak ez ditu hain baldintza desegokiak, eguneroko bizimodua eraman ahal izateko distantziak ez dira gainditu ezinak. Hala ere, oraindik bertako seme-alabak kanpora joaten ikusten dira famili bat sortzeko orduan. Nola nahi dugu herriko semeak bertan finkatzea etxebizitza egokirik ez bada herrian?. Ezinbestekoa dugu lehendabizi arazo honi aurre egitea, herri txiki polit hau berpizten ikusi nahi badugu. Arazo honi aurre egiteko, erakunde publikoen laguntza ezinbestekoa dugu, salneurri mugatua duten etxebizitzak bultzatzerako orduan, adibidez. Ekimen pribatuak bakarrik ez du Aizarna berpiztuko, baina handiagoa egin behar bada bai, herriak duen berezitasuna alde batera utzita. Etxebizitza egokiak eta prezioz arrazoizkoak lortzea izan behar du lehenengo ekimena, eta herrian jatorria dutenek lehentasuna erosterakoan. Hala ere, herri txiki batean bizitzeak dituen baldintzak ikusita, astebukaera edo oporretarako erabiltzea ere ezin dugu baztertu hasiera batean, ez da kanpoko jendeak jabetza lortzea ere. Gaur egun Aizarnako kalean ditugun etxebizitzak erabat egokituak ditugu, oso ondo hornituak gainera. Sendi artean erabiltzen direnak, bigarren etxebizitzak direla esan genezake gehienbat, berpizterako orduan asko lagundu dezaketenak, herri txiki polit eta xarmant baten itxura emanaz. Aizarnak duen orografia eta kokapena ikusita, biztanle kopuru handi bat egiteak ez du zentzurik, eta industriak erakartzea gutxiago, mendiak garbitzeko, bide-zaintzeko, edo gaur egun baserriak erabiltzen dituen industri motaz aparte.

Hemen aipatu ditugun helburuak bide egoki batean lortzeko Udaletxearen laguntza ezinbestekoa da, ekimen pribatu baten esku uzteak herria berpiztu beharrean, desorekatzea ere lortu lezake espekulazioen bideak irekita. Aipatu dugun bezala lehendabiziko ekimena biztanle kopurua zerbait gehitzea izan behar du, kopurua gehitzean zerbitzuen beharra agerian jarriko da: ikastolak, garraioak, kirola eta abar. Gizarte aurrerakoien artean gaudenez, berpizterako orduan, Udaletxeak herri txikietan dituen azpiegiturek garrantzi handia dute: mugikorren koberturak, interneterako banda zabalak eta abar. Herri bat berpiztu arren, berak izan duen izaera edo berezitasuna, zerbait murriztua gelditzen zaigu, esate baterako: hizkuntzaren erabilpena, ohiturak, lanbideak, kultura, pentsaerak... berpiztea lortu arren, hauek denak ez dira lehengoko berdinak izango. Aizarnaren kasuan oraindik sakonago nabarituko da akaso, berezitasun nabaria izan duelako behar bada. Bertan bizitzen jarraitu duten biztanleek ez dute galdu oraindik berezitasun hau, baina gutxi direnez berpizteko orduan ez dira nahiko nortasun hori gordetzeko, berpizteak aniztasuna ekartzen duelako Berpizterako orduan, Aizarna bailarak izan dituen bizibideak, eraikuntzaren egiturak, bideak, nekazaritzaren emaitzak eta abar, ongi jasotzea komenigarria litzateke Aizarnak izan duen historia agerian gelditu dadin. Aizarnako bailarak gaur egun oso ingurune egokia du, abeltzaintza edo herrian oraindik bizi diren baserritarrei esker. Aurrera begira ordea zalantza handiak ditut lanbide hau gai izango denik gaur daukagun ingurugune egoki hau ondo zaintzeko. Aizarnak duen nukleoa polita da, gaur egun baserriak ere gehienetan zerbait berrituak edo egokituak daude, eta zer esanik ez kaleko etxebizitzei buruz. Inguruneak ez du aldaketa drastikorik jasan herriko biztanleekin gertatu den bezala, beraz bailarak duen inguruneak ez dauka aparteko lanik herria berpizterako orduan. Dena dela, gutxienez inguruak zaindu egin beharko dira ‘pino insignis’ delakoa edo zuhaitzak kaleraino iritsi ez daitezen. Gaur egungo araudiak zenbateraino babesten duen hau ez dakidan arren, gai hau bideratu ahal izateko plan orokor bat onuragarri litzateke herrirako.

Jon Egiguren

Herriko Bertsozale bat (2004/09/17 - 15:42)

German Zelaiak prestaturiko bertsoak irakurri dittut. Noski, 61ean jaioa izanik ere, ezagutu dut zeini buruz ari den bere bertsoetan eta gehiago esateko, geure baserriko sukaldean egonaldia egina duela orain dela pare bat aste "Garzon" erako horrek aittona ikusteko griña sartu zitzaiola adieraziaz. Baina horri buruz ez nuen hitzegin nahi. Adierazi nahi nuen gauza bakarra zera da. Oso oso bertso txukunak direla eta habilidade horrekin jarraitzeko idazten.

German Zelaia (2004/05/26 - 21:53)

Egilea: GERMAN ZELAIA

1. Haurtzaroko kontuak
harturik bertso gaiz
gogorra izan zan da
akordatutzen naiz
ez ginan beti izan
gu aurpegi alaiz
"dalefuertiak" ziran
gure inguruan maiz
mandazai behar zuna
izan gendun apaiz

2. Goizez jaikitzen ginan
apaizan kezketan
beti beldurrez ginan
jai eta astetan
nola eman pausoak
nola egin hizketan
hori nabaritzen zan
herriko gaztetan
Frankon dotriñakoa
zan nere ustetan

3. Ateratzen zanean
tragon bat edanda
baten batekin laister
zedukan demanda
nik ere nahiko sarri
izaten nun txanda
ezker eta eskubi
dinbi eta danba
hotzikara sartzen zait
egia esanda

4. Barruan zerbait txarra
zuen nerekiko
bestela hainbat gorroto
etzun edukiko
noiznahi masailekoak
potrotan ostiko
meza ondorenean
plazan belauniko
izorratu gintuen
bizitza guztiko


5. Hainbat zigor mota ta
hainbat "dalefuerte"
gure sufrimenduaz
gozatzen zan parte
txirtetan belauniko
etzan ona bate
etzan hamar miñutu
etzan ordubete
belaunak odoletan
hasten ziran arte

6. Azkenen dotriñara
joateari utzi
ezer onik ezin zun
harek erakutsi
apaizari etzion
horrek egin grazi
gurasoen kontrako
kanpaña zun hasi
guraso izenikan
etzela merezi

7. Pisutsuak ohi ziran
apaizan esanak
lurperatu zituen
gure kristau famak
menderauko gintula
infernuko zamak
a zer buru hausteak
aitak eta amak
deskomulgau ginuzen
gu etxeko danak

8. Epaitutzen gintuen
apaizak ederki
Garzon nundik datorren
Jaungoikoak daki
antzekoak baitira
hainbat erabaki
gure gurasoentzat
hainbeste aitzaki
ta bere ama nor zun
sikira baleki


9. Baina neska kontutan
begi onekua
opariak eiteko
nolako tajua
oroitu egin behar da
hala Jaungoikua
amabirjiñai kendu
belarritakua
ta nik badakit nor dan
jantzi zun gajua

10. Baztar guztiak nahasten
hainbeste birturte
horrela ibili zan
urterikan urte
harriak berak ere
negar eingo luke
zer lortzen ote zuan
oparian truke
ez dakit ziur bañan
asmatuko nuke

11. Konfesanarioan
hark zuen freskura
han ilbandutzen zuen
geroko joskura
penitentzien bidez
guztia eskura
gero sakristin kendu
azpiko azkura
orain ibiltzen dauka
jardunan postura

12. Jaulki ez balitz hobe
sortu zun hazia
nola izan zan hura
uztauan klasia
edo bestela eman
tratu berezia
loratzerako moztu
ta bota sasia
izurratu etzezan
gaztedi guzia

13. Sotanaz baliatuz
hura han da hemen
gorrotoa zabalduz
Jainkuan izenen
etzekien ibiltzen
hark bide zuzenen
aldegin edo bialdu
egin zan azkenen
eta denok gustora
ezkutatu zenen

14. Zauri senda eziñak
sarritan berritu
bihotzikan duana
nitaz errukitu
sotanpeko dotriña
nahi nuen argitu
kontu beltzaguake
beltz harek baditu
baina denak esaten
ez naiz atrebitu.

15. Barruan neduzkanak
hainbat kontu triste
behingoz kanporatzeko
sentitu naiz aske
hemen bukatzen danik
etzazut uste
inor baldin balego
kontu gehion eske
oraindikan badaukat
beste horrenbeste.

Lurdes Elortza (2004/05/10 - 18:08)

Aizarnar sentitzen naiz "buru ta belarri" eta bihotzez maite dut nere herria, horregatik izugarrizko poza eman dit zuk Jon egin duzun ahalegina, bai Danbolin "rebistan" eta bai web horri hau sortzeagatik. Nere eskerrak ematen dizkizut Aizarnako Bikutzeko etxetik.

Ea denon arten pixkat alaitzen dugun gure herri txikia.

Nere iritzia emango dizut. Momentu honetan jende gutxi bizi da, eta horren errua asko guregan dagola iruditzen zait, komodidade errez batean sartzen geralako. Zenbat aldiz esaten dugu aste buruetan? Hau egongo balitz, ura egongo balitz. Eta hori nola lortzen da? Han bizi ta, ez alde egin da. Horregatik nere eskerra baita ere doa han bizi diren herritar guztiei, berak direlako Aizarnako bihotza.

hasiera| artikuluak| santa engrazia| hileroko argazkiak| argazkiak| iritzia| ostatuak| kontaktua