Aizarnako ikasle txikien lanak
Eskola txikien elkarteak duen aldizkari baterako egin zuten Aizarnako ikasleak lan txiki hau. Bolibiatik etorri eta Herriko eskolan ikasketak egiten hasi den mutiko bateri egindako elkarrizketa polit bat da idatzi dutena.
Urte bat edo beste pasatu da elkarrizketa hau argitaratu zutela eta argazki bat ere badu berekin, gaur egun argazkian azaltzen diren denak lehen mailako ikasketak amaitu ondoren, ez dira eskola honetan ibiliko, baina bertan biziko dira seguru asko..
Nahiz eta bertako ikastolan jarraitu edo beste herri batera irten ikasketak egitera, argazkia eta egin zuten lan hau gogoratzeko kopia bat azaltzen dut orri honetan, bertatik begirada bat egin ahal izateko.
Gurasoak, edo argazkian azaltzen diren ikasleak urte haiek gogoratuaz gozatzeko.
Jon Egiguren
--------------------------------------------------------------------------------
ELKARRIZKETA
Aizarnako Eskola bertako ikasleez osaturik egon da beti. Txiki-txikitatik guztiek elkar ezagutzen dugu. Guztiak Aizarnan jaioak gara eta gure familiak ere elkar ezagutzen dute. Ikasturte honetan ikaskide berri bat etorri da eskolara. Urduritasun eta jakinminarekin jaso genuen albistea. Ezagutzen ez genuen ikasle berri bat baitzetorren eskolara.
Carlos deitzen da gure lagun berrria eta 6 urte ditu.Boliviatik etorri da eta ez daki Euskaraz hitzegiten. Orain pixka bat ikasi du. Bolivia eta Aizarna arteko ezberdintasunak ezagutzeko elkarrizketa bat egin diogu Carlosi. Erderaz egin dugu berak ulertzeko eta gero guk Euskarara itzuli dugu.
1.- Nola du izena zu bizi zinen herriak ? La Colorada.
2.- Aizarna baino handiagoa al da? Bai handiagoa da.
3.- Non bizi zinen baserrian edo etxe batean? Etxe batean.
4.- Nolakoak dira bertako etxeak? Aizarnakoak baino altuagoak, 3 pisu dituzte.
5.- Ze ezberdintasun dago Bolivian zeneukan etxearen eta Aizarnako etxearen artean? Hemengoa handiagoa da,hemengoak bi pisu ditu baina hangoak patio handiagoa zuen.
6.- Zenbat pertsona bizi zineten zure etxean? Gure etxean 15 ginen eta nire amona kokoteraino zegoen.
7.- Nolako janaria jaten da Bolivian? Kafea eta gozoak (“dulces”) buztinezko ontzitan.
8.-Nolako klima egiten du zure herrian? Bero haundia egiten du eta hemen baino euri gehiago. Baina ez du inoiz elurrik egiten.
9.- Nola deitzen da Boliviako haurtzaindegia? Zenbat urterekin hasi zinen bertan eta zenbat urterekin amaitu zenuen?. Fuente De Saber deitzen da.Lau urterekin hasi nintzen eta sei urterekin amaitu nuen.
10- Zenbat ume zineten eskolan? Hemen baino askoz gehiago.
11.- Polita zen zure eskola? Hemengoa baino haundiagoa, lur gehiago zuen inguruan.
12.- Zertara jolasten zenuen zure lagunekin? Ezkutaketan, futbolean, “Carrusel que da vueltas”...
13.- Zein da Bolivian gehien erabiltzen den garraiobidea? Mikrobusa.
14.- Zer ikusten zenuten telebistan? Marrazki bizidunak.
15.- Zure lurraldean diru gutxi dago? Bai gutxi. Peso bat 15 zentimo dira.
16.- Zertan egiten zuen lan zure aitak Bolivian ? Mikrobusa gidatzen zuen.
17.- Zoriontsua zinen Bolivian? Bai. Baino han ez dago hondartzarik. Han igerilekuak ditugu.
Egileak: Aizarnako herri eskola 1. eta 3. mailak
"TXIKIPRESS" ALDIZKARIAK ARGITARATUA
---------------------------------------------------------------------------------------------------------