German Zelaiaren bertsoak abestuta
Aspaldi osatutako bertsoak dira hemen eta orain argitaratzen ditudanak. Lehen iritzien atalean bakarrik zeuden jasota, orain artikuluen atalean sartuko ditut berauek entzuteko aukera gehitu ondoren. Bertso hauek German Zelaia Aizarnakoak osatutakoak dira.
Urte batzuk igaro dira bertso hauek osatu zituenetik Germanek eta Eņaut Agirre bertsolariak ere ezagutzen zituen nonbait eta nola gustukoak zituen, afari batean berauek kantatu zituen. Orain nahi duenak entzun edo irakurri, bi aukera izango ditu bertan, ea gustukoak dituzuen.
Jon Egiguren
===================================================
Egilea: GERMAN ZELAIA...2004/5/26
- Haurtzaroko kontuak
harturik bertso gaiz
gogorra izan zan da
akordatutzen naiz
ez ginan beti izan
gu aurpegi alaiz
"dalefuertiak" ziran
gure inguruan maiz
mandazai behar zuna
izan gendun apaiz
. - Goizez jaikitzen ginen
apaizen kezketan
nola eman pausoak
nola egin hizketan
hori nabaritzen zan
herriko gaztetan
beti beldurrez ginan
jai eta astetan
Frankon dotriņakoa
zan nere ustetan
. - Ateratzen zanean
tragon bat edanda
baten batekin laister
zedukan demanda
nik ere nahiko sarri
izaten nun txanda
ezker eta eskubi
dinbi eta danba
hotzikara sartzen zait
egia esanda
. - Barruan zerbait txarra
zuen nerekiko
bestela hainbat gorroto
etzun edukiko
noiznahi masailekoak
potrotan ostiko
meza ondorenean
plazan belauniko
izorratu gintuen
bizitza guztiko
. - Hainbat zigor mota ta
hainbat "dalefuerte"
gure sufrimenduaz
gozatzen zan parte
txirtetan belauniko
etzan ona bate
etzan hamar miņutu
etzan ordubete
belaunak odoletan
hasten ziran arte
. - Azkenen dotriņara
joateari utzi
ezer onik ezin zun
harek erakutsi
apaizari etzion
horrek egin grazi
gurasoen kontrako
kanpaņa zun hasi
guraso izenikan
etzela merezi
. - Pisutsuak ohi ziran
apaizan esanak
lurperatu zituen
gure kristau famak
menderauko gintula
infernuko zamak
a zer buru hausteak
aitak eta amak
deskomulgau ginuzen
gu etxeko danak
. - Epaitutzen gintuen
apaizak ederki
Garzon nundik datorren
Jaungoikoak daki
antzekoak baitira
hainbat erabaki
gure gurasoentzat
hainbeste aitzaki
ta bere ama nor zun
sikira baleki
. - Baina neska kontutan
begi onekua
opariak eiteko
nolako tajua
oroitu egin behar da
hala Jaungoikua
amabirjiņai kendu
belarritakua
ta nik badakit nor dan
jantzi zun gajua
. - Baztar guztiak nahasten
hainbeste birturte
horrela ibili zan
urterikan urte
harriak berak ere
negar eingo luke
zer lortzen ote zuan
oparian truke
ez dakit ziur baņan
asmatuko nuke
. - Konfesanarioan
hark zuen freskura
han ilbandutzen zuen
geroko joskura
penitentzien bidez
guztia eskura
gero sakristin kendu
azpiko azkura
orain ibiltzen dauka
jardunan postura
. - Jaulki ez balitz hobe
sortu zun hazia
nola izan zan hura
uztauan klasia
edo bestela eman
tratu berezia
loratzerako moztu
ta bota sasia
izurratu etzezan
gaztedi guzia
. - Sotanaz baliatuz
hura han da hemen
gorrotoa zabalduz
Jainkuan izenen
etzekien ibiltzen
hark bide zuzenen
aldegin edo bialdu
egin zan azkenen
eta denok gustora
ezkutatu zenen
. - Zauri senda eziņak
sarritan berritu
bihotzikan duana
nitaz errukitu
sotanpeko dotriņa
nahi nuen argitu
kontu beltzaguake
beltz harek baditu
baina denak esaten
ez naiz atrebitu
. - Barruan neduzkanak
hainbat kontu triste
behingoz kanporatzeko
sentitu naiz aske
hemen bukatzen danik
etzazut uste
inor baldin balego
kontu gehion eske
oraindikan badaukat
beste horrenbeste
.